JEREMIYA 30:7 - BAIBEL (BSI)

⁷ Aha! Atsala tipauye akumsapuke; tipa tsalaye kiunomu kimighimla keu tsalake; tiye iwu timiqo ghenguno shilukusa aghime ghulokike, ikemu panongu puxutsu nani.”

Sumi Naga CL (Re-edited) Bible (BSI)

⁷ Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

JEREMIYA 30:7 ပူးပေါင်းရင်းမြစ်များ

BOTHUBO 32:7

Ike Jakob ye ighono musa ichive. Pano pa gholo chekemi timi, bheri, ane, kemel, ishi aqo kinini shi kijeve.

LESHELE 25:22

O Alhou, shiluksa kumtsu lono owu timi Israilmi xachile lulo.

LESHELE 34:19

Timi kivimiye shiluksa kutomo lono aghime shicheni, ikemu AMPEU no tipaqo kumtsu launo pa xaphelu cheni;

ISAIAH 20:6

Tipa tsalalo, Filistiyami azu phivilo achekemino ishi pinani, ‘Asiriya kukatou launo nisusholupe nike ninguno pukhu achekemi lau kiu shive akeno julo! Ninguye kishi puzu poluni kya?’ ”

JEREMIYA 14:8

Israilw lajupuye olikhiake; kutsakungokeu lono nixalukeuye nonoke. Noye kushiye nighakhulo inami toi ani, kicheghuzumi lakhino kijili lakhi ngokeu toi shi ani kya?

JEREMIYA 2:27

Nongu khunoqono asuboye nongu papu eno atuquye nongu paza kepi picheni keno, tipanoqo kumtsu shikukujoqhi nani. Hiye shini putsa kughengu nonguno ilau tsughu ighi nike zuqhu ilauno tsughusu wuveke. Ikemu nonguno kughou shiluksa shini keno ivilo nongu lau ighieno nongu xalutsu lopi iniju chenike.”

JEREMIYA 2:28

Nolikhi nonguno alhouqo shipesu qhikeu khile ani kya? Nonguno kughou shiluksa shini keno tipaqo pelo nongu xalu pelo, panonguno tishikulupu shiaghiaye! Juda, noye aphughi khijehi ani keno tijejehi alhouqo kutomo puanike.

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

AKUMLO 1:12

Vechewu cheghi kemi kumtsu vilo lino pi, “Ikudau jupuwulo, khumu ino suakeu toi supuamoe, tiye AMPEU no pa loghu lono ishou sughi keu kusuke.”

AKUMLO 2:13

O Jerusalem, kupuqhiyi chekeu Jerusalem Niye okugha pesu kiu kimihi shitsuni kya? niye kishi puzu olokughunotsu luni kya? Khumu hikithipu shi aghime shimphike. Azughi mighiwo tomlake toi okutsa kungovekeuye titoivae; lajupu kiumu kuhavae.

AKUMLO 4:6

Ingaqo ghime huye Sodom xine ghengu no aghime tsukeu nguno akijeu shi ado kitila dolono peiveno khunomu panoqo kuphu kulupu shimove.

DANIEL 12:1

Kungumi lakhi aphi kumtsha uakeu no pi, “Aghuloki lakhilo, Mikhel kungumi akijeu khuu owu timiqo khe acheni keno pano ipeghi nani. Tileno ighono aghime lhoksa ayeghi lhotughu lono ishi kutolo ithumula aphikeu shi nani. Aghuloki tipau ighi kelo, no shiayeh dolo khunoqo je Alhou wu kakulo yepuaghini keno xaluve nani.

DANIEL 9:12

Nilau eno nikusau lau kiu shiniepi keno tipau shive cheni. Nono Jerusalem aghime tsukeuhu hipa yeghiqhalo aphughi lakhimu titoi ithulu mphi.

HOSIYA 1:11

Juda lo akemi ngo Israil lo akemiqoye pekuqhave nani. Panonguno kuqhano panoqo wu sakipheu lakhi kisheluve nani eno itaghi panonguye pano yeghilo thuwuve eno alau ikowove nani. Iye, Jezrel tsalaye atsala kije lakhi shi nani!

JOYIL 1:15

AMPEU tsalaye kupunuvae; tiye AMPEU no kutsakungokeu sughinike tsalake. Tipa tsalano akuighupu kiu sughini kela!

JOYIL 1:2

Hipau inilo, nongu muchomiqo; Juda lo akemiqo kumtsuno inilo. Nongu ghulokilo momu no puasu qo ghulokilo hikithipu shi puani ma?

JOYIL 2:11

AMPEU no pawu ghushimi vilo tsutsusu keshi ahza tsuke. Aghushimi pa gholukemi kumzapu eno akuka kughushuke. AMPEU tsala kiutoi akuighupu kela! khuuno tipaulo xu kulupu kya?

JOYIL 2:31

AMPEU tsala akuighupu tsala kije ighinike zulo, tsukinheno zumoive nani, aqhino aji toi huchuive nani.

MICAH 4:9

Noye kushiye tishi vekipighi igha ani kya? Noye kushiye totimi apunukusu su akemi toi shilukusa shiani kya? Tiye nokukau kuhake ghenguno keo akukumsu tsuchekemiqo thive kehu kesha?

HABAKUK 3:16

Ino hipau kumtsu chilu eno musa khokhoshi; akumsa lono imtsuno lalashi itha. Iphimpino inaiveke, eno ipukhuno aqhou kudauno kupuxaluveke. Alhou no ni leighikemiqo ghimeqhike ghuloki ighinikeu niye inaqhoi khe anani.

ZEKHARIA 14:7

momu zumoikeu shimove nani. Putholomu pulhapujulo puchou kuvu toi auve nani. Kughono hipau shini cheni keno AMPEU likhino ithi ani.

MALAKI 4:1

Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

Mark 13:19

Kughengu tipaqo tsalalo akijikusapu chekeu huye Alhou no inahuu ayeghi lhoke lono ishi kutolo tikithipu shimphi, momu hikithipu itaghi shimo nani.

Apostolmi 2:20

Tsukinhe no zumoive nani, aqhino ajhi toi huchuyive nani, ti Ampeu tsala shishe kije eno akimthe-jukuvu ighi nike zulo.

Rommi 11:26

Ikehu Israilmi kumtsu xaluve nani, kuchoyesulo pipuakeu toi: “Zion lono xakuluu ighi nani Pano Jakob polo kughukomi launo kusakugha kumtsu haphevetsu nani.

Piyeküsü 6:17

kughengu panongu loghu tsala ighivae eno khuno tipaulo puthugho kulupu kya?”