JEREMIYA 30:3 - BAIBEL (BSI)

³ Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

Sumi Naga CL (Re-edited) Bible (BSI)

³ Kughengu julo, Ampeu no sheshu, I no Iw timi Israel ngo Judah kinigha athoputho tsüni keu tsala cheni, Ampeu no pi, eno pano puasüqo tsükeu yeghi lo panongu sachile saghi no panongu no tipau pighi luve nani.”

JEREMIYA 30:3 ပူးပေါင်းရင်းမြစ်များ

EZRA 3:1

Kughou aqhi tsuni shivekeno Israilmiye aphughilo kumqoluve eno timi kumtsu Jerusalem lo hekutsu luve.

EZRA 3:12

Ikemu achinemi kichimi kutomo, Levi laghaqo eno sakiphemi kichimi khunoqono puzuu chineki ithulu puakeno eno itehi chineki boqha qhakeu juapuzu ighono igha qa auve, ikemu khami ye alokivi lono igha ae.

EZRA 3:8

Panonguno Jerusalem lo ighi keu mpe akiniu aqhi akiniu lono achineki phu-alo ighi puzu akumla huthu. Akumlaye ideighi kemiqono shi eno Sheltial nu Zerubabel, Jehozadak nu Joshua eno panongu kusami, achinemi eno Levi laghaqo kuqhano akumla shilu.

LESHELE 126:4

O AMPEU, ni kuakini gha ni tsuchile lo zuha ghulokilo azu qoile ighi veke toi.

LESHELE 53:6

O Zion launo Israilmi xakulupu ighipenikeu ino inikhue. Kughou Alhou no pawu timi sachile sawo kinikulu shilu peni keno Israilmi ye alokivi shi nani.

JEREMIYA 16:15

Tipa zuqhulo, panonguno tushoqhi keulo Alhou no ayeghi ahuu akeu lono eno ayeghi kutau kumtsu khilehi pano panoqo hakughutsuve keu lono Israil saighikeuye xuanike ghenguno ipi pi nani. Ino pano yeghilo panoqo sachile saghi nani, ti panoqo puasuqo lau ino tsukeu yeghilo. Ni, AMPEU no piqhive ake.”

JEREMIYA 23:5

AMPEU no pi, “Akukau shipe nike David tikughuko lomi amikuchomi lakhi ino kishelu nikeu ghuloki wocheni. Akukau tipauye alokutsushi eno kiuno achipiu akuzupu keno tipau aghakhu qhachho ayehpe nani.

JEREMIYA 27:11

Ikemu ashiayeh khipaqono Babilon kukau qholo ngoluveni keno, tileno ino tipau pelo pano yeghilo ngoalu, tile alu chilu eno tilehi kughuna lu pe nani. Ni, AMPEU no piqhiveake.”

JEREMIYA 27:22

Tipaqoye Babilon lo pewuve nani eno ino tipau shou imlo tsuqhiyi kumsulumo ke kutolo tilau ache nani eno hipa alo sughi no qhi nani. Ni, AMPEU no piqhiveake.”

JEREMIYA 29:10

“AMPEU no pianike, ‘Kughono Babilon lo wukeu ampe lhotsuni kupuveni keno ino nongu ghenguno alokumsu anani eno noyeghilo nongu saideghini ke ishoqhi penani.

JEREMIYA 29:14

Iye, ino piani, nonguno iphulu nani eno ino noyeghilo nongu sachilesawo qhi nani. Ino khile nongu hale puwuve keno tipaqo-a kumtsu lono, tipaqo ghakhu lono ino nongu hekutsu kumqo nani, eno khipa yeghi lono ino nongu hapupove keno tilau ino nongu sachile saghi nani. Ni, AMPEU no piqhiveake!’

JEREMIYA 3:18

Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 30:18

AMPEU no piani, “Ino iwu timiqo pano yeghilo sachilesaghini eno akibokumtsu shou kimiyeqhiyi nani. Jerusalem ye shiqhe kitheve nani, tipaulo kukami kiye thosulo toive nani.

JEREMIYA 30:4

AMPEU no Israil ngo Juda lo akemi ghenguno pikeu tsake:

JEREMIYA 31:16

Okuqa tavelo eno onhezuqo isuvelo. Nono atianuli ghenguno mlakeu kumtsu asaxu tsumono puwuve-keu shimoke; Panonguye aghumi yeghi lono ide ighi nani.

JEREMIYA 31:23

Aqokitikhi MPEU, Israil Lhou no piani, “Kughou ino timiqo pano yeghilo sachile saghini keno, panonguno itaghi Juda lo taun akeqo yeghi lo ishi pinani. ‘AMPEU no Jerusalem toghi akimtheu kumghatsu peniu, akimthe-a khilehi pano achekeualo,’ ”

JEREMIYA 31:27

“Ni, AMPEU no pianike ino Israil ngo Juda yeghi lo timi eno lhoxu pesu chhitoi tsunikeu ghuloki cheni.

JEREMIYA 31:31

AMPEU no piani, “Ino Israil lo timi eno Juda lo timiqo sasu puloshoqhi akithe lakhi shinikeu ghuloki wocheni.

JEREMIYA 31:38

AMPEU no pianike, “Jerusalem qha kumtsu iphughi kepi shipuku kithe luvenikeu ghuloki wocheni, tiye Hananel Liwo ghukhea kulolauno Acheku Khagho kutoke.

JEREMIYA 32:37

Ino iloghu kighide lono ayeghiqha khilehi panoqo hale puwuve keno tikudauno timiqo hekutsuni cheni eno hipa-alo panoqo sachile saghini cheni eno kiunomu kupuna pemono panoqoye hile kughuna peni cheni.

JEREMIYA 32:44

Timiqono tipaqo qhu nani eno kughakutha kaku yemichi shi, mekhave eno thopi shikeu shinani. Hiye Benjamin lughi bocho lono shini cheni, Jerusalem sukumxalo aphu akeqolo, Juda lo taun akeqolo eno atokujolo taun akeqolo, naghuto pukhu kuxalo eno Juda apeu kudaulo shini cheni. Ino timiqo pano yeghilo sachilesawo sunani. Ni, AMPEU no piqhiveake.”

JEREMIYA 33:26

niye Jakob laghami ngo Iqeu David peve nike eno David laghami lakhi kishe pesu Abraham ngo Isak eno Jakob laghami shou ayehpe pemoni cheke. Ikemu iwu timiqo shou ino kimiye qhiyi nani eno itaghi panoqoye kinikulu shipe nani.”

JEREMIYA 51:60

Babilon shou kutsakungo ighinikeu shi akeu kumtsu kishekulushi ino kaku lakhilo yesuve, eno tipa gholo Babilon ghili kutau akeqo ghi yesuve.

EZEKEL 20:42

Ino nopuasuqo tsunikeushi tushoqhivekeu Israil ghakhulo kughou ino nongu saideghini keno tileno niye AMPEU kepi nonguno ithi nani.

EZEKEL 34:13

Ino inaghami ghakhu lono panoqo saipeghi, puzu panoqo hekutsu kumqono pano yeghilo sachile saghi nani. Ino panoqo Israil naghutoqo eno aghokitiqo lo sachile saghi nani eno atsuni kivilo panoqo achukumza nani.

EZEKEL 36:24

Ashiayeh eno aghakhu kutau akeu gholono ino nongu salu nani eno noyeghilo sachile saghi nani.

EZEKEL 47:14

Ino nopuasu lau tsaquino tushoqhive keuno niye ayeghi hipau panongu mheghipushi tsu nikeu shike; itehiye nongu dolo aqhemishi kijethalulo.

JOYIL 3:1

AMPEU no pi, “Julo, tipa ghulokilo ino Juda ngo Jerusalem kinikulu suchile saghi nani.

ZEFANIA 2:7

Juda lo timi puxu puaghi keqono noyeghi lo ngoluve nani. Panonguno tilehi pano wu bheri loji achukumza nani eno Ashkelon lo aki akeqolo zu nani. AMPEU panoqo Lhou no panoqo sasu anani eno panoqo pelo itaghi kinikulu shilupe nani.

ZEFANIA 3:20

Aghuloki wocheni! Ino notimi apanagha akemi aghakhulo saghi nani. Ino ayeghiqhalo akemi zulo nonguye ajekipipu shi tsu nani, eno nongu pelo itaghi kini kulu shilupe nani.” AMPEU no pivae.

Luke 17:22

Tileno pano pa khopemi vilo pi: “Nonguno Timi Nu hu tsala lakhi likhimu ithulunishi qhiyikeu tsala ighi nani, ikemu nonguno ti ithumla nani.

Luke 19:43

Ongukusa tsala ighi nani, oghumino ayeghino atozu toi pesu osumxa shipuku nani, eno okhasuluve nani, eno aqha kumtsu lono osuhuluve nani.

Luke 21:6

“Hipaqo khikhi nonguno ithulu akhani keno, ghulo lakhiloye atu lakhinomu lakhi shou qhimove nani, ikemu kumtsu tukiqeve nani.”

ZAKINIU 30:3

tileno AMPEU Alhou no nongu shou amlo ighiqhiyive nani. Pano khilehi nongu apanagha puwuve keno tipaqo shiayeh launo nongu sachile saghi nani eno pano itaghi nongu pelo axukivi shilu penani.

ZAKINIU 30:5

tishianguno nongu puasuno khilehi ache keno tipau yeghi itaghi amheghi shi pighiluve nani. Pano nopuasu nguno alaushi nongu pelo kinikulu shilupe no timi kumzapu shilupe nanike.

IBRIMI 8:8

Ikemu Alhou no ishi pikeulo paye pawu timiqo lau akuyiqupu ithulupe anie: “Ampeu no piani, Ino Israil kibolomi ngo Juda laghami sasu puloshoqhi akitheu shinikeu tsalaqo ighini cheni.