JEREMIYA 30:19 - BAIBEL (BSI)

¹⁹ Timi khunoqono tilehi xuacheni keno shekiqhe lephe nani; Panonguno alokivi launo igha asheshu nani. Ikukumgha vechewo panonguye timi lhoxu ikowoluve nani; ikukumghano agigihupu panoqo lau sughitsu nani.

Sumi Naga CL (Re-edited) Bible (BSI)

¹⁹ Tipaqo lono shikimthikütsü le phe ipeghi nani, alovi akemi sütsa chilu nani. Panongu ye aghulo shimono I no kughuko tsü nani, I no pano gigihupu shitsü nani, panongu ye tülalo monani.

JEREMIYA 30:19 ပူးပေါင်းရင်းမြစ်များ

EZRA 6:22

Atsala tsuni kutolo panonguno Kholaqhi sumokeu sho Pinye ikhilu. Panonguye alokivino chhitoive kughengu AMPEU no Asiriya Kukatou pelo panoqo shou amlo kiqi shi aghipe ikehu pa pelono Israil Lhou Achine ki shikithe keulo panongu kumlalo kuphulu peke.

NEHEMIA 8:12

Tighenguno timi kumtsu akilo wove eno alokivishi panonguno kiu aghi keno pesu kutami sasu kuchu kusho shi auve, kughengu kiu panongu vilo phisu piye keno panonguno tipau vethaluveke.

NEHEMIA 8:17

Hakughutsuve kelo akughu shiwuve kemi ideighi keqo kumtsuno apusho shi eno tipaqolo ngoke. Nun nu Joshua ghuloki thiuye hino atughiu shikehu timi kumtsuno alokiqi eno azukuvu shilue.

LESHELE 53:6

O Zion launo Israilmi xakulupu ighipenikeu ino inikhue. Kughou Alhou no pawu timi sachile sawo kinikulu shilu peni keno Israilmi ye alokivi shi nani.

ISAIAH 12:1

Timiqono ishi shipilini keu tsala lakhi ighi nani, “ino osheqhe ani O AMPEU! noye ilau aloghu ide ake ikemu itehiye nono ilokughunotsu eno ologhuye ilauno chevae.

ISAIAH 26:15

AMPEU, nono nishiayeh thuwulupeke, aqha kumtsu kudau alughi pekho tsuke, eno hipauno ogigihupu sughipeke.

ISAIAH 27:6

Ighinikeu tsalalo, Israil lo akemi, Jakob lagha qoye asubo lakhi toi akuhu qusu nani eno panonguye mini puzu apishe ipeghi nani. Panonguno axathi pithikeuno ayeghi nhakhaluve nani.

ISAIAH 35:10

Panonguno alokivishi Jerusalem tolu nani. Panonguye alhokupuju alokivishive nani, amlo ghime eno amlo ghuju lono alhokupujulo khaqhi pheve nani.

ISAIAH 51:11

Nono khunoqo lekholuvea keno tipaqono alokivishi Jerusalem tolu nani, alokivi launo ighamuku alephesu tonani. Panonguye alhokupuju alokivishi nani, pulhapuju ghenguno amlo kusa eno amlo ghime lono kuqho pheve nani.

ISAIAH 51:3

‘Niye Jerusalem lau eno tipau ixa pinyi akeulo kughuna akemiqo shou amlo ighiqhiyi keu anike. Li yeghiye asayeqha lakhi shianamu ino tipau pesu aghutu lakhi shi tsu nani, tiye Eden lo ino shikeu ghutu kimihi lakhi shi nani. Alokivi ngo alokiqipu tilehi anani eno sheqhekeu ngo shikimthi keu le tilehi ilau tsu nani.

ISAIAH 52:9

Jerusalem xalepinyipe akeqo, alokivi ghugha ighaphelo! AMPEU no pa phughi lekholu nani eno pawu timi lokughunotsu nanike.

ISAIAH 55:5

Itehiye nonguno inaghami shiayeh qo kupuwu nani; ghuthu lakhi panonguye nongu mthake ikemu itehiye panonguno nogholo kuqhalunike poighi nani! Ni, nongu Lhou AMPEU, Israil Lhou akimtheuno hi kumtsu shipe nani, Ino agigihupu ngo ajekipipu nongu tsu nani.”

ISAIAH 60:19

“Puchou khilemu tsukinheno nongu kuvu shimo nani. Momu putholo aqhiye nongu kuvu shimo nani. Ni AMPEU no alhokupujulo nongu kuvu shi nani; Ikimthe jekipi kuvuno nongu shou yepuvu nani.

ISAIAH 60:22

Nongu gholo aghulou eno aqhokigheu kibo namu ashiayeh kumto lakhi toi kije shive nani. Kughono ado kivi ighini keno, Ino tipau papashi shiluvepe nani. Ino AMPEU ke!”

ISAIAH 60:9

Hipaqoye putou akeu yeghi lono ighi akeu zukiluqoke, Alhou wu timiqo xapughi anike. Panoqo gholo panonguno tsandiyi ngo shunayi sughi, tiye AMPEU je gihuniyeke, Israil Lhou akimtheu, pano ashiayeh kutamiqo pelo pawu timiqo gihu chenipeke.

JEREMIYA 17:26

Juda lo taun akeqo lono eno Jerusalem sukumxalo akemi timiqono ighi nani; Benjamin lughi bocho kudauno, naghuto sumxape akeu kudauno, naghuto qo kudauno eno Juda apeu kudauno timiqono ighi nani. Panonguno iAchine kilo akuchopu pitimllakeu kumllaghoqo pesu ighi nani.

JEREMIYA 3:16

Kughou tipa yeghilo nonguno kutomo shiveni keno, timiqoye iwu Puloshoqhi Bohu ghili kughamove nani. Panonguye tipau kumsukepu shimove nani momu kumsumlave nani; panonguye tighi avehupu shimove nani momu panonguye tipau kutau lakhi shipe qhimove nani.

JEREMIYA 31:27

“Ni, AMPEU no pianike ino Israil ngo Juda yeghi lo timi eno lhoxu pesu chhitoi tsunikeu ghuloki cheni.

JEREMIYA 31:4

Itaghi ino nongu xaqhepuku kithe nani. Itaghi nonguno amuqu lebo ikhilu puzu alokivi launo ilhe nani.

JEREMIYA 33:22

Ino iqeu David laghami ngo Levi lagha gholo achinemi alau ikowolupe nani, tishikehu atsutsulo ayepuqo kihikhamlake toi momu azughi mukulo asaye lothi kihi khamlake toi panoqo kihikhamla nani.”

EZEKEL 36:37

Akughushu MPEU no piani, “Itaghi ghuthu lakhi ino Israilmi pelo ivilo akukuphu khu peni cheni eno ino panoqo pelo bheri loji lakhi toi alau ikowolu penani.

EZEKEL 37:10

Ike ivilo pikeu toi ino tungkuptsa pitsuke. Atuthuno akumoqolo ilove eno tipaqoye akuxu shiluve eno puthugholuve. Panonguye aghushimi muqo lakhi shimkhake.

EZEKEL 37:26

Panongu pelo alhokupujulo ithapemo nike ino panoqo sasu puloshoqhi lakhi shi nani. Ino panoqo shikumto nani eno pano yeghilo ichineki alhokupujulo tilehi achepenike qhitsu nani.

ZEKHARIA 10:8

“Ino iwu timiqo ku-kumqo sawo kumtsa qhi nani. Ino panoqo xaphe sawo puzuu panonguye kiutoi kumzapu keno titoi shitsu nani.

ZEKHARIA 12:8

Tipa tsalalo AMPEU no Jerusalem lo akemi shokhalu nani eno panoqo gholo miqemilei keu ghi David toi mutotoilu pe nani. David polo kughukomino Alhou toi shi puzu, AMPEU wu kungumi toi shieno panoqo tughiushi wu nani.

ZEKHARIA 2:4

Kungumi atughiuno lakhiu vilo ishi pi, “Posu wuno lhothemi lakhi mighikepu kighi pe akeu vilo ishi pilo: Jerusalem lo timi ngo pichepighi shishe kumzapu shini chenike tipau phughiye aliwo putuve nike loye luzulave nani.

ZEKHARIA 8:19

“Aqhi abidiu, apunguu, akutsuniu eno achighiu lo kumvu chekeu huye Juda lo akemiqo ghenguno alokivi eno alokiqipu tsala shive nani, eno alakishi kupukimiye masake.”

John 17:22

Nono akimthe-jekipi khikhi itsu keno, ino panoqo tsue, tishianguno nikujono lakhi shi ake toi panonguye lakhi shipenike;

1 Peter 1:7

Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.