JEREMIYA 30:18 - BAIBEL (BSI)

¹⁸ AMPEU no piani, “Ino iwu timiqo pano yeghilo sachilesaghini eno akibokumtsu shou kimiyeqhiyi nani. Jerusalem ye shiqhe kitheve nani, tipaulo kukami kiye thosulo toive nani.

Sumi Naga CL (Re-edited) Bible (BSI)

¹⁸ “Ampeu no ishi piani: Jualo, I no Jacob phiki kinigha athoputho tsü nani eno pa kungo-a lo kimiyeqhiyi keu anani; mishighüna ye xaleqhive keu shou shiqhe puku nani, eno kükaki ye thosü-a lo puthugho nani.

JEREMIYA 30:18 ပူးပေါင်းရင်းမြစ်များ

YEKIKITHI ATUGHIU 29:1

Akukau David no kuho akemi kumtsu lau kutughue: “Inu Solomon ye Alhou no pa kisheluvae, ikemu paye lhothemi eno puju-peju keu kuha aphie. Akumla ajuiche mla kepushi ani kughengu hiye timino ngoni keu akuka lakhu kumoe ikemu AMPEU Alhou wu achineki lakhike.

YEKIKITHI ATUGHIU 29:19

Inu Solomon pelo ozah kutsu amlo kuchopu pesu peluno ino kutope qhipuatsu keu nhemgha pesu Achineki shilupe kepushi pa kumgha tsulo.”

NEHEMIA 7:4

Jerusalem ye aphughi kije lakhi ikemu tilehi timi kutomo kughuna mphike eno aki kutomo shisumono ake.

LESHELE 102:13

Nono ithu puzu Zion kimiyekutulo, li shou kimiye kepu tuqhudo ighivae; hiye ado achipishi anike.

LESHELE 102:14

Oqemino li kimiye cheni, liye kutsapinyive ayeathono; liye ixapinyive pinamu panonguno li kupukeu ani.

LESHELE 122:7

Obokutha alou alakishi apelo eno akukau kilo shikupsa kuha pelo.”

LESHELE 48:13

bokutha bocho julo eno aliwoqo vechesu wujulo, tishianguno ighinikeu tiqhelimi vilo nonguno ishi pipenike:

LESHELE 48:3

Aphughi liwo alou mtsuqheyino sushokulu akeu Alhou ampino pephepiye.

LESHELE 78:69

Tilehino kungughalo paki akeu toi pa chineki shike; ayeghi hutoi pano tipau shikumtope qhike eno pulhapujulo mutotoi shikumto pe qhike.

LESHELE 85:1

AMPEU, noye oyeghi shou kimiyeqhiyikeu ake; nono Israil pelo itaghi kinikulu shilu anipe.

ISAIAH 44:26

Ikemu kughou iqeuno asheazu tsa pini keno, kughono ino aghinimi puwu no ikukughu lhepiye peni keno, akukughu tipaqo eno ashe-azu tsa tipaqo ino kuchou lono shiche nipeke. Jerusalem lo timiqo kughuna kithe nani kepi ino pike, eno Judia lo aphughiqo shipuku kithe nani kepi pike. Aphughi hupaqoye ixapinyive keu lono ithughive nani.

ISAIAH 44:28

Ino Cyrus vilo pike, ‘Nono ighenguno ayehkipeu shini; Opelo ino kiu shipenishi keno nono shi nani. Jerusalem shikithe nikeu nono ahza tsu nani eno Achineki boqha qha wonikeu nono ahza tsu nanike.’ ”

JEREMIYA 23:3

Ino khipaqo yeghilo iwu timi halepuwuve keno ghupe puaghikeqo tikudauno hekutsukumqo nani eno ino panoqo sasu pano kialu yeghilo saide ighi nani. Panonguno atianuli kutomo shi nani eno timi kutomo shive nani.

JEREMIYA 29:11

Nongu ghenguno kughu puakeu nongu lau kutsakungo keu kumo puzu kinikulu sughinikeu, nonguno ighini keulo laju achekeu sughi tsunikeu kughu puakeqo ilikhino ithi ani.

JEREMIYA 29:14

Iye, ino piani, nonguno iphulu nani eno ino noyeghilo nongu sachilesawo qhi nani. Ino khile nongu hale puwuve keno tipaqo-a kumtsu lono, tipaqo ghakhu lono ino nongu hekutsu kumqo nani, eno khipa yeghi lono ino nongu hapupove keno tilau ino nongu sachile saghi nani. Ni, AMPEU no piqhiveake!’

JEREMIYA 30:3

Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

JEREMIYA 31:23

Aqokitikhi MPEU, Israil Lhou no piani, “Kughou ino timiqo pano yeghilo sachile saghini keno, panonguno itaghi Juda lo taun akeqo yeghi lo ishi pinani. ‘AMPEU no Jerusalem toghi akimtheu kumghatsu peniu, akimthe-a khilehi pano achekeualo,’ ”

JEREMIYA 31:38

AMPEU no pianike, “Jerusalem qha kumtsu iphughi kepi shipuku kithe luvenikeu ghuloki wocheni, tiye Hananel Liwo ghukhea kulolauno Acheku Khagho kutoke.

JEREMIYA 31:4

Itaghi ino nongu xaqhepuku kithe nani. Itaghi nonguno amuqu lebo ikhilu puzu alokivi launo ilhe nani.

JEREMIYA 31:40

Akhila kumtsu khilehi kithimi qho cheni eno tubatuzu pele cheni eno Kidron ghokiti ahuu kudau aluqa akeqo kumtsu kipelau Khurshi Khagho kutolo ilau akimthe shipe qhi nani. Aphughi huye itaghi khilemu hepho piniyivemo momu kutsalevemo nanike”

JEREMIYA 32:15

Aqokitikhi MPEU, Israil Lhou no pikeuno hipau yeghilo itaghi aki alu eno atsayili kuqhukili shinanike.”

JEREMIYA 32:44

Timiqono tipaqo qhu nani eno kughakutha kaku yemichi shi, mekhave eno thopi shikeu shinani. Hiye Benjamin lughi bocho lono shini cheni, Jerusalem sukumxalo aphu akeqolo, Juda lo taun akeqolo eno atokujolo taun akeqolo, naghuto pukhu kuxalo eno Juda apeu kudaulo shini cheni. Ino timiqo pano yeghilo sachilesawo sunani. Ni, AMPEU no piqhiveake.”

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

JEREMIYA 33:7

Ino Juda ngo Israil pesu kinikulu shitsu nani eno panonguye puzuu kishi akeno titoi ino panoqo xaqhepuku kithe nani.

JEREMIYA 46:27

“Iwu timiqo, musa kevilo, Israil lo akemiqo, musa khokhoshi kevilo. Nonguno khipa yeghilo akughumi shiani keno, ino tipano yeghi alakushuwa lono nongu lekholuve nani. Nonguno aghakhulo ide ighi nani eno iqunei xuluve nani; nonguye sushokulu anani eno khunomu nongu shikumsamo nani.

JEREMIYA 49:39

Ikemu hithiuno ino Elam lo kuami pesu itaghi kinikulu shitsu nani. Ni, AMPEU no piveake.”

JEREMIYA 49:6

“Ikemu hithiuno ino itaghi Amun pesu kinikulu shitsu nani. Ni, AMPEU no piveake.”

EZEKEL 36:11

Ino timi ngo pichepighi alau ikowolupe nani. Nonguye puzuu nguno kutomo shive nani eno nonguye atianuli kutomo shi nani. Nonguno puzuu achekeu toi ino nongu pelo tilehi xulupe nani eno ino nongu pelo puzuu nguno kinikulu shilupe nani. Tileno niye AMPEU kepi nonguno ithi nani.

AMUS 9:14

Niye iwu timiqo pano yeghilo sachile saghi nani. Panonguno ixapinyivekeu phughi shikitheno tilehi ngo nani; panonguno atsayibo shosuno atsayiji sho nani. Panonguno aghutu putuno tile ipeghikeu chu nani.

ZEKHARIA 1:12

Tileno kungumino pi, “Aqokitikhi MPEU, noye Jerusalem ngo Juda lo aphughiqo shou aloghu idekeu hi ampe lhotsuni shivae. Noye panoqo lau kimiye qhiyinikeu ado khitotohi luani aphi kya?”

ZEKHARIA 1:16

Tighenguno niye aphughi shou kimiyeqhiyi nike Jerusalem lo ideighi ani. Ichinekiye shikitheve nani eno aphughiye shikithe pukuve nani.”

ZEKHARIA 12:6

“Tipa tsalalo ino Juda laghami pesu aghasulo momu aghighope puake luqalo ami iquakeu toi shitsu nani; panonguno acheaxulo ashiayeh kutami akeqo kumtsu kutsale qhi nani. Jerusalem lo akemiye aphughi alou akivishi ngolu nani.

ZEKHARIA 12:7

“Ni, AMPEU no Judami ghushimiqo paghi tokulupu tsuni, tishianguno David polo kughukomi ngo Jerusalem lo akemiqono agigihupu ithuluniye akeu huye Juda lo akemino ithuluniye akeu nguno akuloghiu shipemo nani.

ZEKHARIA 14:10

Ahuu kudau Geba lono apeu Rimon tokujo qhaye kulaqa khave nani. Ikemu Jerusalem ye tipa sukumxalo ayeghi akeqo shou chuqumughai shi anani; eno aphughiye Benjamin Khagho lono Acheku Khagho puzuu ghi tilehi khagho achekeu kuto to nani, eno aphughi tiye Hananel Liwo lono akukau tsayithi qochekeu-a kuto to nani.