JEREMIYA 30:17 - BAIBEL (BSI)

¹⁷ Ino nongu pelo itaghi vithaivepe nani; Ino nongu ghuzaqo shipivi nani, noghumiqono ishi piaghi pinamu: ‘Zion ye haphevekeu lakhike; khunomu li tucho hijumoke!’ Ni, AMPEU no piveake.”

Sumi Naga CL (Re-edited) Bible (BSI)

¹⁷ I no o shiaji puthotsü nani, eno o ghüzaku shipivi tsünani, ipi Ampeu no sheshu, kughengu panongu no no ye hapheve kemi ipi ku: ‘Hi ye khunomu tucho chemo keu Zion ke!’

JEREMIYA 30:17 ပူးပေါင်းရင်းမြစ်များ

JOB 5:18

Pano ghuza keu pano khavetsu cheni, pano hekeu pano shipivitsu cheni.

LESHELE 103:3

Pano ixine kumtsu pevetsu eno ikusukini kumtsu shipivike.

LESHELE 107:20

Pano ahza tsukelo panoqo shipivive eno akumoki lono panoqo xaluve.m

LESHELE 12:5

“Ikemu itehi niye ithughiniae, kughengu kumlhomi akijiksa shiakeqo eno ichhe-ime ake qono shishe igha-su auvae; Panonguno laju aketoi ino panoqo sushope qhinie,” ipi AMPEU no pi.

LESHELE 142:4

Ino isumxa jukelo, ikuphunikemi lakhimu ithumlae, ighenguno ihjelukepu kuhave, khunomu ijukutoni kemi kuhave.

LESHELE 23:3

Pano ingulho puxutsu. Paju aje ghenguno achipiu lalo isawu.

IPEKULU 15:26

Pano ishi pi,”Ino khipaqo pesu achipiu kepi chenikeno tipau shikeu eno ino ahza tsukeu pelu aye ino Ijipmi shou akusu jeli sughikeu lakhimu pesu nongu ghimeqhimo nanike. Niye AMPEU nongu shipivi chekeuke.”

ISAIAH 11:12

AMPEU no ashiayehqo piyenike michiphi peqhe nani, tiye ayeghi cheku bidi lono Israilmi ngo Judami apanagha hale puakeqo itaghi hekutsu kumqono sachile saghi niyeke.

ISAIAH 30:26

Aqhino tsukinhe toi vuqaleive nani eno tsukinheno puzuu nguno ghuthu tsuni vuqalei kitheve nani, tiye ghulo tsuni kuvu ghulo lakhi lono ipeghikeu toive nani. Hipaqoye kughou AMPEU no pawu timiqo ghuzavekeu khavetsuno shipivini keno tileno hi kumtsu shinani.

ISAIAH 33:24

Niyeghilo auvekemi khunomu suani kepi itaghi muchhomo nani eno axineye kumtsu pevetsu nanike.

ISAIAH 54:6

Israil, noye anipu alhothe lakhi li kimino lipheveno shishe amlo kusa shiakeu toike. Ikemu AMPEU no li lau okuchile eno pi:

ISAIAH 56:8

Aqokitikhi MPEU no Israilmi hapiyepighive keu lono akilo saghikeu Lhou no itaghi timi kutami saghino panoqo gholo xukimepe nikeu piqhipe puani.

ISAIAH 57:18

“Panonguno kishi xuchekeno ino ithuluvae ikemu ino panoqo shipivi nani. Ino panoqo saphe eno kuphuni eno panongu khunoqono qa mlo aghini keno ino alokughuno tsuni.

ISAIAH 57:19

Kupunu aghikemi na putosuu aghikemi namu kumtsu lau ilokiqi tsuke! Ino iwu timiqo shipivi nani.

ISAIAH 58:8

“Tileno inaqhe tsukinhe toi imlo kiqi nongu shou yepuvutsu nani eno nongu ghuzapiyi itheno vive nani. Niye nongu xalunike pulhapuju nongu gholo anani; ijukuvuno sukumxa kumtsu ngono nongu susho nani.

ISAIAH 60:15

“Nongu peve eno mithive chekehu piyighive eno kughu kughaleyi keu phughi lakhi shiacheke. Ino nongu pesu kije eno jukighilepu shitsuni, alhokupuju ghenguno alokivi-a lakhi shitsuni.

JEREMIYA 10:20

Niphikiqoye ixapinyivae; tipaqo tsugha puakeu kighiye itauvae. Ninuliqo kumtsu chekhavae; niphikiqo pepuku tsuni kemi lakhimu kuhavae; Shonhakeu phi pufuqhini kemi lakhimu kuhavae.”

JEREMIYA 17:14

AMPEU, ishipivilo eno niye atho putholughi viluve nani; ihakholuvelo eno niye xaluve nani. Noye ino sheqhe chekeuke!

JEREMIYA 3:22

Xaideghilo, AMPEU launo wuvekemi nongu kumtsu ighilo; pano nongu shipivi nani eno nongu pesu amikucho shitsu nani. Nonguno ishi pilo, “Iye, ninguye AMPEU lau cheni kughengu paye ni Lhou ke.

JEREMIYA 30:13

Nongu tucho hijuni kemi milakhimu kuhae, nongu piyiye vikulupu kuha ke, nongu ghengu shipivi kepu lakujupu kuhae.

JEREMIYA 33:24

“Timiqono hishi pi akeuno ino Israil ngo Juda pama, hi akibo kini kisheluve keu pamaye ino pevea kepi timiqono kishi piani keno nonguye ithiama? Ikehu panonguno iwu timiqo shou mithi keu lono jupuku cheni eno panonguye ashiayeh lakhi kepi kihi chemoke.

JEREMIYA 33:6

Ino aphughi hipau launo tsughusu wuvekeuye tipaulo timiqono alhoksa jeli shikeu ghengunoke. Ikemu ino aphughi hipau ngo tile akemiqo shipivi nani eno vithai akeulo panoqo sachile saghi nanike. Panoqo lau iquighai keu ngo sushokulu lukumkhashi ino piye nani.

JEREMIYA 8:22

Gilead lo kusughu kuha kesha? Tilehi shikipivimi kuha kesha? Tishiaye, kushiye iwu timiqoye shipivivemo kya?

AKUMLO 2:15

Aphughi vechewu chekemino thaigha ghi nongu shou jupukuke. Jerusalem ixapinyi akeulo panongu kutsu kungu eno junuqhi - “Jukighilepu phughi huye hikesha?” “Hiye ayeghiqhano akijivilo chekeu kesha?”

EZEKEL 34:16

“Khunoqo puha pesu ani keno ino juwuni, itsu itsuwuvekeqo saide saghini, izavekeqo khakide kudaive tsuni eno suaghikeqo shipivi tsuni; ikemu atha pubei eno mutotoi keqoye ino kutsave nani kughengu niye achipiu shichekeu bherikheuke.

EZEKEL 35:12

Nonguno junishimo keu lono Israil naghutoqoye piyighive eno tipaqoye nowu kepi munove nike pi pikeu ni, AMPEU no chiluvea kepi nonguno tileno ithi nani.

EZEKEL 36:20

Panonguno wukeu-a kumtsulo ije kimthe pipusakeu sughicheke, kughengu kutamino ishi picheke, ‘Timi hipaqoye panoqo Lhou no pano tsukeu yeghi qhive kepushiveke.’

HOSIYA 11:3

Tishimu, Israil pelo ala chelu pekeu huye ino shikapiye. Ino iwu timiqo i-u pesu khapelue, ikemu ino panongu tuchomujo kepi ithitsumoe. Ino qhuivulaikeu ngo kikimiye pesu panoqo ikudau saighie.

HOSIYA 6:1

Timiqono pi, “Ningu AMPEU lau xaidewoni nolo! Pano ningu ghuzake ikemu kuchouno pano ningu shipivi nani; pano nighuzake ikemu pano nighuzaku khavetsu nani; paye tishimo nani kesha?

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

1 Peter 2:24

Khristo ampino kros lo pa phimpi lono ningu xine xapuluveke, tishianguno ninguye axine launo thive puzu Alhou lau amikucho kuxu xupeniyeke. Pa zakuqo pesu nongu shipiviluvae.

Piyeküsü 22:2

aphughilo alaghila mta zusu qowu ae. Aghoki hukukuu eno hikukuu akuxupu subo ae; tipaulo ampelo axathi ghuthu chighikini pithi cheni, aqhilo ghuthu lakhikhi; tipau nipaqoye ashiayehqo shipivilukepu ghenguno ake.