JEREMIYA 30:16 - BAIBEL (BSI)

¹⁶ Ikemu itehiye, nongu tsukuchumi kumtsu tsuchukhave nani, eno noghumi kumtsu akughumi shi sawuve nani. Nongu qoda chekemi kumtsu qoda qhive nani, nongu xulepu wuve kemiqo kumtsu xulepu wuve nani.

Sumi Naga CL (Re-edited) Bible (BSI)

¹⁶ Ikehu o kütsave kemi kümtsü kütsave nani, eno o ghümi kümtsü akughu lo wuve nani; khunono o pükaqhi keno pano pükaqhi nani, o tsüchu kemi I no tsüchuve nani.

JEREMIYA 30:16 ပူးပေါင်းရင်းမြစ်များ

LESHELE 129:5

Zion mithichekemi pelo kujoveno shothive pelo.

IPEKULU 23:22

Ikemu nonguno pa gholu eno ino ahza tsukeu lu aye ino noghumi kumtsu sasu aghu shive tsu nani.

AHOLE 22:23

AMPEU no panoqo ghenguno ghechile nani eno tipaqo kichipuha kemi kuxu kichi puhave tsu nani.

ISAIAH 14:2

Ashiayeh kutomono Israilmi kuphu puzu AMPEU no panoqo tsupuakeu yeghilo idewolupe nani eno tilehi ashi ayehqo Israilmiqo quaxemi shi ghi panoqo qe nani. Khunoqono ghuthu lakhiloye Israilmi khasulu puakeno Israilmino tipaqo khasuluve nani eno Israilmi no panoqo nedaqhi chekemi shou ayehpe nani.

ISAIAH 33:1

Nighumi ghenguno ahaksapuke! khunomu panoqo wu pukalumo momu panoqo pesu athe shisuvemo kemu panonguye pukaluve eno athe shive anike. Ikemu panoqono pukanikeu eno athe shini keu ghuloki ashekha shive nani eno kutamino panoqo pukaqhi eno xaleqhi nani.

ISAIAH 54:15

Khualano nongu leighi aye, paye ino alepimoamu tishi anike; Khuuno nongu mujochileni keno ikiqive nani.”

ISAIAH 54:17

Ikemu kiu ghunanu pinamu nongu ghuzamla nani; nongu ngukukemi kumtsu vilo nonguno ghechile kulupu shi nani. Ino iqemiqo susholuve nani eno tokulupu panoqo tsu nani.” AMPEU no pivae.

JEREMIYA 10:25

Omllamokeu shiayehqo shou ologhu ide eno opevekemiqo shou tipau pukulo. Panonguno owu timiqo pithivetsu; panonguno qhoyi ningu kutsa leveke eno niyeghi ixapinyi qhivetsuke.

JEREMIYA 12:14

AMPEU no pi, “Niye Israil cheaxumi khunoqono ino iwu timi Israilmi tsukeu yeghi shipusave keno tipaqo shou kiuala pikepu ani. Timi lhoksa kughami hupaqoye ino pano ghakhu lono ikhisawuve nani asubo akuhu lono nhuve keshi nani, panoqo launo ino Juda hakholuve nani.

JEREMIYA 2:3

Israil, noye iwu likhike; noye ilulo xathi amsuuke. Ino oshipusakemi kumtsu shou aghime eno kutsakungo keu ino puwuke. Ni, AMPEU no piveake.”

JEREMIYA 25:12

Tipathiuno Babilon ngo tipau kukau ngo ishi panoqo xine ghenguno ino aghime tsu nani. Ino tipau ghakhuqha kutsapiniyive tsu nani eno tiye alhokupujulo ixapiniyi qhivetsu nani.

JEREMIYA 30:15

Nongu ghuza ghugha ghenguno muchho kithe kevilo, nongu ghenguno shikipivi kuhae. Ino hitoi nongu ghimeqhi kughengu nongu xineye kutomo eno nongu lhoksaye kijeke.

JEREMIYA 50:28

(Babilon kudauno kupokichemi pokasu wulu eno Jerusalem lo ighi eno ni Lhou AMPEU no Babilonmino pa chineki shou kiu shive keno tipau ghenguno kishi amkhu luani keno panonguno lhe anike.)

JEREMIYA 8:16

Ni ghumiye Dan phughilo iloghivae; panoqo wu khurshi no khur khur shi igha keu ninguno chilu ani. Kughou panoqo-u khurshi ighi keno aluzaqha kumtsuno itha ani. Nighumino niyeghi eno tile aghikeu kumtsu eno niphughi ngo tile timi akeqo kumtsu kutsave nike ighi ani.”

AKUMLO 1:21

‘Ino kishi sukutu igha ani keno inijulo: khunomu ikuphuni kemi kuhae. Nono kutsakungo keu ishou su ighi kepi ighumiqono chiluno alovi akhani. Nono tushoqhi puakeu tsala hu sughitsulo eno ighumi pelo itoi shilusa pelo.

AKUMLO 1:22

“Panongu kumla lhoksa kumtsu nono kughatha kepu shilo; nono ixine ghenguno ighimeqhi ke toi panoqo ghimeqhilo. Niye sukutu kelauno igha ani eno imlo hauve ani.”

EZEKEL 29:6

Tileno Ijip lo akemi kumtsuno niye AMPEU kepi ithi nanike.” AMPEU no piani, “Israilmino nongu Ijipmi pelo kuphupenike pukhukeu shike, ikemu noye asuta miqemileyi keu nguno akiviu ke kumoe.

EZEKEL 35:5

“Noye pulhapuju Israilmi ghumi shi acheni eno li kutsakungo ake ghulokilo li xine ghenguno aghime ashekhau sholu akelo liwu timiqo ghiqhivepeke.

JOYIL 3:8

Ino nongu pelo nonu ngo nongaqo pesu Juda lo akemiqo lau jesuvepe nani; eno panonguno tipanoqo pesu ashiayeh putou akemi Sabiyami vilo jesuve nani. Ni, AMPEU no piqhi anike.

MICAH 4:11

Ashiayeh kutomo hekutsu no nongu leighi. Panonguno pi, “Jerusalem ye kutsaleve masake! Aphughi hipau ixapinyivekeu ninguno ithulunike!”

MICAH 7:10

Tile nighumi qono tipau ithulu puzu kujove nani, ti nighumi, ni-cheqhi puzu nivilo, “No Lhou AMPEU ye khile ani kya?” ipi inijue. Panoqo shou toluvekeu eno panoqoye alaghilalo aniba toi neda qodakeu nino ithulu nani.

NAHUM 1:8

Azukuqo kuloghi lakhi toi pano pa ghumiqo qhoi kutsave cheni; khunono pa mujoni keno tipanoqo thivepe nike puwuve cheni.

HABAKUK 2:16

Oshelo noghi agigihupu zuqhulo akukujono onhapu nani. Olikhi noghi shopusu kulokuloyive nani. AMPEU no opelo aghime jukhu shope nani eno ogihu chekeu huye akukujopushi kughulhove tsu nani.

ZEFANIA 2:8

Aqokitikhi MPEU no pi, “Muab lo ngo Amun lo akemi qono iwu timiqo pipusa eno panoqo theqhikeu ino chiluvae eno iwu timiqo yeghi luvetsuni kepi qheza ani.

ZEKHARIA 1:14

Aqokitikhi MPEU no kiu pikeno tipau pesu asheshu lopi kungumino ivilo pike: “Niye ikimthe phughi Jerusalem ghenguno shishe kimiyekeu ani eno alokumsu anike,

ZEKHARIA 1:15

niye ashiayeh khipaqono iquneyi eno alokughuno shiani keno tipaqo shou iloghu kighide ani; kughengu iwu timiqo shou iloghu be akelauye ashiayeh kutamino iwu timiqo shishe ghime auvae.

ZEKHARIA 12:2

“Ino Jerusalem pesu aji jukhu lakhi toi shitsuni; eno ashiayeh kutami li sukumxalo akeqono yepusu shokumzumi toi hevulalai nani. Kughou panonguno Jerusalem khasuluve nikeno Juda lo aphughi kutau akeqo ghi khasuluve nani.

ZEKHARIA 14:2

AMPEU no ashiayehqo kumtsu kumtsa saghieno Jerusalem sasu aghushipe nani. Aphughi huye leluve nani, akilo aghikeu xulepuwuve eno totimiqo sazuvetsu nani. Timi tuxaye akughu shisu wuve nani ikemu kutamiye aphughi tipau lono sawuvemo nani.

ZEKHARIA 2:12

Itaghi Juda ye AMPEU yeghi kimthe-alo pa mheghipu akimchiu shiluve nani eno Jerusalem ye pano kumtsu nguno shishe kimiye chekeu phughi shiluve nani.

ZEKHARIA 2:8

Khukhumu nongu hekeuye ino kiukela akughupushi achekeu he anike.” Tighenguno Aqokitikhi MPEU no ashiayeh khipaqono pawu timiqo xulepuwuvekeno tipaqo lau asutsa hipau pewu penike ipuwuke:

ZAKINIU 30:7

Pano musuini keu hipaqo kumtsu noghumi no mithino noqoda chekemi shou xupukuve tsu nani

Piyeküsü 13:10

Khuno kughaluvepe kepushi akeno mutsuqheyino kughaluve nani; azutano khuno ghiqhive kepu shi akeno mutsuqheyino ghiqhive nani. Hiye Alhou wu timiqo ghenguno kutuulu eno akupulu shiape nikepu ghulokike.

SAMUEL ATUGHIU 17:53

Israilmino Filistiyami hasu wuno ide ighipuzu, panongu ghazulo anhemgha kumtsu lhele luvetsu.