JEREMIYA 30:14 - BAIBEL (BSI)

¹⁴ Olojipumi kumtsuno okumsumavae; panonguye kiumu nongu hijuni chemoke. Ino aghumi lakhi toi shipuzu nongu haqhike; nonguye mughachhoi keu lono ghimeqhike eno nongu lhoksaye kijeke.

Sumi Naga CL (Re-edited) Bible (BSI)

¹⁴ O ngulami kümtsü no o kümsümavae; panongu ye kiumu o tucho movae; I no aghümi toi o ghüzavae, kimiyemo keu ghümi no ghimeqhi keu toivae, kughengu o kipimi ye kije, eno o xine ye kutomo ke.

JEREMIYA 30:14 ပူးပေါင်းရင်းမြစ်များ

JOB 16:9

Pano imithike eno aloghu lono isutha piniyike, iju puzu pa hu tsughububushie; ighumino pa nhethi xukidepe iju ke.

JOB 19:11

Paye ishou aloghuide anie, eno ikughapesu pa ghumi toi peithae.

JOB 30:21

Nono ayikusa shi ipeithae, eno okuka kumto kumtsu pesu ishikimighie.

LESHELE 107:17

Khamiye pano kuxu lhoksa ghenguno kusukini shikeu ake, pano xine ghenguno aghime kitikhi sholuke;

ISAIAH 57:13

Kughou nonguno kuphu lepi ighani keno nonguno ajulho mlla chekeu pelo nongu xaluvejupelo! Atuthu kishe lakhino nongu fupewuve nani! Ikemu khunoqono ipukhu cheni keno ayeghilo xulu nani eno ichinekilo imllalu nani.”

JEREMIYA 14:17

AMPEU no timiqo vilo imlokusa pipenike ahza itsuke. Ishi pilo pike; “Ipelo putho pucho qaita pemono inhezu qowu apeniu kughengu ni timiye aghuza kitikhi shi izavae eno ighono shipusuvae.

JEREMIYA 2:36

Nonguno ashiayeh kutami lhouqo lau tsughusu wukeu lono nolikhi no pesu lhalhaive ani. Asiriya no nongu mlo kusapu shivetsu keshi Ijip no nongu mlo kusapu shitsu nani.

JEREMIYA 22:20

Jerusalem lo akemiqo, Libanon lo wulo eno ighalo, Bashan ghakhu lo wulo eno ighamukulo; Muab naghutoqo lono kujulo, kughengu ogholo kuqha akemi kumtsu leluvae.

JEREMIYA 22:22

Nowu sakiphemiqoye amlhuno fupewuve nani, no gholo kuqha achekemiqoye aghushi lono kughalu khavekemi shi sawuve nani, nophughiye jukusapu shiveno kujovepe nani kughengu nonguno alhoksa kumtsu shike.

JEREMIYA 30:15

Nongu ghuza ghugha ghenguno muchho kithe kevilo, nongu ghenguno shikipivi kuhae. Ino hitoi nongu ghimeqhi kughengu nongu xineye kutomo eno nongu lhoksaye kijeke.

JEREMIYA 32:29

eno ami pesu pitile nani. Panonguno tipau gholono aki kutau ghi pitile kuqha nani, timiqono aki kutsuqo lono Baal lau tsungquikeu ta pitikumna eno kutau lhouqo lau aji kumllagho leqhi tsukeu ghenguno imlo shikighideke.

JEREMIYA 32:30

Inahu abothu xughili lonomu Israil lo timiqo ngo Juda lo timiqono kiu mulaqhi keno tipauno imlo shikighide acheni iloshipusu achenike.

JEREMIYA 32:34

Panonguye imlla nike Achineki shipe qhipuakeulo thotsu panoqo wu niqhunilai keu su-atu julho pewo qhike eno achineki tipau kitiqeveke.

JEREMIYA 32:35

Panonguno Hinom Khila lo Baal lau eno panongu tianuliqo Molek lhou lau heqhi mllanike akipti-aqo mlape qhike. Niye hipau shipenike ahza tsupuamoe eno panonguye hikithipu shipuzu Juda lo timiqo pelo axine shipe nanike pikeu ikukumsulo pinamu iloghi moke.”

JEREMIYA 38:22

Kungunhetsu lono ino ithulu ke Juda lo akukau kighikilo totimi aghikeqo kumtsu Babilon kukau kijemiqo lau saipeve cheke. Panonguno wuchekelo kiu tsa pisusu wuchekeno inijulo: ‘Akukau shompami kuchouno pa sakughuzu ke, panonguno pa shou ayehpeke. Itehiye pa pukhu anibalo xesuluvae, pawu shompamiye pa qhivae!’ ”

JEREMIYA 4:30

Jerusalem! Noye kutsaveni putsa! Noye kushiye huchuikeu phimini pepu kya? Kushiye achiku pepu eno onhethi nuda pusu ani kya? Noye adou lono olikhi ojukivipu shipesu ani! Olojipumino omilive ake eno oheqhi pithivenishi anike.

JEREMIYA 44:22

Ishi tsalalo ghi noyeghiye ixapinyi ani eno khuu nomu tipaulo achemoke. Tiye timino juighukeu-a shi ani eno timino musuini keulo tipau je peitha anike, kughengu AMPEU ye nongu kixikila lhoksa pepimhe ache keu xapuqhe khamlaveke.

JEREMIYA 5:5

Ino kijemiqo lau wuni eno panoqo putsani; mutsuqheyino panonguye Alhou no panoqo launo kiu khu ani keno ithi aghi nani, AMPEU no panoqo pelo shipeni shikeu ithi aghi nanike.” Ikemu panoqo kumtsuno AMPEU kuka peveke eno pa gholuni keu mopike.

JEREMIYA 5:6

Tighenguno aghasa lono abongushu qono panoqo tsuve nani. Asayeqhalo tungtughano panoqo sutha piniyive nani, eno angushuno pano phughilo miqe auve nani. Timi hupaqono khalau ipeghiaye panonguye kishitha pinyive nani, kughengu panoqo xineye kumzapuke eno panonguno tamono Alhou launo tsughu chilewuveke.

JEREMIYA 50:42

Panonguye asuzu ngo azutakihi ikhiluvae, panonguye ayikusa eno amlo ighikeu kuhae. Panonguno pano khurshi shou iku puzu wukeulo azughi ghugha toike. Panonguye Babilon shou aghushi nike kutope ani.

JEREMIYA 6:23

Panonguye panoqo suzu eno azutakihi pepuluvae; panoqoye ayikusa eno kimiyemo mithe kemike. Panonguno khurshi shou chechekelo tiye azughi ghugha toi asutsa shicheni. Panonguye Jerusalem shou aghu shi nike kutope ani.”

AKUMLO 1:19

‘Ino kimiye chekemi kuke ikemu panonguno ipishiqhive; Achinemi ngo sakiphemiye panoqo kuxu puxulu niaye achuqupu phuche kelono apughi la lono thive.

AKUMLO 1:2

Lino puthotsu qa acheni, anhezuno agimuchulo qoiqighi acheni. Puzuu li kusapami gholo milakhimu li lokughunotsupe nike ghupe puaghimove. Li kusapamino li pesu athe shive eno panongu kumtsu itehiye li ghumi shiva.

AKUMLO 2:1

AMPEU no pa mlokighide launo akuzu pesu Zion nhave. Israil qhivutsuniyi akeu pano kunguuno aqhou kutolo hexapinyive. Pa mlokighide tsalalo pa Achine ki ghi pano qhive.

EZEKEL 23:22

“Oholiba, ike itehi ni Akughushu MPEU no ovilo piakeuye hike. Noye olojipumi hupaqo jupe angaghaivae ikemu ino panoqo pelo olau axuidepe nani eno osuholuve peni ino panoqo saghi nani.

EZEKEL 23:9

Tighenguno ino li kugha pesu li lojipumi Asiriyami lino lunishi kutu achekemiqo ulo suvetsuke.

DANIEL 9:11

Israilmi kumtsu oyezah hephoveno nono kiu pikeno inimono tuchileve tsuke. Nino ozulo kuquvae, tighenguno oqeu Muse vechewo sughikeu yezah kiqi lono angsu nishou ighi ani.

DANIEL 9:13

Muse yezah lo kiu ghime ithulu nanipi yepuani keno tipau lakhimu qhimono ni ghimeke, ikemu itehi kutolo, O AMPEU niLhou, ninguye nixine lono idesu olau ighino opulou shinikeu momu owu kuchou pape nikeu pukaputsa mono aphie.

DANIEL 9:5

“Nino axine shivae, nino alhoksa mlacheni, nino pimiche, nono nivilo kiu shile pi ahza tsu keno nino milive eno nono kiu achipi keno nipiye keu lono nino pove.

HOSIYA 2:5

kughengu panoqo pazano salhashupuke eno kujomza kepu ghushoghili shike. Lino ishi pike, “Niye ilojipumi khunoqono chuqu kusho itsu cheni, akuluphi, phepheyikeu phi itsu cheni eno oliv teli ngo atsayiji itsu cheni keno tipaqo lau wunie.”

HOSIYA 5:14

Ino abongushu lakhi toi Israil lo eno Juda lo akemiqo hakuqoqhi nani. Ni ampino panoqo aleqhi shi sutha pinyiveno panoqo qhive nani. Kughou ino panoqo sunhe susu wuve nikeno khunomu pano xamla nani.

Obadiah 1:7

Nogholo kuqhape akemi kumtsuno nongu pishiqhike, panonguno nongu hasusu alughi kutolo wuke. Timi khunoqono nongu sasu visho shipe achekeno tipaqono itehiye nongu leluvae. Shompami nongu sasu kumtsa chuchekeqono alichhe shipesu okheke; Panonguno noghili ishi pike, ‘Pano amqukini akeu khile ani kya?’ ”