JEREMIYA 3:8 - BAIBEL (BSI)

⁸ Ino Israil kughuxave keu eno li puwuve keu Juda ghi ithuluvae, kughengu lino ilauno tsughusu wuve puzu kusalhami shiuveke. Ikemu Israil tsunipu amikucho kumou Juda ye musamoe, li ghi kusalhami lakhi shive

Sumi Naga CL (Re-edited) Bible (BSI)

⁸ Israel aküpülü kükühau no salha keu kümtsü ithuluvae, I no pheve keu shepe tsüve no li puwuvae. Ikeghi pishikiqhiu li tsünipu Judah no msamoe, ikemu li ghi wuno kütüqha thuve.

JEREMIYA 3:8 ပူးပေါင်းရင်းမြစ်များ

YEKIKITHI AKINIU 21:11

Pano Juda lo ato yeghi ghi asu-atu kumlla-a shipe qhi eno Juda ngo Jerusalem lo kuamiqo sasu AMPEU pheveno axinelo sailove.

ISAIAH 50:1

AMPEU no pi, “Niye timi lakhino pa nipu jumuve ketoi iwu timiqo puwuve kughashi nonguye kumsu ani kesha? Tishiaye, jumu kilevekeu kaku khile ani kya? Nonguno kumsukeuye niye timi lakhino pa tianuli aquaxe shi penike jevekeshi nongu akughu shikeulo jepuwuve kughashi ani kesha? Moe, nonguno akughu shiwuve keuye nongu xineqo ghengu noke; Nonguno heqhi buqhikeu ghenguno nonguye hapuwuveke.

JEREMIYA 2:19

Nolikhi nolhoksano nongu ghimeqhi nani, eno nonguno ilauno tsughusu wuvekeuno nokideqhive nanike. Ni nongu Lhou AMPEU phevekeu eno ikidiu amikucho shi xuche- move aye kiutoi kukhu kimji eno alomo kepu keno nonguno ithilu nani. Ni Aqokitikhi MPEU Akughushuuno piveake.”

JEREMIYA 3:1

AMPEU no pi, “Timi lakhino pa nipu sasu ixave aye eno lino pa launo wuve puzu kutami nipu shive aye paye li sachilelu kithe mlake. Tishiaye, tipa yeghi qhoi shipixive niake. Ikemu Israil, nonguye alojipumi kutomo auve puzu itehiye ilau ideighi nishi ani kesha?

JEREMIYA 33:24

“Timiqono hishi pi akeuno ino Israil ngo Juda pama, hi akibo kini kisheluve keu pamaye ino pevea kepi timiqono kishi piani keno nonguye ithiama? Ikehu panonguno iwu timiqo shou mithi keu lono jupuku cheni eno panonguye ashiayeh lakhi kepi kihi chemoke.

JEREMIYA 5:7

AMPEU no ishi iniju, “Niye kushiye iwu timiqo xine qhivetsu kepua? Panonguno iqhiveno cheve eno kuchou kumo lhouqo mlla chenike. Iwu timiqono aghaqimoke kutolo ino panoqo lojike ikemu panonguno salhashupuke, eno kutu-qhalimi sasu ado kumtsu puwo achenike.

EZEKEL 16:46

“Ofoye ahuu akeu Samaria eno tipau hokuxalo aphu akeqoke. Otsunipuye apeu akeu Sodom eno aphu akeqoke.

EZEKEL 16:47

Noye panoqo nepa papeni keulo eno panoqono kuchhube kutsula kumla shikeu papeni keulo aghakiqi shi acheni kema? Noye ado kitila dolono nonguno mula ithakeu kumtsulo panongu nguno alhoksau shi mula itha anike.”

EZEKEL 16:51

“Samaria ye nono axine shikeu tuxamu shipuamoe. Noye lino shipuakeu nguno alau kuchhube kutsula mla itha acheni. Nono kixikila shikeu kimighi junikelo otsunipuqoye pimimo keu toi ithulu anike.

EZEKEL 23:44

Panonguno ide-ide hi kusalhalimi lau idesu wuake. Panonguno mithekumo totimi, Ohola ngo Oholiba pama lau idesu wuake.

EZEKEL 23:9

Tighenguno ino li kugha pesu li lojipumi Asiriyami lino lunishi kutu achekemiqo ulo suvetsuke.

HOSIYA 3:4

Hipau paphi lono Israil lo akemiqoye ado kushuwa kutolo kukami momu sakiphemi kuha nani, aghashi mllakepu momu chinikepu tuqutsukucho ngo ajulho shisukeu eno asu atu julho shisu pesu asaqhi chekeu kuha nani.

ZAKINIU 24:1

“Kumsujukelo timi lakhino totimi lakhi sasu kughuna luveni ikemu hithiu paye li sasu ngonishi moveni kughengu pano kiu kela lono li launo alomokeu ithuluve keu shi aghiveni. Ikehu pano akughuxa kaku yepesu li tsuveni eno pa kilono li puwuve aghini.

ZAKINIU 24:3

eno akimi akiniu ghi li lunishimove aghini eno paghi akughuxa kaku yesu li tsuveni eno pa kilono li puwuve aghini. Momu li kimi akiniu huno thive aye,