JEREMIYA 3:25 - BAIBEL (BSI)

²⁵ Ninguye akukujo launo ihozuno shikuputhano ninhaluve pelo. Ningu eno nipuasuqoye pulhapuju niLhou AMPEU zulo axine shi chenike. Ninguye khilemu pa zah kutsu papelu chemoke.”

Sumi Naga CL (Re-edited) Bible (BSI)

²⁵ Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

JEREMIYA 3:25 ပူးပေါင်းရင်းမြစ်များ

LESHELE 106:6

Ni puasuqo toi ningu ghi axine shiveake; ninguye kixikila eno alhoksake.

LESHELE 106:7

Ijip lo ni puasuqoye Alhou no akumzapu kumla shikeu vethamlake; ghuthu kutomo pa kikimiye panoqo piyekeu kumsumaveke, panonguye Akuhu Zughilo chekelo Akughushuu shou hebideveke.

LESHELE 109:29

Kujomzakeu pelo ighumiqo nhaluve pelo; panongu pelo aphikuzu uake shi akukujo upelo!

AHOLE 13:18

Akukutsu tsa milive kemi salaye athokha eno akukujo ke. Khunono shikumzu tsukeu chiluni keno paye kutamino gihu cheni.

AHOLE 5:13

Niye ikukutsumi tsa inimoveke, niye panoqono pikeulo amlo tsumoveke.

ISAIAH 48:8

Ino ithianike noye pukhube kumlami ke, alhokuthulo noye hekibidemi kepi ithi achekemike. Ikehu noye hipau khilemu chilu chemoke, kha-ghinomu hipatsa okinilo ighimphike.”

ISAIAH 50:11

Nongu khunoqono kutami kutsa veniye kuchughu cheni keno nowu kuchughu puakeu lono okutsave nani. AMPEU ampino tipau shivepe nani; noye angukusa lhoksa lono aghime sholu nani.”

JEREMIYA 11:13

Juda lo akemiqoye pano phughi khije akeno tijejehi alhou kutomo ache eno Jerusalem lo akemi ghi pano phughilo alaghila khije akeno tijejehi aphikumqhupu Baal lhou lau heqhi mllakepu akipti-a kutomo ake.

JEREMIYA 12:13

Iwu timiqono athi xusu ikemu alupi pekutsuluke; panonguno akaghashi mlake ikemu kiumu ithumlae. Iloghu kighide ghenguno pano tuxatini ghi pithimoveke.”

JEREMIYA 14:20

AMPEU, ninguno oshou axine shiveke; nino ni xine ngo nipuasu xine piphe ani.

JEREMIYA 14:7

Iw timiqono ilau ighamuku pi, ‘Ni xineno nishou ngukube anamu AMPEU, nono tushoqhiveke toi nikuphulo. Ninguye ghuthu kutomo olauno tsughusu wuveke. Ninguno oshou axine shiveke.

JEREMIYA 2:17

Israil, olikhi nono oshou hipau sughike! Ni nongu Lhou AMPEU hu, ala kupujulo ino nongu sachekeghi nonguno ipheveke.

JEREMIYA 2:19

Nolikhi nolhoksano nongu ghimeqhi nani, eno nonguno ilauno tsughusu wuvekeuno nokideqhive nanike. Ni nongu Lhou AMPEU phevekeu eno ikidiu amikucho shi xuche- move aye kiutoi kukhu kimji eno alomo kepu keno nonguno ithilu nani. Ni Aqokitikhi MPEU Akughushuuno piveake.”

JEREMIYA 2:2

hipau tsape pesu Jerusalem lo timi kumtsu lau asheshulo pike. “Kughou nonguno alhothe shi akeno nonguye kiutoi pukhukulu keno ino kumsulu ae, ningu kulakupu shitughuloye nonguye kiutoi ikimiye chekeno; Nonguno asayeqhalo kishi ipapelu chekeno, yisumokeu yeghilo achekelo.

JEREMIYA 2:26

AMPEU no pi, “Kupkami lakhi kughaluve kelo shikukujo kehu toi nongu Israil lo akemi kumtsu shikukujo qhi nani, nowu kukami, kijemi, achinemi eno tungkupumi kumtsu shikukujo qhi nani.

JEREMIYA 20:18

Kushiye ipunuqhi apekela? Shiluksa eno amlo ghime likhi shiapeniye kesha? eno kujomzakeu lono ikuxu shekha shipeniye kesha?

JEREMIYA 22:21

Nono kinikulu shi acheke lono AMPEU no oputsake, ikemu nonguno initsumoveke. Tiye nongu kuxu kupujulo tipau mla acheni; nonguye khilemu AMPEU gholu chemoke.

JEREMIYA 3:13

Okuyiqu likhi ithichilelulo eno noye AMPEU oLhou shou hebideve kepi ithilulo. Asu minipho kumtsu qholono nono inagha lhouqo lau owu kikimiye tsuve eno noye ino ahza tsukeu papelumove kepi piphevelo. Ni, AMPEU no piqhi ani.

JEREMIYA 31:19

Ninguno olauno tsughusu wuveke, ikemu ninguye kighithe olau xaideghi nishi anike. Nono nighimeqhive kethiu, ninguye amlo ghime lono akutsu pishiqholuveke. Ninguye kujokighiyiveke kughengu ninguno alhothe shiakelo axine shiveke!”

JEREMIYA 6:26

AMPEU no pawu timi vilo pi, “Yeqhiye phi ulo eno ayevulo ihilo. Nonguno anu lakhi likhi akeu shou qa keshi anhezu piji qalo, kughengu nongu kutsaniye che keuye zuleno nongu leighi nani.

JEREMIYA 7:19

Ikemu kuchouno panonguye ighuza ani kesha? Moe, panonguye pano likhi panoqo ghuza ani eno panoqo shou akukujopu sughi anike.

JEREMIYA 8:14

Alhou wu timiqono ishi iniju, “Ninguye kushiye inaqhoi iqa ani kya? ighilo, ningu aliwo putupuakeu phughiqolo posu wuni eno tilano thinike. AMPEU niLhou no thipe nikeu shi nishou kughathavae; ninguno pa shou axine shike ghenguno pano nipelo yepenike tughuzu tsuke.

JEREMIYA 9:18

Timiqono pike, “Panoqo vilo papashilo pilo eno nighenguno kithikuhalo le phelo, tiye ninhethilo anhezu pijimoke kuto, eno igha qakeu lono ni-nhebo khoivemoke kutolo phelo.”

AKUMLO 5:16

Nino jupesu akijivilo chekeu thime lakhimu kuhavae. Nino axine shiveke eno itehiye ningu hasapu shivae.

AKUMLO 5:7

Nipuasuqono axine shiveke ikemu panonguye kuhavae eno ningu pelo panoqo xine ghenguno ime anipeke.

EZEKEL 2:3

“Thinikuau timio, Israilmi lau ino opuwu ani. Panonguno ihebide akumou shiani eno pano puasuqo toi ihebide achephike.

EZEKEL 36:32

Israilmi nongu pelo hi ithipe nishi anike niye nongu je ghenguno hipaqo shitsuni chenike kumoe. Nonguno kiu shiani keno tipaulo niye nongu pelo akukujo kumza keu ithilu penishi. Ni, Akughushu MPEU no pivae.”

EZEKEL 44:13

Panonguye achinemi shighi iqe pemoe momu Shishe Akimthe-alo ilopemlake. Panonguno kuchhube kutsula kumla shikeu ghenguno aghime hipau tsuanike.

EZEKEL 7:18

Panonguno yeqhiye phi pepu puzu akumsano thuthu shi nani. Panoqo kutsusa miyelevetsu nani eno agilo akukujopu shi anani.

DANIEL 12:2

Azuuno thivekeqo ghi xu ithughive nani: khami lhokta kuxu ithuluno alovini eno khamino lhokta ghime ithuluno imeve nani.

HOSIYA 9:10

AMPEU no pi, “Ino Israil phulu tughuloye tiye asayeqha lo atsayithi phulu aketoike. Kughou ino nongu puasuqo ithulu keno khughuthi kipithi ghulokilo khughuthi kini amusuu toike. Ikemu kughou panonguno Peor Toghi lo ighikeno panonguno Baal mllathuve, eno paikhavino panonguno kupuqhiyi chekeu lhouqo toi panonguye niqhunilaive.

ZEFANIA 1:17

AMPEU no pi, “Ino timiqo shou kutsakungo keu sughi niaye akeuye timi kumtsuno anhethi kighichemi toi kuka ju puha nani. Panonguno ishou axine shike eno itehiye panoqo jiye azu toi pele nani eno panoqo kithikumoye ayeghi shou tsu munashu anani.”

Rommi 6:21

Momu thime khipaqo ghenguno itehiye nonguye kujo ani keno tipaqo launo kiu kivipu sughitsu kya? Thime tipaqoye ashekhalo akithike.

XAKUTHAMI 2:2

Nonguye hipa ghakhulo kughuna aghikemi sasu khilemu puloshoqhi shikevilo. Nonguno panongu kumlla a-qo tuleqhi khave tsulo.’ Ikemu nonguye ino kiu shilo pikeno tipau shitsumono bidelau mlavae.