JEREMIYA 3:18 - BAIBEL (BSI)

¹⁸ Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

Sumi Naga CL (Re-edited) Bible (BSI)

¹⁸ Tipau tsala lo Judah kibo ye Israel kibo gholo küqha luve nani, eno küqhano ahuu yeghi lono I no nongu puasüqo tsükeu yeghi pesü amheghi shiluve nani.

JEREMIYA 3:18 ပူးပေါင်းရင်းမြစ်များ

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

ISAIAH 43:5

Msakevilo, niye ogholo anike! ‘Putou kipela kudauno eno putou kulola kudauno, Ino nowu timiqo akilo saghi nani.

ISAIAH 43:6

Ino ahuu vilo panoqo puwuvelo pi pi nani eno apeu vilo panoqo hakhape akevilo pi nani. Iwu timiqo putosuu akeu yeghi lono ideighi pelo, ayeghi ku-aqha kumtsu lono ighi pelo.

JEREMIYA 16:15

Tipa zuqhulo, panonguno tushoqhi keulo Alhou no ayeghi ahuu akeu lono eno ayeghi kutau kumtsu khilehi pano panoqo hakughutsuve keu lono Israil saighikeuye xuanike ghenguno ipi pi nani. Ino pano yeghilo panoqo sachile saghi nani, ti panoqo puasuqo lau ino tsukeu yeghilo. Ni, AMPEU no piqhive ake.”

JEREMIYA 23:8

Tishinike zuqhulo panonguno ikugha pesu ashoqhi shikeulo ishi pinani, ‘Ahuu akeu yeghi eno ayeghi kutau khilehi ino panoqo halepuwuve keno tipaqo kudauno Israil lo akemi sasu ighikeuye xuakeu Lhou ke’ ipi nani. Tileno panoqoye pano yeghilo kughunalu nani.”

JEREMIYA 3:12

Pano ivilo wuno Israil vilo pilo pike, “Amikucho kumou Israil, ilau ideighilo. Niye kimiyekinike eno amlo idemo nani; niye alhokupuju oshou amlo idemo nanike.

JEREMIYA 30:3

Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

JEREMIYA 31:8

Ino ahuu kudauno panoqo saghi nani eno ayeghi shekha kudauno panoqo hekutsu kumqonike. Anhethi kighichemi ngo aphi au kinitave kemino panoqo gholo ighi nani, Mishibei akemi ngo pununiye akemiqo ghi ighi nani. Panonguye ashiayeh kije lakhi shi ighi nani.

JEREMIYA 50:20

Kughono tipa ghuloki ighini keno Israil lo kiu xinemu phumla nani eno Juda lo kiu lhoksa kugha mu kuha nani, kughengu timi khunoqo kuxu ino ghupe qhitsuni keno ino tipaqo xine pevetsu nani. Ni, AMPEU no piveake.”

JEREMIYA 50:4

AMPEU no pi, “Kughono tipa ghuloki ighini keno Israil ngo Juda kumalo kuamiqono qasusu ni panoqo Lhou phususu ighi nani.

JEREMIYA 50:5

Panonguno Zion kudau wukeu la iyighiju puzu tikudau wu nani. Panonguno isasu lhokta puloshoqhi shi nani eno khilemu tipau kubovemo nani.”

JEREMIYA 7:7

Nonguno kililuve aye ino nopuasu mheghipushi tsupepuakeu yeghilo ino nongu pelo xuachepe nanike.”

EZEKEL 11:17

Tighenguno ni, Akughushu MPEU no piakeu pesu panoqo vilo pilo. Khilehi ino panoqo kutholesuve keno tipaqo yeghi lono ino panoqo hekutsu nani eno Israil yeghi pesu panoqo tsuchile nani.

HOSIYA 1:11

Juda lo akemi ngo Israil lo akemiqoye pekuqhave nani. Panonguno kuqhano panoqo wu sakipheu lakhi kisheluve nani eno itaghi panonguye pano yeghilo thuwuve eno alau ikowove nani. Iye, Jezrel tsalaye atsala kije lakhi shi nani!

HOSIYA 11:12

AMPEU no pi, “Israil lo akemiqono akimki ngo pishikiqhi pesu isuholuve eno Juda lo akemiqono ni, amikucho eno akimthe Lhou mujochile aphike.”

HOSIYA 2:2

Itianuliqo, ozaye inipu kumovea eno niye likimi kumovea kemu li putsatsulo. Lino kutuqha eno salha shupu chekeu qhivelopi li putsatsulo.

AMUS 9:15

Ino ayeghi iwu timiqo tsukeulo panoqo shosu nani, eno panonguye itaghi nhuvemo nani.” AMPEU nongu Lhou no piqhivae.

ZEKHARIA 10:6

“Ino Juda lo achekemi shikumto nani; ino Israil lo achekemi hakholuve nani. Ino panoqo shou imlo ighiqhiyikeu anani eno panoqo kumtsu pano ghakhulo sachile saghi nani. Panonguye ino khilemu panoqo pevemoke toive nani. Ino panoqo Lhou AMPEU ke; ino panoqo kighini khochile tsu nani.

ZEKHARIA 2:6

AMPEU no pawu timiqo vilo pi, “Ino aqha kumtsulo nongu hapiye pighive, ikemu itehiye nongu piyighivekeqo, Babilon lono pokawuvelo eno Jerusalem lo ideghivelo.