JEREMIYA 3:12 - BAIBEL (BSI)

¹² Pano ivilo wuno Israil vilo pilo pike, “Amikucho kumou Israil, ilau ideighilo. Niye kimiyekinike eno amlo idemo nani; niye alhokupuju oshou amlo idemo nanike.

Sumi Naga CL (Re-edited) Bible (BSI)

¹² Wuno atsa hipaqo pesü ahuu küdau kütüghü no pilo, “‘Aküpülü kükühau Israel, ideighilo, ipi Ampeu no asheshu. Ni ye amloide ghi o jumo nani, kughengu Ni ye kimiyekini ke, ipi Ampeu no asheshu; Ni ye alholo amloide monani.

JEREMIYA 3:12 ပူးပေါင်းရင်းမြစ်များ

BOTHUBO 4:7

Nono akivi mula puaghi aye no ikhilu moni kesha? Eno nono akivi shipuaghimo napi aye, axine no ahukikha ijepe anie. Tino oshou kaluve nishi anie, ikemu noye ti theqhiluve masae.”

KUKAMI AKINIU 15:29

Peka no ka ake ghuloki lono Asiriya lo akukau Tiglat Pilaser no aphughi hipaqo leluvetsu, tiye Ijon, Abel Beth Maaka, Janoa, Kedes, Hazor, Gilead, Galil eno Naftali ghakhulo akeqo ghi leluvetsu puzu timiqo kugha sasu Asiriya lo akughushi sawuve.

KUKAMI AKINIU 17:23

ikehu ashekhaloye AMPEU no pa nhekithe lono panongu hapheve, pano paqemi tungkupumi vechewo panongu ghutu keu lono pano shinipi ketoi shive. Tighenguno Israilmiye Asiriya yeghilo kughasasu akughu shiukhave, panonguye ishikutolo tile xu achephike.

KUKAMI AKINIU 17:6

Hosheya no kakeu mpe atokuu shi akeno, Asiriyami kukau no ighino Samaria leluve eno Israilmi kughasusu Asiriya lo akughumi shi sasuwuve eno panongu khami kughapesu Hala phughilo ngovepe eno khamino sawo Gozan distrik lo Habor ghoki phivilo qhive eno khamino Mediya phughilo ngovepe.

KUKAMI AKINIU 18:1

Elah nu Hosheya no Israil lo kakeu mpe akuthuu shi akelono, Ahaz nu Hezekiya no Juda lo akukau shilu

YEKIKITHI AKINIU 29:10

“Itehiye AMPEU, Israil Lhou sasu puloshoqhi lakhi shinikeu ino xathaluvae, tishi anguno paye nilau aloghu ide kithe pemonike.

YEKIKITHI AKINIU 30:9

Nonguno AMPEU lau xaideghi aye timi nosholokumi sasu akughumi shi sawuve kemiqono panoqo shou amlo ighi qhiyive nani eno panoqo pelo aghakhu lo ide ighiluve pe nani. AMPEU nongu Lhou ye kimiyekini eno kupukini ke eno nonguno pa lau xaide ghi napi aye pano nongu ikhilu nani.”

LESHELE 103:17

Ikemu khunono AMPEU gihuni keno, pa kikimiye panoqo lau alhokupujulo ani; eno paye akivike pikeuno tiqheli kumtsu shou ani.

LESHELE 103:8

AMPEU ye kupukini eno kimiyekini, asheshino axuidekeu eno iqemo keu kikimiyeno chhitoi akeu.

LESHELE 103:9

Paye pulhapuju sakiyi achemoe; paye pulhapuju aloghu ide chemoe.

LESHELE 145:8

AMPEU ye ivulaikeu eno kimiyekini asheshino aloghu ide cheni, eno iqemokeu kikimiyeno chhitoike.

LESHELE 79:5

AMPEU, noye alhokupujulo nilau oxuide anani kesha? Oxukighideye tamo mitheno ami toi iqu ani kesha?

LESHELE 86:15

Ikemu O AMPEU, noye kupukini eno kimiyekini Lhou ke; alhokupujulo kutuukulu, kimiyekeu eno pukhukulupu.

LESHELE 86:5

Noye nilau akivipu eno ikhilukeu shiacheni, ovilo inikhukemi kumtsu lau iqemokeu kikimiyeno chhitoi anike.

AHOLE 28:13

Nono oxine pekusu cheaye noye akuxulo khilemu tokulupu shimo nani. Tipaqo piphevelo eno phevelo tishiaye Alhou no oshou kimiye qhiyikeu anani.

ISAIAH 31:6

AMPEU no pi, “Israil lo akemiqo, nonguno ishou axine shike eno imujochileke. Ikemu itehiye ilau ideghi lo!

ISAIAH 44:22

Khungkusu toi ino oxine jolevetsu nani. Ilau ideghilo; oxaluchekeu huye nike.”

JEREMIYA 11:6

Tileno AMPEU no ivilo pi, “Juda lo aphughiqolo eno Jerusalem laghilalo wulo. Itsape pesu tilau asheshulo eno timiqo vilo puloshoqhilo akeu tsa inilo pilo eno tipaqo papelo pilo.

JEREMIYA 12:15

Ikemu panoqo ikhisawuve kethiu ino panoqo shou kimiye qhiyikeu anani. Ino ashiayehqo lakhikhi pututa yeghi eno pututa ghakhulo saideghi nani.

JEREMIYA 23:8

Tishinike zuqhulo panonguno ikugha pesu ashoqhi shikeulo ishi pinani, ‘Ahuu akeu yeghi eno ayeghi kutau khilehi ino panoqo halepuwuve keno tipaqo kudauno Israil lo akemi sasu ighikeuye xuakeu Lhou ke’ ipi nani. Tileno panoqoye pano yeghilo kughunalu nani.”

JEREMIYA 3:1

AMPEU no pi, “Timi lakhino pa nipu sasu ixave aye eno lino pa launo wuve puzu kutami nipu shive aye paye li sachilelu kithe mlake. Tishiaye, tipa yeghi qhoi shipixive niake. Ikemu Israil, nonguye alojipumi kutomo auve puzu itehiye ilau ideighi nishi ani kesha?

JEREMIYA 3:14

“Amikucho kumomiqo; nonguye iwuke. Aphughi lakhikhi lono ino nongu milakhikhi luni eno alagha lakhikhi lono mikinini luni eno ino Zion Toghilo sachile saghi nanike.

JEREMIYA 3:18

Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

JEREMIYA 3:22

Xaideghilo, AMPEU launo wuvekemi nongu kumtsu ighilo; pano nongu shipivi nani eno nongu pesu amikucho shitsu nani. Nonguno ishi pilo, “Iye, ninguye AMPEU lau cheni kughengu paye ni Lhou ke.

JEREMIYA 3:5

Noye alhokuthu lo amlo idemo nanike; noye ashekha kutolo aloghu idemo nanike.’ Israil, nonguno tishi pike ikemu nonguno toluke thaqhulo alhoksa kumtsu shicheni.”

JEREMIYA 3:7

Lino hipau kumtsu shive kethiu liye mutsuqheino ideighi nani kepi ino kumsuake. Ikemu liye ilau ideighimoveke eno litsunipu amikucho kumou Juda no tipau kumtsu ithuluake.

JEREMIYA 30:11

“Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsaleve nani, ikemu niye nongu kutsale vemo nani. Niye nongu ghimemono puwuvemo nani; ikemu ino nongu ghimeqhi keulo aghibiu lono shi nani.”

JEREMIYA 31:20

“Israil noye inu ino qhuchekeuke, ino kumtsu nguno kimiyekeu nuke. Kughokughomu ino oje ku kelo, kimiyeqhiyi okumsuluke. Imloye okudau acheni; niye okupuqhiyi nani.

JEREMIYA 31:21

Amchi shikeu peqhelo eno alaghi amchi shilo; nono khipala lono cheve keno tipau laghi phukithelo. Ideighilo, O Israilmiqo, nonguno qhivekeu taunlo ideghilo.

JEREMIYA 31:8

Ino ahuu kudauno panoqo saghi nani eno ayeghi shekha kudauno panoqo hekutsu kumqonike. Anhethi kighichemi ngo aphi au kinitave kemino panoqo gholo ighi nani, Mishibei akemi ngo pununiye akemiqo ghi ighi nani. Panonguye ashiayeh kije lakhi shi ighi nani.

JEREMIYA 33:26

niye Jakob laghami ngo Iqeu David peve nike eno David laghami lakhi kishe pesu Abraham ngo Isak eno Jakob laghami shou ayehpe pemoni cheke. Ikemu iwu timiqo shou ino kimiye qhiyi nani eno itaghi panoqoye kinikulu shipe nani.”

JEREMIYA 4:1

AMPEU no pi, “Israil lo akemiqo, nonguno ideighini aye ilau xaideghilo. Nonguno ino jumithichekeu julho ikhipeve aye eno ilau amikucho shi aye

AKUMLO 3:22

AMPEU wu ikiqivemo keu kikimiye ngo kupuqhiyikeuye achephi.

EZEKEL 11:17

Tighenguno ni, Akughushu MPEU no piakeu pesu panoqo vilo pilo. Khilehi ino panoqo kutholesuve keno tipaqo yeghi lono ino panoqo hekutsu nani eno Israil yeghi pesu panoqo tsuchile nani.

EZEKEL 33:11

Panoqo vilo pilo ike kuchouno niye xuakeu Lhou ke ghenguno niye axinemi lakhi thikeulo aghaqi chemoe. Niye pa pelo axine lono tave penishike eno xuluve penishike. Israil, nonguno alhoksa shiakeu tavelo. Nonguye kushiye thiani kya?

EZEKEL 39:25

Akughushu MPEU no pike, “Ikemu itehiye ino Jakob laghami Israil lo akemiqo shou kupuqhiyi nani, eno panoqo itaghi kinikulu shitsu nani. Ino ije kimthe susho nani.

HOSIYA 6:1

Timiqono pi, “Ningu AMPEU lau xaidewoni nolo! Pano ningu ghuzake ikemu kuchouno pano ningu shipivi nani; pano nighuzake ikemu pano nighuzaku khavetsu nani; paye tishimo nani kesha?

ACHINE 26:40

“Ikemu nongu polo kughukomino panoqo xine eno pano puasuqo xine piphe nani, panoqono imjochile eno ishou hebideke,

ZEKHARIA 1:4

Nongu puasuqo toi shikevilo. Khaghilo tungkupumino panoqo vilo hinguno hilauye alhoksa kuxu eno axine shikeu kuxu xukevilo pi itsape pesu panoqo tsuke ikemu panonguno itsa inimoe eno igholumoke.

ZAKINIU 30:2

Nongu eno nopolo kughukomino AMPEU lau ide ighi aye nongu mlo kuchopu tsu puzu ishi tsalalo ino nongu tsu akeu zah hipaqo pelu aye,