JEREMIYA 29:23 - BAIBEL (BSI)

²³ Panongu kuxuye tishive nanike kughengu panonguye axine lhoksa shivekeu lono kuquvae, panonguno salhashupuke eno AMPEU jelono akimki tsa pike. Hiye AMPEU pulou kumoke; panonguno kiu shive keno pano ithi ani eno pano panoqo shou thopiu ke. AMPEU no piqhive ake.”

Sumi Naga CL (Re-edited) Bible (BSI)

²³ kughengu panongu no Israel lo kixikila thime mlae, panongu no pano kisüghümi nipuqo sazüe, tishino I no azah tsümo keghi I je lono akimki tsa piani. I no ithi ani, eno I no thopi ke, ipi Ampeu no sheshu.’”

JEREMIYA 29:23 ပူးပေါင်းရင်းမြစ်များ

BOTHUBO 31:50

Tsala nono ingaqo shikighime napi aye momu nono ingaqo nguno anipu kutau luwuve napi aye, timi khumu ningu gholo kuhae, ikemu julo Alhou no nikujo dolo thopi ani.”

BOTHUBO 34:7

Kughou Jakob nuliqono aluza lono ighi puzu ti chilu keno, panonguye amlo tsuzuyive eno panonguye shishe amlo ideve, kughengu pano tishi Jakob nga sazuve keuye Israilmi shou kuthakugha vehu shiveke.

SAMUEL AKINIU 13:12

Lino pi, “Moe! Khilemu aje kusapu kumla shinikeu ilau anguka shikevilo! Tiye ighono akumsapue! Niye kishino akiniu aqha zulo igi pephe piyeni kya? Ipuzu nono Israil yeghilo noye atichepu kije avenanie.

AHOLE 5:21

AMPEU no thwokha kumtsu ithulu ani, nono khilekhile wunamu pano ojukuto ani.

JEREMIYA 13:27

Nonguye pano jumithiche keu thime shi aghikeu pano ithuluvae. Nonguno timi lakhino pa kusami nipu juminekeu momu khurshitsuno aqu pape keshi naghutoqolo inapughami lhouqo lau wukeu eno aluzalo wukeu pano nongu ithuluvae. Jerusalem lo akemiqo, nongu hakusapu shivae! Nonguye kughono muqhamiqhiyi nani kya?

JEREMIYA 16:17

Panonguno shikeu kumtsu ino ithulu ani, ilauno kiumu kusuvemla; panoqo xineye igizu lono povemlake.

JEREMIYA 23:14

Ikemu tinguno akusa akusau Jerusalem lo tungkupmino shikeu ino ithuluvae. Panonguno salha cheni eno miki cheni; Panonguno timiqo achipikumoulo shikuphu acheni, tighenguno milakhimu alhoksa shimokeu kuhae. Ighenguye, panongu kumtsu Sodom ngo Gomora lo akemi toi alomo keqoke.

JEREMIYA 23:16

Aqokitikhi MPEU no Jerusalem lo akemiqo lau pike, “Tungkupmino kiu pikeno ini kevilo; panonguye kichileu lajupu pesu nongu lolo chhitoi sutsu anike. Panonguno kumsulukeu pesu nongu vilo piani kethono ino kiu pikeno tipau pesu piamoe.

JEREMIYA 23:21

AMPEU no pivae, “Niye tungkupmi hipaqo puwu moke ikeghi panonguno wuke. Niye kiu tsapemu panongu tsumoe, ikeghi panonguno ije lono picheni.

JEREMIYA 23:32

Ni, AMPEU no kiu piani keno inilo! Niye tungkupmi khunoqono pano samo picheni eno tiye akimkino chhitoikeu pi acheni keno tipaqo shou ino moepi anike! Panonguno asamo tipaqo pipuzu panoqo kimki ngo panoqo qhekuza pesu iwu timiqo sakughuzuke. Niye panoqo puwumoke momu panoqo vilo wulo pimoke eno timiqo kiumu kuphulu anike kumoe. Ni, AMPEU no piqhivae.”

JEREMIYA 29:21

“Aqokitikhi MPEU, Israil Lhou no Kolaiya nu Ahab ngo Maaseiya nu Zedekiya pama ghili piveake, pamaye nongu vilo paje lono akimki tsa piani. Pano pive ake pano hipama pesu Babilon lo Akukau Nebukadnezar ulo suvetsuni cheni eno nongu gizu lono pano pama pithive nani.

JEREMIYA 29:31

Babilon lo akughumiqo lau Shemaiya ghili hipau pesu tsupuwulo pi pike:” Ni, AMPEU no Shemaiya ngo pa laghami kumtsu ghimeqhi nani. Niye pa puwu puamoe ikeghi paye tungkupmi lakhi toi nongu putsa ke eno panongu pelo akimki pulu peke.

JEREMIYA 5:8

Panonguye akivishi pulhuchekeu khurshino hakilhe kelauno ngosumlakeu toike, akisughumi lakhino lakhiu nipu jumineke.

JEREMIYA 7:11

Ichinekiye heqhi suxakulumi kughutshua kepi nonguye kumsu ani kesha? Nonguno kiu shiani keno ino ithulu khavae.

EZEKEL 35:13

Nonguno aqhekuza kuchhomashi, ishou atsa zalepuku keu ino chiluvae.”

ZEFANIA 3:4

Tungkupumino lahilazake eno akupulupu kuhake; achinemino akimthe kitiqevetsu cheni eno pano kivipu shianiaye Alhou yezah suchighive cheni.

MALAKI 2:14

Kushiye paye tipaqo ikhilutsu chemove akela pi nonguno iniju cheni. Tiye kutau ghenguno kumono nonguno lhothemi shiake lono sasu kulaukeu nipu lau nongu shoqhi kubolevekeu pano ithi ani kehue. Liye otunake eno nonguye Alhou zulono li lau amikucho shi xucheni keu tushoqhive kethiu ghi nonguno li lau ashoqhi shikeu kuboleveke.

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

IBRIMI 4:13

Alhou zuloye lhophepua keu kiumu kusuvemlae, ikemu thwokha pa zuloye nhamono thebei ithulu ani; eno pa lau ningu kumtsu kihikulayi pesu tsu nani.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.

XAKUTHAMI 11:10

Panonguno pichile, “Ninguye ti pulo ani. AMPEU no ningu dolo thopi shipeni.”