JEREMIYA 29:14 - BAIBEL (BSI)

¹⁴ Iye, ino piani, nonguno iphulu nani eno ino noyeghilo nongu sachilesawo qhi nani. Ino khile nongu hale puwuve keno tipaqo-a kumtsu lono, tipaqo ghakhu lono ino nongu hekutsu kumqo nani, eno khipa yeghi lono ino nongu hapupove keno tilau ino nongu sachile saghi nani. Ni, AMPEU no piqhiveake!’

Sumi Naga CL (Re-edited) Bible (BSI)

¹⁴ nongu no I phulu nani, Ampeu no sheshu, eno I no nongu kinigha tsüchile nani eno I no khile nongu hapuwuve keno shiye kümtsü eno a-a kümtsü lono nongu sawo kumqo nani, ipi Ampeu no sheshu, I no a-a khipau lono nongu akughu lo puwuve keno tipa-a lo sachile saghi nani.

JEREMIYA 29:14 ပူးပေါင်းရင်းမြစ်များ

YEKIKITHI ATUGHIU 28:9

Pano Solomon vilo hi pi, “Inu, ino ohakite ani opu Lhou pukhalulo eno omlo kijevemono eno okukumsu iqemono pa huthulo. Pano ningu kukumsu eno ninguno lunishi keu kumtsu ithi anie. Tsala nono pa phuwu aye pano no ikhilu nani; ikemu tsala nono pa launo pove aye pano alhokuthu ghenguno okumsumave nia.

LESHELE 126:1

Kughou AMPEU no Jerusalem lo ni sachile saighi keno tiye asamo lakhi toike!

LESHELE 126:4

O AMPEU, ni kuakini gha ni tsuchile lo zuha ghulokilo azu qoile ighi veke toi.

LESHELE 32:6

Olau amlo kutsumi kumtsuno shiluksalo inikhu kepuke; kughou shiluksano azukuqo toi ighipimu tiye panoqo tomove nani.

LESHELE 46:1

Alhou ye nino ijehlu chekeu eno nikumto, shiluksa do kumtsulo kuphu tsunike kutope ani.

ISAIAH 14:1

AMPEU no pawu timi Israilmi shou itaghi kimiye qhiyikeu anani eno itaghi panongu kishelu nani. Panoqo pelo itaghi pano yeghilo kughunalupe nani eno inaghamino ighi puzu panoqo gholo kughuna nani.

ISAIAH 43:5

Msakevilo, niye ogholo anike! ‘Putou kipela kudauno eno putou kulola kudauno, Ino nowu timiqo akilo saghi nani.

ISAIAH 43:6

Ino ahuu vilo panoqo puwuvelo pi pi nani eno apeu vilo panoqo hakhape akevilo pi nani. Iwu timiqo putosuu akeu yeghi lono ideighi pelo, ayeghi ku-aqha kumtsu lono ighi pelo.

ISAIAH 45:19

Niye tuqhouno pipuamoke momu ipulouye kusupesu qhipuamoe. Niye Israilmi vilo munamghai keu alo iphujulopi pi puamoe. Niye AMPEU ke eno niye kuchou tsa picheni; kiuno achipi keno ino ithipe acheni.”

ISAIAH 55:6

AMPEU phuighilo, pa phulukepushi ake lono pano kupunu aphilono pa kuluvelo.

JEREMIYA 12:15

Ikemu panoqo ikhisawuve kethiu ino panoqo shou kimiye qhiyikeu anani. Ino ashiayehqo lakhikhi pututa yeghi eno pututa ghakhulo saideghi nani.

JEREMIYA 3:14

“Amikucho kumomiqo; nonguye iwuke. Aphughi lakhikhi lono ino nongu milakhikhi luni eno alagha lakhikhi lono mikinini luni eno ino Zion Toghilo sachile saghi nanike.

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 30:18

AMPEU no piani, “Ino iwu timiqo pano yeghilo sachilesaghini eno akibokumtsu shou kimiyeqhiyi nani. Jerusalem ye shiqhe kitheve nani, tipaulo kukami kiye thosulo toive nani.

JEREMIYA 30:3

Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

JEREMIYA 31:16

Okuqa tavelo eno onhezuqo isuvelo. Nono atianuli ghenguno mlakeu kumtsu asaxu tsumono puwuve-keu shimoke; Panonguye aghumi yeghi lono ide ighi nani.

JEREMIYA 31:17

Nongu ghenguno ighinikeulo lajupu ani; otianuliye aghakhulo ide ighi nanike. Ni, AMPEU no piveake.

JEREMIYA 31:23

Aqokitikhi MPEU, Israil Lhou no piani, “Kughou ino timiqo pano yeghilo sachile saghini keno, panonguno itaghi Juda lo taun akeqo yeghi lo ishi pinani. ‘AMPEU no Jerusalem toghi akimtheu kumghatsu peniu, akimthe-a khilehi pano achekeualo,’ ”

JEREMIYA 51:10

AMPEU no pi, “Iwu timiqono ighamuku ke, ‘AMPEU no piyetsu keuno ninguye achipiu shianike. Ninguno Jerusalem lo wupuzu timiqo vilo AMPEU niLhou no kiu shivetsu keno pinike.’ ”

JEREMIYA 8:3

Hi lhoksakugha shiyehmi khunoqo thikhamono xuaghini keno ino panoqo halepuwuvekeu yeghilo xu aghikhani keno tipaqoye xu anikeu nguno thivekeu pavi kumsulu nani. Ni, Aqokitikhi MPEU no piqhiveake.”

EZEKEL 37:21

Tishi puzu panoqo vilo pilo, ike ashiayeh kutami gholo khilehi panoqo wuve keno tilauno ni, Akughushu MPEU no iwu timiqo kumtsu salu nani, panoqo hekutsu kumqo nani eno pano yeghilo sachile saghi nani.

EZEKEL 39:25

Akughushu MPEU no pike, “Ikemu itehiye ino Jakob laghami Israil lo akemiqo shou kupuqhiyi nani, eno panoqo itaghi kinikulu shitsu nani. Ino ije kimthe susho nani.

AMUS 9:14

Niye iwu timiqo pano yeghilo sachile saghi nani. Panonguno ixapinyivekeu phughi shikitheno tilehi ngo nani; panonguno atsayibo shosuno atsayiji sho nani. Panonguno aghutu putuno tile ipeghikeu chu nani.

MICAH 4:12

Ikemu ashiayeh hipaqoye AMPEU no kiu kumsupu akeno mthake. Athi qoleluniaye aniqalo aghipe kipiqhe peighi ke paphi lono panoqo ghimeqhini aye panongu hekutsu kumqo kepi panonguye vethamlake.

ZEFANIA 3:20

Aghuloki wocheni! Ino notimi apanagha akemi aghakhulo saghi nani. Ino ayeghiqhalo akemi zulo nonguye ajekipipu shi tsu nani, eno nongu pelo itaghi kini kulu shilupe nani.” AMPEU no pivae.

Rommi 10:20

Isaya no akumto shi pipuani: “Khunoqono iphujumono achekeno tipaqono iphuluvae, Khunoqono ivehu inijumono achekeno ino tipaqo lau pephe piyevae.”

ZAKINIU 30:1

“Ino itehino nongu pelo kumgha ngo musuini kuma dolo lakhi kishelu penike tsuvae. Kughono hipaqo kumtsu nongu shou ikughini keno AMPEU Alhou no khilehi nongu apanagha puwuveno ashiayeh kutami gholo nonguye xuauveni keno tileno kishelu penike ino tsukeu nonguno kumsulu nani

ZAKINIU 30:3

tileno AMPEU Alhou no nongu shou amlo ighiqhiyive nani. Pano khilehi nongu apanagha puwuve keno tipaqo shiayeh launo nongu sachile saghi nani eno pano itaghi nongu pelo axukivi shilu penani.

ZAKINIU 30:5

tishianguno nongu puasuno khilehi ache keno tipau yeghi itaghi amheghi shi pighiluve nani. Pano nopuasu nguno alaushi nongu pelo kinikulu shilupe no timi kumzapu shilupe nanike.

ZAKINIU 4:7

“Ashiayeh kutamino pinamu AMPEU niLhou no nino avehupu shikelo kupunukhoi akeu toi khuno lhou mu kuhake. Paye ningu kuphu lepi kukelo nikhochile chenike.