JEREMIYA 27:10 - BAIBEL (BSI)

¹⁰ Panonguye nongu pishiqhi anike eno noyeghi lono putosuu sawuve peniye kughu auveake. Ino nongu hapheveno kutsaleve nanike.

Sumi Naga CL (Re-edited) Bible (BSI)

¹⁰ Kughengu ti ye akimki lono nongu lau tungkuptsa piani, ti ye nongu pesü no yeghi lono putosüu hapuwuveni keu kiqi ke; I no nongu hapheve no nongu ye pühave nani.

JEREMIYA 27:10 ပူးပေါင်းရင်းမြစ်များ

IPEKULU 22:18

“Totimi khuuno kuduu shicheni keno heqhi pithivelo.

JEREMIYA 14:14

Ikemu AMPEU no khochile pi, “Tungkupmiye ije lono akimki tsa piani, niye panoqo puwu puamoe momu niye ahza kiumu panoqo tsupuamoe momu atsa lothi lakhi mu panoqo putsa puamoe. Kungunhetsu ghili panonguno piakeu huye ilauno ighikeu kumoe; panonguno ashe-azu tsa shi piakeu huye ame kuhamithe keu pano kukumsulo akeu tsake.

JEREMIYA 23:16

Aqokitikhi MPEU no Jerusalem lo akemiqo lau pike, “Tungkupmino kiu pikeno ini kevilo; panonguye kichileu lajupu pesu nongu lolo chhitoi sutsu anike. Panonguno kumsulukeu pesu nongu vilo piani kethono ino kiu pikeno tipau pesu piamoe.

JEREMIYA 23:25

Tungkupmi hupaqono kiu pikeno, panonguno ije lono akimki tsa pikeu eno panoqo samouno ino itsape pesu panoqo tsuveakepi pichekeqo kumtsu ino ithianike.

JEREMIYA 27:14

Tungkupmi khunoqono nongu vilo pa qholo qhoi phesuve tsu kevilopi lakhani keno tipaqo tsa initsu kevilo. Panonguye nongu pishiqhi anike.

JEREMIYA 27:15

AMPEU no piveake paye panoqo puwu puamoe eno panonguye pa je lono nongu vilo akimiki tsa pianike. Ike pano nongu hapupove nani eno nonguye heqhi pithive niake, nongu ghi eno nongu vilo akimki tsa hipaqo piakemi tungkupmi ghi pithikhave nanike.”

JEREMIYA 27:16

Tileno ino achinemi ngo timiqo vilo AMPEU no pikeu pesu pike: “Tungkupmi khunono achinekilo akini pekutsu puakeu Babilon lono itheno suchile sughive nani kepi picheni keno inikevilo. Panonguye nongu vilo mikikeu tsa pianike.

JEREMIYA 28:11

timi kumtsu nhekithe lono ishipi, “AMPEU no pike hikithipushi kuokhasu khipaqo Nebukadnezar no ashiayehqo kuolo pipekeno AMPEU no hechheve nani ke, eno ampe kini dolono pano hipau shi nani ke.” Tipathiu niye cheve.

JEREMIYA 28:16

Tighenguno AMPEU ampino pike pano noikhiveni cheni. Hipau mipe wokha mphi lono noye thive nani kughengu timiqo pelo AMPEU shou hebide penike nono pianike.”

JEREMIYA 32:31

Hipau phughi shiluveke tsala lono hile akemiqono ipelo aloghu ide ipelo muqhumuza achenipeke. Niye hipau kutsaveni keu shi xathavae.

JEREMIYA 8:19

Inijulo! Aghakhuqha kuchopulo iwu timiqono ishi igha akeu chilu ani, “AMPEU ye Zion lo ngo chemovea kesha? Zion kukauye tilehi kuhavea kesha?” AMPEU, panoqo kukauno khochile, “Kushiye nonguye asu-atu mllakeu lono eno nowu inaghami lhouqo lau itsaiqi mllakeu lono iloghu shikighideve kya?”

AKUMLO 2:14

Nowu tungkupmino akimki tsa likhi thono nongu vilo kiumu pimoke; Pano shekushuno nongu pishiqhive puzu khilemu nongu xine lhephe tsumoke. Panonguno nonguye xaide kepu avehupu shiamo kepi nongu pelo kumsuvepe.

DANIEL 4:7

Tileno auyekujumi, kuduumi, aghahwu kusami eno ayepu kighithimi sasu ighi, tileno ino isamo panongu vilo pikemu akiqi ivilo pilunikemi kuhave.

ZEKHARIA 10:2

Timino ajulho kimihi ngo asakiqhimi sasu kuptsa cheni ikemu panonguno khokichile ithulukeuye akimki eno avehu kuhamitheke. Khamino asamo kiqi pitsu cheni ikemu nosabidekeu likhi; panonguno lokughunopu nongu tsukeuye adouke. Ike timiye bheri puhavekeu toi itsu itsuwuve cheni. Panonguye sakiphemi kuhake ghenguno akupunalo ilove cheni.

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

ZAKINIU 18:10

Nongu tianuli pesu akiptia lono piti agha shikevilo; nowu timiqo pelo hipaqo pepimhe pekevilo—saqhisali shikeu, muthu wukeu, zuluve kepu gha