JEREMIYA 26:4 - BAIBEL (BSI)

⁴ AMPEU no ivilo timiqo vilo pilo pike, “Ni, AMPEU no piveake nonguye ikukutsu tsa no tsukeu papeno aghokulu shimasake,

Sumi Naga CL (Re-edited) Bible (BSI)

⁴ Panongu vilo pilo, ‘Ampeu no ishi piani: Nongu no I tsa inimo, I no nongu zülo ayezah qhitsü keu papemo aye,

JEREMIYA 26:4 ပူးပေါင်းရင်းမြစ်များ

KUKAMI ATUGHIU 9:6

Ikemu tsala nomu, olagha lono ighikemi mu ipapemove, tsala nono ayezahqo eno ino ahza otsukeqo hebideveno alhou kutau mllauve aye,

ISAIAH 1:20

Ikemu ihebide napiaye nonguye ghuyi lono thiniputsa. Ni AMPEU kichi lono piqhi ani.”

JEREMIYA 17:27

Ikemu panonguye ighokulu shi masake eno Sabat ye akimthe tsala lakhi shi ikhilu masake. Tipa tsalaniye panonguye kiu khomu xapusu Jerusalem kikhaqo vechesu wumoni, kughengu panonguno tishiaye, ino Jerusalem kikhaqolo ami suvetsu nani. Amino Jerusalem lo akighikiqo pitileqhive nani eno khunomu tipau ghapinhemla nanike.”

JEREMIYA 22:5

Ikemu nonguno ino ahza tsukeu pelumo aye ino nongu vilo ashoqhi shive anike akighiki hipauye ixapiniyive nani. Ni, AMPEU no piqhive anike.

JEREMIYA 32:23

Ikemu kughou panonguno ayeghi hipaulo iloghi eno hipau amheghi shiluve keno, panonguye nono ahza tsukeu gholumove momu nono shikakeu kiqi lono xumove; nono panoqo pelo shipeniye ahza tsukeu panonguno kiumu shitsumoveke. Ikehu nono kutsakungokeu hipaqo kumtsu panoqo shou sughike.”

JEREMIYA 44:10

Ikemu ishi kutolo nonguye nolikhi nokuchuni moke. Nonguye igihumoke momu nongu eno nopuasuqo lau ayezah kumtsu tsukeu kiqi lono xuchemoke.

JEREMIYA 44:23

Ishi kutolo kutsakungo keu hipau nongu shou ighi ani kughengu nonguno kutau lhouqo lau akumllagho tsuke eno AMPEU shou axine shi anike tiye pano ahza tsukeu kumtsu papemokeu lonoke.”

JEREMIYA 7:14

Tighenguno Shilo shou kiu shikeno nonguno pukhu achekeu ichineki hipau shou ghi ino shitsu nanike. Ino nongu puasu ngo nongu tsukeu-a hipau lono ino Shilo shou shike paphi lono ino tipau shinanike.

ZAKINIU 11:32

ishi tsalalo ino ayezah nongu tsu akeu kumtsu pelunike kutokupui shilulo.”

ZAKINIU 31:20

Ino pano puasu lau tushoqhive ketoi panoqo sasu kinikulu eno aghuma yeghi hipaulo ilo nani. Tilehi panonguno lunishi ke thaqhu achuqupu alu nani eno panonguye alokughuno shi xulu nani.Ikemu panonguye tsughu idesu kutau lhouqo mllauve nani. Panonguye imilive nani eno iwu puloshoqhi kuboleve nani,

ZAKINIU 4:44

Muse no Alhou yezah ngo akukutsu pesu Israilmi lau tsuke.

ZAKINIU 4:8

Ashiayeh kutamino kishi kishi kije shi aghi pinamu ishi tsalalo ino nongu shikapiyeve ketoi keu achipiu yehza kuhae.

IBRIMI 6:18

Tishiaye thime hikumaye kilivemlake eno hipaulo Alhou ye khilemu akimiki shiaghivemla nanike. Ikehu ningu khunoqono susholu peniye poluve akeno ninguye nizulo lajupu qhitsu keu mutotoi tsuqulu peniye shishe shikumtovae.