JEREMIYA 26:3 - BAIBEL (BSI)

³ Ishiake timiqoye initsu luvike eno pano laghi lhoksa pheve luvike. Tishiaye ino panoqo shou pano kumla lhoksa ghenguno kutsalekeu sughiniye kughuchhope ino kumsu pu akeu kilive luvike.”

Sumi Naga CL (Re-edited) Bible (BSI)

³ Ishiake panongu no ini luvi, eno lakhikhi no pano laghi lono xaide ighi luvie, eno pano kümla lhoksa ghenguno I no ahaküsapu kughu akeu süchile luvike.

JEREMIYA 26:3 ပူးပေါင်းရင်းမြစ်များ

KUKAMI ATUGHIU 21:27

Kughou Elija no pa tsa pitavekeno, tipau mtsa lono Ahab ye pa phikuzu suxulave eno ikiqiveno yeqhiyephi uluve. Paye kumu chu shomove eno yeqhiyephi ususu zuve eno ighono pa mlo saqhiyi agi zumoi wove.

KUKAMI ATUGHIU 21:29

“Ahab no kiutoi izulo mutsha ivunhei piyekeno ithulu anima? Pano tishi ilau shipiye ke ghenguno pano xuake loye pa lau ghichhe ghime puwutsumo nani ikemu Ahab laghaqo lau puwu nani.”

JEREMIYA 26:13

Nonguye nonguno xu chekeu laghi eno mla itha chekeqo kililuve masake eno AMPEU nongu Lhou ghokulu shimasake. Nonguno tishi aye pano nongu shou kutsale nikeu pipuakeu pa kukumsu kilive nani.

JEREMIYA 26:19

Akukau Hezekiya ngo Juda lo akemiqoye Mika pithiveke kumoe. Tishinike zuqhulo, Hezekiya no AMPEU sumsave eno pa pulou shilu nike pukaputsake. AMPEU no panoqo shou kutsakungo keu sughi nikeu shi pipuakeu lono pa kukumsu kilive. Itehi ghi ninguno ni likhi nishou akumsapu kutsakungo keu sughiniye anie.

JEREMIYA 36:3

Ishiake, kughono Juda lo akemiqono ino panoqo shou kutsalekeu kumtsu sughiniye kutope akeu chilunikeno panonguye panoqo laghi lhoksa qhiveno ideighive luvike. Tileno ino panoqo lhoksakugha eno panoqo xine pevetsu nanike.”

JEREMIYA 36:7

Ishiake panonguno AMPEU lau inikhu puzu panoqo laghi lhoksa lono ideighi luvike, kughengu AMPEU no pa loghu kighide eno pa xukighide pesu timi hipaqo shikichiveake.”

EZEKEL 12:3

“Tighenguno thinikuau timio, kupokichemi lakhino shichekeu toi akho lakhi khakumqolo eno tsuzu mphi lono chevelo. Panongu kumtsu pelo nono chevekeu eno a-a kutau wuvekeu ithulu pelo. Ishiake hu hekibidemi ghi tileno ovethalu nani keniake.

EZEKEL 18:21

“Alhoksami lakhino axine shimove puzu iyezahqo peluaye, kiuno achipiu eno akivi keno tipau pano shiaye paye thimo nani mutsuqheino paye xulu nani.

HOSIYA 11:9

Niye ixu kighide lono oghimeqhive mo nani niye itaghi Israil kutsakithemoe. Kughengu niye Alhou kethono timi kumoe. Ni, Akimtheuye osasu ani. Niye axu kighide lono olau ighimo nani.

JOYIL 2:14

Khuno ithiani kya? noLhou AMPEU ye pa kukumsu kilive nanimu mthake, eno nibonileshi axa jeli nongu kumghape qhitsu luvike. Tileno nonguno athi eno atsayiji pe pa mllalu nanike.

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.