JEREMIYA 25:9 - BAIBEL (BSI)

⁹ ‘Niye timiqo ghenguno ashiayeh ahuu akeqo kupuwuni cheni eno Babilon lo akukau iqeu Nebukadnezar kupuwuni cheni. Ino panoqo pelo Juda ngo tile akemiqo eno tipau cheaxulo ashiayeh akeqo sasu aghushi penike ino panoqo sasu ighini cheni. Niye ashiayeh hipau eno hipau cheaxulo akemiqo kutsanike ighini cheni eno panoqoye alhokupujulo hexapinyi qhive nani, akumsapu eno jukichi kepu shipe nani. Ni, AMPEU no piqhive anike.

Sumi Naga CL (Re-edited) Bible (BSI)

⁹ julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 25:9 ပူးပေါင်းရင်းမြစ်များ

KUKAMI AKINIU 24:2

AMPEU no pa qeu tungkupu vechewo pano shi nani piketoi kuchono AMPEU no Babilon ghushimi, Siriyami, Muabmi eno Amunmi hipaqo ighino Jehoiakim sasu aghushithu eno Juda yeghi shipsa thuve.

YEKIKITHI AKINIU 29:8

Hi ghenguno AMPEU ye Juda ngo Jerusalem lau aloghu ideve ke eno pano tipanoqo lau kiu shive keno tipauno timi kumtsu shithughuive ke. Nonguno hipau tsaqui ithi anike.

YEKIKITHI AKINIU 36:21

Tighenguno AMPEU no tungkupu Jeremiya vechewo kiu pipuakeno tipau ye shikupuve: “Ayeghi ye ampe lhotsuni kughukughaleive nani, tiye Sabat kulhokiqhi ikhilu mono achekeu shilu peniyeke.”

AHOLE 21:1

AMPEU no mlalei aghoki qowukeula wulupe ketoi akukau kukumsu ghi ghakutsupe ani.

ISAIAH 10:5

AMPEU no ishi pi, “O Asiriya! Ino opeitha puzu khunoqo shou iloghu ide anikeno tipaqo ghimeqhini.

ISAIAH 13:3

AMPEU ampino pawu aqhekuza eno alikhi apukhu chekemi ghushimi kusasu akimthe ghushi shipuzu pamlo shikighide kemiqo ghimeqhini.

ISAIAH 39:7

Olagha alimi kuchou khamiye tilau sawuve nani eno panoqoye pichih vetsu puzu Babilon kukau kilo aqemi shivepe nani.”

ISAIAH 44:28

Ino Cyrus vilo pike, ‘Nono ighenguno ayehkipeu shini; Opelo ino kiu shipenishi keno nono shi nani. Jerusalem shikithe nikeu nono ahza tsu nani eno Achineki boqha qha wonikeu nono ahza tsu nanike.’ ”

JEREMIYA 1:14

Tileno AMPEU no ivilo ishi pi, “Ahuu kudauno kutsakungo keu hipa yeghilo akemi kumtsu shou muqhole ikughi nani,

JEREMIYA 1:15

kughengu ahuu ashiayeh akemi kumtsu ighipe nike ino ku anike. Tipaqo shou ka akemi qono Jerusalem khaghoqo ngo tipau puwu puakeu homxa pesu akuka lakhu qhiwo nani, eno Juda lo aphughi kutau akeqo loghi qhiwo nani.

JEREMIYA 10:22

Inilo! Asutsa ighivae! Ahuu akeu shiayeh lakhilo muqhu- akeu kije ipeghi ani; tipaulo ghushimi lojino Juda lo aphughiqo asayeqha kughulhovetsu nani, eno sherno ngokeu-a shivetsu nani.”

JEREMIYA 12:14

AMPEU no pi, “Niye Israil cheaxumi khunoqono ino iwu timi Israilmi tsukeu yeghi shipusave keno tipaqo shou kiuala pikepu ani. Timi lhoksa kughami hupaqoye ino pano ghakhu lono ikhisawuve nani asubo akuhu lono nhuve keshi nani, panoqo launo ino Juda hakholuve nani.

JEREMIYA 18:16

Panonguno hipau yeghi pesu jukichi kepu eno pulhapujulo jukimthipu shive tsuake. Tipau veche wuchekemi kumtsuno jukichipe kutuxoxoke. Panonguno akumzaqhiyi kelauno akutsu kunguke.

JEREMIYA 2:15

Panonguno abongushu toi pa shou ighapuku, panonguno pa yeghi pesu asayeqha shivetsu, pa phughiqoye ixapiniyi ani eno qhoyi qhivae.

JEREMIYA 20:4

AMPEU ampino piveake, ‘Ino okughapesu olikhi oshikumsa eno oshompami shikumsa kepu shitsu nani, panoqo kumtsu aghumi zutano ghiqhivekeu nono ithulu nani. Ino Juda lo akemiqo kumtsu Babilon kukau kuka qholo qhi nani; khamiye pano akughumi shipe nike sawuve nani eno kutami qoye pithive nani.

JEREMIYA 24:9

Ino kutsakungo keu lakhi pakutakeu panoqo shou sughikeulo ayeghiqhalo ashiayeh kutami kumtsuno thughuive nani. Timiqono panoqo thaigha nani eno panoqo pesu azukutunupu lakhi shinani, panoqo thakepu shi nani, eno ino panoqo halepuwu vekeqha kumtsulo panoqo je pesu musuinikeu lakhi shi peitha nani.

JEREMIYA 25:8

“Nonguno pa tsa initsumoke ghenguno Akughushu MPEU no piani,

JEREMIYA 29:18

Ino aghukishi, akhuava eno kusukini pesu panoqo hakuqoni cheni, ayeghiqhalo ashiayeh akeqo kumtsuno tipau ithulukelo kichimamave nani. Khipaqhalo ino panoqo halepuwuni keno, panoqo shou kiu shivekeno tipaulo timiqono jukichive eno musave nani. Timino panoqo thaigha nani eno panongu je pesu musuini keu lakhi shi peitha nani.

JEREMIYA 35:11

Ikemu kughou Akukau Nebukadnezar no aghakhuqha haleghi keno ninguye Babilon ghushimi ngo Siriya ghushimi launo wuveniaye Jerusalem lo ighinikeu shi kuptsaveke. Highenguno ninguye Jerusalem lo achenike.”

JEREMIYA 36:2

“Likuzu kaku lakhi lupuzu tipaulo Israil ngo Juda eno ashiayehqo kumtsu ghili ino ovilo pivekeu yesulo. Josiya no akukau shiake ghulokilo ino atughushi oputsakeu lono ishi kutolo ino ovilo pivekeu thwokha kumtsu yesulo.

JEREMIYA 36:29

AMPEU no ivilo akukau vilo ishi pilo pike, “Nono likuzu kaku pitivetsuke eno nono Jeremiya vilo kushiye Babilon kukau no ighi puzu ayeghi hipau kutsa leve nicheni eno tipaulo timiqo ngo lhoxuqo pithikhaveni cheni ke ipi yesu kelapi inijuke.

JEREMIYA 4:7

Abongushuno pa kughutshua lono cheke toi, ashiayeh kukutsau lakhi chevae. Paye Juda kutsanike cheni. Juda lo aphughiqoye ixapiniyi qhive nani eno tipaqolo khumu kughuna move nani.

JEREMIYA 40:2

Ahza kutsuu akijeuno ilikhi isawu puzu ivilo pi, “AMPEU oLhou no ayeghi hipauye kutsa kungoveni keu shi shikichi cheke

JEREMIYA 43:10

Tipathiu panoqo vilo pilo, ni, Aqokitikhi MPEU, Israil Lhou no iqeu Babilon kukau Nebukadnezar hipa-alo saghi nani pilo, eno pano atuqu hipaqo nono qhapuakeuqo shou pa kuka lakhu qhi nani eno akukau phiki atuquqo shou xakho nani.

JEREMIYA 46:20

Ijip ye jukighilepu mishiqu toike, ahuu kudauno quqhikeu khi lakhino leighike.

JEREMIYA 49:19

Abongushu lakhino Jordan vekudalo aghasa lono achu kumzapu atsuni akeu yeghilo ipeghikeu toi ino ighi nani eno Edommi pelo zuleno pano yeghi lono kohapovepe nani. Tipathiuno ino kishelukeu sakipheu pelo tipa shiayeh shou ayehpe pe nani. Isasu kimighilu kepu khuu ani kya? Khuno ighumono ikhu lunani kya? Ayehkipemi kiutoi keuno imujolu nani kya?

JEREMIYA 6:1

Benjamin lo akemiqo, xulukepu shi polulo! Jerusalem launo polulo! Tekoa lo afuko kuyighalo eno Bet Hakherem lo amichipushi ami shilo. Kutsakungokeu eno hepho pinyikeuye ahuuno ighiniye kuto ani.

JEREMIYA 8:16

Ni ghumiye Dan phughilo iloghivae; panoqo wu khurshi no khur khur shi igha keu ninguno chilu ani. Kughou panoqo-u khurshi ighi keno aluzaqha kumtsuno itha ani. Nighumino niyeghi eno tile aghikeu kumtsu eno niphughi ngo tile timi akeqo kumtsu kutsave nike ighi ani.”

EZEKEL 12:20

Itehi aphughi khipaqolo timi chhitoi ani keno kutsaleve nani eno aluzaqhaye aghasa shive nanike. Tithiuno niye AMPEU kepi panonguno ithi nani.”

EZEKEL 16:40

“Panonguno timi aqo kije xukutho puzu atu pesu ove nani eno panonguno azutakihi pesu oghitha pinyive nani.

EZEKEL 21:11

Azutakihi peithanike kutope qhicheni, ilompui qhichenike. Tipau tsughaminhe eno ilompui shikeuye ghikiqhimi ulono pepeniyeke.

EZEKEL 26:7

Akughushu MPEU no pi, “Ino kukami kumtsu nguno akijeu saighini cheni, tiye Babilon lo Akukau Nebukadnezar pelo Tur lepenike saighi nani. Pano ahuuno aghushimi kutsasa khurshi ngo aghushipu khurkulu eno khurshi lo ikukeu ghushimi sasu ighi nani.

EZEKEL 36:5

“Ni, Akughushu MPEU no iloghu kighide lono acheaxulo ashiayehqo shou piani eno akhotoshi Edom shou piani. Alovi ilhe eno phimo gihumo puzu panonguno iyeghi khathaluve eno tipaulo aluza pighi auveke.

DANIEL 5:18

Akughushu Lhou no opu Nebukadnezar kughape akukau shitsuke eno angu agha akiqheu tsuke.

HABAKUK 1:12

O AMPEU, noye abothu lono Alhou ke. Noye iLhou, akimthe eno lhoktake. AMPEU, iLhou eno sushokuluu, nono Babilonmi kishelu eno panoqo mutotoi shitsu, tishi anguno panoqo pelo nighimeqhi peniyeke.

HABAKUK 1:17

Panonguye alhokupujulo pano zutakihi peitha anani eno kupukeu kuhano ashiayehqo kutsaleqhi acheuve nani kesha?

ZAKINIU 28:37

Aghakhu khipaqolo AMPEU no nongu kuthole puwuni keno, timiqoye nongu shou kiu shivea keno jupesu apuchopungove nani; panonguno nongu junu eno nongu thaigha nani.