JEREMIYA 25:30 - BAIBEL (BSI)

³⁰ “No Jeremiya ye ino pivekeu kumtsu pesu asheshu masa. Noye timi hipaqo vilo ishi pilo, ‘AMPEU no kungugha kudauno ighamuku ani eno kungugha kuchuqu lono tsutsu su nani. Pano pawu timiqo shou ighapuku nani; paye timi lakhi atsayithi qole akelo toi ighamuku nani. Ayeghi shou akemi kumtsu tipau chilu nani.

Sumi Naga CL (Re-edited) Bible (BSI)

³⁰ “Tighenguno no ye atsa hipaqo pesü panongu lau tungkuptsa pi masae, panongu vilo pilo: “‘Ampeu no ato lono igha nani, Pa kimthe-a lono mqhu ani; Pa no Pa lojimi shou mghachhoi mqhu nani, eno atsaizü kütsüghümi no ighamku ake toi, ayeghi lo xüküami shou mqhu nani.

JEREMIYA 25:30 ပူးပေါင်းရင်းမြစ်များ

SAMUEL AKINIU 15:25

Tishive kethiu akukauno Zadok vilo pi, “Puloshoqhi Bohu pechile pesu aphughilo suwuvelo. Tsala AMPEU no ipulo aghiaye ghulo lakhi loye ipelo ide ighino Puloshoqhi Bohu ngo tipau qhikeu ithulu peni aphie.

KUKAMI ATUGHIU 9:3

AMPEU no pa vilo pi, “Ino okighini chiluvae. Nono alhokuthu imllapeniye akumllaki shitsukeu-a ino shikimthe tsu ani. Ino ado kumtsu lo ti khe eno sushotsu anani.

YEKIKITHI AKINIU 30:27

Achinemi ngo Levimino timiqo shou AMPEU wu kukumgha khubetsu. Kungugha lo pa kungoa lono Alhou no panoqo kighini chilutsu eno tipaqo ikhilu tsu.

LESHELE 11:4

AMPEU ye pa chineki kimthelo ani pa kuka lakhuye kungughalo ani. Paye timi nuliqo jukuto acheni eno panonguno kiu shikeno ithi acheni.

LESHELE 132:14

“Hiye alhokupujulo ino ngochekeu-a ke; ino hilehi ngono ayehpeni shicheni.

LESHELE 46:6

Ashiayeh kutamiye thughuive, ayehkipe qhaqoye sukinileqhi; Alhou no pa sutsa ighakelo ayeghiye mukhumuno shivae.

LESHELE 58:5

ikehu apighi musu chekemi ghugha chilu chemo, momu kuduu shichekemino muzukeu chimlake.

LESHELE 78:65

Ashekhalo, AMPEU no zu apuzu ithughi keshi ilhethughi; Paye timi kumtomi lakhi aji shopuxu pe akeshive.

ISAIAH 16:9

Itehi niye Jazer ghenguno qamlo keu toi Sibma tsayibo ghenguno qamlo anike. Niye Heshbon ngo Eleale ghenguno inhezu piji ani kughengu axathi xopuwo timi lopivi kepu kuhave ake.

ISAIAH 33:3

Kughou nono nighenguno aghu shinikeno, ashiayeh qo ye aghushi akeu sutsa chilu kelo pokhave nani.

ISAIAH 42:13

AMPEU no aghutomi lakhi toi aghu shinike wuke; paye aghushi nike kutokupui eno khekulhoshi ani. Pano aghule kuke, aghushi ghugha ighake; pa ghumi shou pa kuka kumto pepheke.

JEREMIYA 17:12

Nichinekiye ajekipi kuka lakhu lakhi, abothu lono naghuto kuchuqulo ghopesu akeu toike.

JEREMIYA 25:38

AMPEU ye abongushuno pa tukiqhiveke toi pawu timiqo qhivae. Aghukishilo kumsa kimshipu ngo AMPEU loghu kighideno ayeghi pesu asayeqha kughulhovetsu ake.

JEREMIYA 48:33

Muab yeghi ghuma kivi lono alokughuno ngo alokivi ikhipewuve ake. Atsayithi kutsughu-a lono atsayiji ino qowu pemovae; tilehi atsayiji mlaphe puzu alokivi shi ighanikemi lakhimu kuhavae.

HOSIYA 11:10

“Kughou ino abongushu lakhi toi iwu timiqo ghumi lau ighani keno panonguno ipape nani. Panonguno kulolauno keyi ilau ighi nani.

HOSIYA 5:14

Ino abongushu lakhi toi Israil lo eno Juda lo akemiqo hakuqoqhi nani. Ni ampino panoqo aleqhi shi sutha pinyiveno panoqo qhive nani. Kughou ino panoqo sunhe susu wuve nikeno khunomu pano xamla nani.

JOYIL 3:16

Zion Toghi lono AMPEU no igha; Jerusalem lono pa sutsa tsutsukusu toi pike; ayeghi ngo atsutsuno khokhoshike. Ikemu pano pawu timiqo susholu nani.

AMUS 1:2

Amus no pi, “AMPEU no Zion lono igha, Jerusalem lo pa sutsano tsutsu kusu toike. Bherikhemino achukumza chekeu ighuyive, Karmel Toghilo Atsunino hughaive.”

AMUS 3:8

Kughou abongushuno ighani keno khuno musamove kulupu kya? Kughou AMPEU Alhou no pikeno khuno pa tsape asheshumove kulupu kya?

ZEKHARIA 2:13

Timi kumtsu AMPEU zulo inaqhoivelo, kughengu paye pa kimthe kungo-a lono chenike.

ZAKINIU 26:15

Kungughalo okimthe-a lono jupiqi tsulo eno owu timi Israilmi kumghatsulo; nono nipuassu lau tushoqhiveke toi kinikulu eno aghuma yeghi ningu tsuve keu shou ghi kumghatsulo.’

Piyeküsü 19:15

Azutakihi lakhi pa kichi lono ipeghi eno pano tipau pesu ashiayehqo shou tolu nani. Pano ayikusu pepuzu panoqo shou ayehpe nani eno Alhou Akumtou wu aloghu tsughuphe chekeu tughuko lono aji taphe nani.