JEREMIYA 25:15 - BAIBEL (BSI)

¹⁵ AMPEU, Israil Lhou no ivilo pike, “Hilau aji jukhu lakhi iloghu kighideno chhitoi ani. Khuno shiayeh lau ino opuwuni keno tipaqo kumtsu lau hipau pewulo, panoqo pelo tipaulo akeu shopelo.

Sumi Naga CL (Re-edited) Bible (BSI)

¹⁵ Ampeu, Israel Lhou no ishi I vilo pi: “I u lono aloghu tsaiji jukhu hi ikhilulo, eno I no khuno shiye lau o puwu ani keno kümtsü no sho pelo.

JEREMIYA 25:15 ပူးပေါင်းရင်းမြစ်များ

LESHELE 75:8

AMPEU no pa ulo ajukhu tsuqupe ani, tipaulo pa loghu kighide chhitoi supe puani. Pano tipau lephe kelo kixikilami kumtsuno yeke; panonguye tipau kighiji ashekhau kutolo yenanike.

ISAIAH 51:17

Jerusalem; ida thughivelo! Olikhi okudaputhulo eno ithughi velo! AMPEU no pa loghu lono nongu pelo shopenike aghime jukhu tsukeu nonguye shomzuvae; Nonguno tipau yekhave eno tipau no opelo izuvulaive peke.

Piyeküsü 14:10

timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.

JOB 21:20

Pano nhethi pelo pano shikighime keu ithulupelo, pano pelo Tucho mujokutsu Lhou loghu muxoju pelo.

ISAIAH 51:22

AMPEU oLhou no osuhope ani eno piani, “Ino iloghu lono nongu tsukeu jukhu niye ikhiluve ani. Nongu pelo hevulalaive pekeu itaghi nonguye itsayiji shokithepemo nanike.

Piyeküsü 14:19

Ike kungumi huno ayeghi shou pawu hashiwo chhopuwu puzu atsaibo lono atsayithi gholuve eno Alhou loghu kije atsayi tsughuchekeu tughukolo tipaqo vesuve.

JEREMIYA 51:7

Babilon ye i-ulo shunano shikeu jukhu lakhi toi ayeghiqha shokumzu anike. Ashiayeh jeliqono tipaulo aji akeu shove eno panoqo kukumsu ye chevae.

LESHELE 11:6

Kixikilami shou pano amiyi kuiqu ngo amichu ghuqhi puku cheni; Pitipuzakeu mulhu pesu panoqo saje shitsu cheni.

LESHELE 60:3

Nono owu timiqo pelo shishe aghime sholupeke; ninguye shomzupu ake shi izuvulayive.

ISAIAH 51:23

Nongu qodaneda chekemiqo eno nongu pelo alaghilalo ihozu vepe kemiqo, eno nonguye ayeghi mukhu toi nongu qoqhi che kemiqo ino tipau ji piye nanike.”

JEREMIYA 1:5

“Apolo azu ghomphi lono ino noithi ake, opunu mphi lono opelo ashiayehqo lau tungkupu shipe nike ino okutashi kisheluke.”

JEREMIYA 43:11

Nebukadnezar ighi no Ijip leluve nani. Timi khunoqomi kusukini lono ahakusapushi thipe nikeu shi ani keno kusukini lono thi nani, khunoqomi ahakusapu shi akughu shipenikeu shiani keno akughumi shi sawuve nani eno khunoqomi aghukishi lono ahakusapushi thipenikeu shi ani keno aghukishi lono thi nani.

JEREMIYA 46:1

Ashiayeh kutamiye kishive nani keno AMPEU tsa ilau ighike.

JEREMIYA 48:26

AMPEU no pike, “Muab shokumzulo kughengu tipauno ihebideke. Muab ye pa likhi pano mughulekeulo ihi nani eno timino junu nani.

JEREMIYA 49:12

“Timi khunoqo aghime jukhu shokuzupu shi aghimo namu tipau shokepu shive aye nonguye ghimeqhimono puwuve nani kepi kumsu ani kesha? Moe, nonguye tipau jukhu sho mayesa nani!

EZEKEL 23:32

Akughushu MPEU no piani, “Noye ofo jukhu lono pesu sho nani, tiye kije eno thonhei. Kumtsu ghano ojumithi eno othaigha nani; ajukhuye chhitoike.

EZEKEL 23:33

Tipauno opelo amloksa eno shomzuvepe nani, ti akumsa eno shipusakeu jukhu, ofo Samaria jukhuke.

EZEKEL 29:12

Ino Ijip pesu ayeghiqhalo kumtsu nguno kughukughalei keu ghakhu shitsu nani. Ampe lhobidi ghenguno Ijip phughiqoye ixapiniyi anani, aphughi kutau ixapinyi akeu nguno alhoksau shi nani. Ino Ijipmi kughapesu kupokichemi shitsu nani. Panonguno aghakhu kumtsu pove nani eno timi kutami gholo xucheuve nani.”

EZEKEL 36:5

“Ni, Akughushu MPEU no iloghu kighide lono acheaxulo ashiayehqo shou piani eno akhotoshi Edom shou piani. Alovi ilhe eno phimo gihumo puzu panonguno iyeghi khathaluve eno tipaulo aluza pighi auveke.

Obadiah 1:16

Ikimthe toghilo iwu timiqoye aghime kukhu kimji ajukhu lakhi shopuani. Ikemu sukumxalo ashiayeh akeqo kumtsuno tinguno alau aghime kukhu kimji ajukhu lakhi sho- nani; panongu kumtsu tipau shokhave nani, panonguye hauve nani.”

HABAKUK 2:16

Oshelo noghi agigihupu zuqhulo akukujono onhapu nani. Olikhi noghi shopusu kulokuloyive nani. AMPEU no opelo aghime jukhu shope nani eno ogihu chekeu huye akukujopushi kughulhove tsu nani.

LESHELE 75:9

Ikemu niye Jakob Lhou ghili pimo keu shimoe, momu pa sheqhe shipilikeu tavemoke.

ISAIAH 14:26

Hipauno ayeghiqha ghenguno ino kughupe akeu eno ashiayeh ghimeqhi nike i-u chhope ani.”

ISAIAH 34:2

AMPEU ye ashiayehqo kumtsu eno panoqo wu aghushi chekemiqo lau aloghuide ani. Tipaqo kumtsu kutsave penikeu shi pano kideqhivae.

JEREMIYA 36:2

“Likuzu kaku lakhi lupuzu tipaulo Israil ngo Juda eno ashiayehqo kumtsu ghili ino ovilo pivekeu yesulo. Josiya no akukau shiake ghulokilo ino atughushi oputsakeu lono ishi kutolo ino ovilo pivekeu thwokha kumtsu yesulo.

JEREMIYA 45:5

Noye kutau peitha penikeu phu cheni kesha? Tishi kevilo. Niye timi kumtsu shou kutsakungo keu sughini cheni ikemu noye nono khile khile wuni keno akuxu likhimu puxulu ananike. Ni, AMPEU no piveake.”