JEREMIYA 25:11 - BAIBEL (BSI)

¹¹ Hipau yeghiqha kumtsu ixapiniyi qhive nani eno jukichi kepu shive nani, acheaxulo akeu shiayehqoye ampe lhotsuni ghenguno Babilon kukau qe nani.

Sumi Naga CL (Re-edited) Bible (BSI)

¹¹ Ayeghi qhoi kütsape kümsa shive tsüni, shiye hipaqo ye ampe lhotsüni Babylon kükau huthu nani.

JEREMIYA 25:11 ပူးပေါင်းရင်းမြစ်များ

YEKIKITHI AKINIU 36:20

Timi xu aghikemi kumtsu pano Babilon lo sawuve, tilau panonguye pa eno pa polo kughukomi qemi shi qeche, tiye Persia Kuka ipeghimoke kutolo tishi ake.

ISAIAH 5:6

Tipaulo alupino ghonhaluve peni. Niye atsayibo kixiphemoveni momu ayeghi holemoveni; tishinike zuqhulo aghusahu ngo asahubo pelo tipau nhaluvepeni. Ino khungkusu pelo tipaulo tsutsughu ghuqhi pemonike lakhaveni.”

JEREMIYA 25:12

Tipathiuno Babilon ngo tipau kukau ngo ishi panoqo xine ghenguno ino aghime tsu nani. Ino tipau ghakhuqha kutsapiniyive tsu nani eno tiye alhokupujulo ixapiniyi qhivetsu nani.

JEREMIYA 25:38

AMPEU ye abongushuno pa tukiqhiveke toi pawu timiqo qhivae. Aghukishilo kumsa kimshipu ngo AMPEU loghu kighideno ayeghi pesu asayeqha kughulhovetsu ake.

JEREMIYA 27:22

Tipaqoye Babilon lo pewuve nani eno ino tipau shou imlo tsuqhiyi kumsulumo ke kutolo tilau ache nani eno hipa alo sughi no qhi nani. Ni, AMPEU no piqhiveake.”

JEREMIYA 27:7

Ashiayeh kumtsuno pa qe nani, eno pa shiayeh ikiqinikeu ghuloki ighimoke kutolo panonguno panu ngo pa tianu qe nani. Tithiuno pa shiayehno ashiayeh kumtomi ngo kukami kijemiqo qewuve nani.

JEREMIYA 28:14

AMPEU Akughushuu, Israil Lhou no pike pano ayi kuokhasu pesu ashiayeh hipaqo kumtsu shou pipe nani eno panonguno Babilon kukau Nebukadnezar qe nani, kughengu ino aluzalo tughashi ghi pa qe penikeu shi pa tsuvae!”

JEREMIYA 29:10

“AMPEU no pianike, ‘Kughono Babilon lo wukeu ampe lhotsuni kupuveni keno ino nongu ghenguno alokumsu anani eno noyeghilo nongu saideghini ke ishoqhi penani.

JEREMIYA 4:26

Aghumaku-a yeghino asayeqha shive; tipaulo aphughiqoye shipusa hauve kughengu AMPEU no aloghu ide kehue.

JEREMIYA 4:27

(AMPEU no pikeuno ayeghiqha kumtsu asa itsumo keu shive nani, ikemu paye tipau qhoi shipusa khavemo nanike.)

JEREMIYA 43:10

Tipathiu panoqo vilo pilo, ni, Aqokitikhi MPEU, Israil Lhou no iqeu Babilon kukau Nebukadnezar hipa-alo saghi nani pilo, eno pano atuqu hipaqo nono qhapuakeuqo shou pa kuka lakhu qhi nani eno akukau phiki atuquqo shou xakho nani.

JEREMIYA 44:22

Ishi tsalalo ghi noyeghiye ixapinyi ani eno khuu nomu tipaulo achemoke. Tiye timino juighukeu-a shi ani eno timino musuini keulo tipau je peitha anike, kughengu AMPEU ye nongu kixikila lhoksa pepimhe ache keu xapuqhe khamlaveke.

EZEKEL 12:19

Ashiayeh kumtsu vilo Akughushu MPEU tsape hipauye Jerusalem lo akemi khunoqono pano yeghilo xuaphi keno tipaqo vilo pilo. Panonguno chuakelo thuthushi itha nani eno panonguno shoakelo khokhoshi itha nanike. Panoqo ghakhuye xalepinyi kumsa shive nanike kughengu tilau xuakemi kumtsuno ayezah hexakemike.

EZEKEL 29:11

Timi lhoxu na kutau lhoxu namu tipau kathasu wumla nani. Ampe lhobidi kutolo kiunomu tile xumla nani.

EZEKEL 6:14

Ino panoqo shou iu chopuwuno panoqo ghakhu kutsave nani. Apeu asayeqha lono ahuu Ribla phughi kutolo, Israilmino khilehi kughuna aghini keno a-a lakhimu ghutsumo no shipsa khavekeu yeghi ino shivetsu nani. Tithiuno kumtsuno niye AMPEU kepi ithi nani.”

DANIEL 9:2

Pa kuka mipe atughiulo ino akimthe kakulo Jerusalem ye ampe lhotsuni ixaveno akeu AMPEU no Jeremiya tungkupu vilo pikeu phukidejua.

ACHINE 26:32

Ino noghakhu qhoi kutsaleve nani ikelo aghumi tipaulo ngonikemiye kutsalevekeu jupesu apuchopungove nani.

MICAH 7:13

Ikemu ayeghiye tilehi xuakemiqono kusakugha shi xukeu ghenguno asayeqha ilhouve nani.

ZEKHARIA 1:12

Tileno kungumino pi, “Aqokitikhi MPEU, noye Jerusalem ngo Juda lo aphughiqo shou aloghu idekeu hi ampe lhotsuni shivae. Noye panoqo lau kimiye qhiyinikeu ado khitotohi luani aphi kya?”

ZEKHARIA 7:5

Pano pi, “Aghakhu hipaulo akemiqo vilo eno achinemiqo vilo pilo ike panonguno hi ampe lhotsuni dolo aqhi apunguu eno aqhi akutsuniu lo kumvu chekeu eno mlo qachekeu huye igihukeu lono kumoe.