JEREMIYA 23:6 - BAIBEL (BSI)

⁶ Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

Sumi Naga CL (Re-edited) Bible (BSI)

⁶ Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

JEREMIYA 23:6 ပူးပေါင်းရင်းမြစ်များ

KUKAMI ATUGHIU 4:25

Pano xuake kutolo Juda eno Israil yeghiqha kumtsulo sushokulu qholo ache eno Dan lono Beersheba kutolo akibo kumtsu no pututa tsayilu eno khughuthibo pighilukha.

LESHELE 45:5

Opijiye tsugha minheike, tipauno oghumi mlo vexutsuke; ashiayeh kutamino opukhu philo itsaqike.

IPEKULU 9:26

Israilmiqono achekeu Goshen qhalo likhino apughu qimoke.

ISAIAH 2:4

Pano ashiayeh dolo kughatha nani, eno timi kutomo ghenguno xatha tsu nani. Panonguno azutakihi hepha pesu akuphu shive nani; eno panongu ngu pesu asubo kikixi zutachi shive nani. Ashiayeh qoye khilemu aghulalo wukithemove nani, khilemu aghukishi ghenguno kutokupui keu shimo nani.

ISAIAH 32:1

Julo, kukami lakhi iqemokeu mikucho pesu ayehpe nani, eno aghakhu sakiphemino kuchou xakutha lono ayehpe nani.

ISAIAH 32:18

Alhou wu timiqoye amlokusa kuhano ililai nani eno panoqo kiboye iquneikeu anani eno hexakeu kuha nani.

ISAIAH 33:22

AMPEU ye nishou kughakuthau, paye niyehkipeu, paye nikukau; pano nixalu nani.

ISAIAH 33:5

AMPEU ye kiutoi kije kya? Pano thwokha shou ayehpe nani. Pano achipiu xakutha ngo amikucho pesu Jerusalem shepichhi nani

ISAIAH 35:9

Tilehi abongushu kuha nani; ayikusa lhoxu lakhimu tipala kathamo nani. AMPEU no khunoqo xapheluvea keno tipala pulasusu akilo izuwu nani.

ISAIAH 42:6

“Ni AMPEU no okuluvae eno akuka otsuvae, ayeghilo kuchou xakutha shikeu jupenike. Ovechewo ino timi jeli kumtsu sasu puloshoqhi lakhi shinike; ovechewo ino ashiayehqo lau akuvu sughi tsu nanike.

ISAIAH 45:17

Ikemu Israil ye AMPEU no xaluke, eno liwu tokuluye alhokupujulo ache nani; liwu timiqoye khilemu kujo mza vepemo nani.’ ”

ISAIAH 54:17

Ikemu kiu ghunanu pinamu nongu ghuzamla nani; nongu ngukukemi kumtsu vilo nonguno ghechile kulupu shi nani. Ino iqemiqo susholuve nani eno tokulupu panoqo tsu nani.” AMPEU no pivae.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

JEREMIYA 29:11

Nongu ghenguno kughu puakeu nongu lau kutsakungo keu kumo puzu kinikulu sughinikeu, nonguno ighini keulo laju achekeu sughi tsunikeu kughu puakeqo ilikhino ithi ani.

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 31:23

Aqokitikhi MPEU, Israil Lhou no piani, “Kughou ino timiqo pano yeghilo sachile saghini keno, panonguno itaghi Juda lo taun akeqo yeghi lo ishi pinani. ‘AMPEU no Jerusalem toghi akimtheu kumghatsu peniu, akimthe-a khilehi pano achekeualo,’ ”

JEREMIYA 32:37

Ino iloghu kighide lono ayeghiqha khilehi panoqo hale puwuve keno tikudauno timiqo hekutsuni cheni eno hipa-alo panoqo sachile saghini cheni eno kiunomu kupuna pemono panoqoye hile kughuna peni cheni.

JEREMIYA 33:15

Tipa ghulokilo David laghami amikucho lakhi akukau shipenike ino kishelu nani. Akukau tipauno aghakhu kumtsulo kiuno achipi eno kuchou keno tipau shi nani.

JEREMIYA 33:16

Juda ngo Jerusalem lo akemiqoye xapheluve nani eno sushokululo xulu nani. Aphughiye ‘AMPEU no Ni Xakulu-u’ ipi ku nani.

EZEKEL 21:27

Ixapinyi! Ixapinyi! Ino aphughi pesu ixapinyivekeu shi nani. Ikemu ino khuu pelo aphughi ghimeqhi penikeu shiani keno tipau ighi mphi loye hipau shimo nani. Pa ighi kethiuno ino tipau shipe nike pa tsu nani.

EZEKEL 28:26

Panonguno kiumu kupunamono xulu nani. Panonguno aki shisu eno atsayilu chisu nani. Pano cheaxulo kuami khunoqono panoqo thaigha chekeno ino tipaqo ghimeqhi nani, Israil ye sukusho qholo anani. Tileno niye panoqo Lhou AMPEU kepi panonguno ithi nani.”

EZEKEL 38:14

Ike Akughushu MPEU no Gog vilo kiu piani keno tipau pipe niye ipuwu no pike: “Kughou iwu timi Israilmi no sushokulu shi xuani keno, noye o-a ahuu alakushuwa lono

EZEKEL 48:35

Aphughi puwupuakeu atupikiye ako bidi kujolo akushu lau khitohi keno pekuqhaju keulo tiye miter 9,000 ke. Hinguno hilau aphughi tipau jeye “AMPEU ye hile ani!”

DANIEL 9:24

“Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

DANIEL 9:7

No, AMPEU ye kiuno achipi keno tipau alhokuthu shicheni, ikemu pulhapuju nino nilikhi nishou akukujopu sughi cheni. Hipau tsaye ningu kumtsu ghenguno achipike, khunoqo Juda lo Jerusalem lono Israilmi nono ayeghiqha kumtsu apanagha hapiyepighi vetsu keno tipau huye panonguno ogho lumo keghenguno ke.

HOSIYA 1:11

Juda lo akemi ngo Israil lo akemiqoye pekuqhave nani. Panonguno kuqhano panoqo wu sakipheu lakhi kisheluve nani eno itaghi panonguye pano yeghilo thuwuve eno alau ikowove nani. Iye, Jezrel tsalaye atsala kije lakhi shi nani!

HOSIYA 1:7

Ikemu Juda lo akemiqo lau ino kikimiye tsu nani. Ni, AMPEU panoqo Lhou no panoqo xalu nani ikemu niye aghukishi momu azutakihi momu asuzu eno apiji momu khurshi eno khurshi shou ikukemi pesu tipau shini chemoe.”

HOSIYA 2:18

Tipa ghulokilo ino tughashi ngo aghau kumtsu sasu puloshoqhi lakhi shi nani, tishianguno panonguno iwu timiqo shipusamo nani. Ino aghakhu lono aghushi nanu, azutakihi asuzu ikhivetsu nani eno iwu timiqo pelo alokughuno eno ighukepu kuhano xulupe nani.

Obadiah 1:17

“Ikemu Zion Toghilo khamiye pokawulu nani eno tiye akimthe-a lakhi shi nani. Jakob wu timiqono pano mheghi ayeghi hu pano wu shiluve nani.

Obadiah 1:21

Jerusalem lo tokulu shi achekemi qono Edom le nani eno tipau shou ayehpe nani. AMPEU no Akukau shiluve nani.”

ZEFANIA 3:13

Israil lo khunoqono puxupe puaghini keno tipaqoye khulaumu akumou shimo nani, mikimo nani, pishiqhi keu tsa pimo nani. Panonguye kinikulu shi nani eno sushokulu anani, khuumu musakepu kuha nani.”

ZEKHARIA 10:6

“Ino Juda lo achekemi shikumto nani; ino Israil lo achekemi hakholuve nani. Ino panoqo shou imlo ighiqhiyikeu anani eno panoqo kumtsu pano ghakhulo sachile saghi nani. Panonguye ino khilemu panoqo pevemoke toive nani. Ino panoqo Lhou AMPEU ke; ino panoqo kighini khochile tsu nani.

ZEKHARIA 3:10

Kughou tipa tsala ighini keno, notsayili ngo khughuthibono nongu suhope puzu nongu milakhi khino pa kusami vilo alokughuno eno sushokulu lokivi shilopi ku-kusu shi nani.”

Rommi 3:22

pulukemi kumtsu ghenguno Jisu Khristo lau akupulu akeu vechewo Alhou no timi pelo pa lau achipikalupe keuke. Kughengu kiumu kutuqukeu kuhae:

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

FILIPIAMI 3:9

eno pa gholo kuqhaluve niyeke. Ayezah papelukeu lono ilikhi iwu shilukeu mikucho pumono Khristo shou akupulu bekeu vechewo amikucho shilukeu anike, tiye Alhou launo ighikeu mikucho akupulu shou bepe akeuke.