JEREMIYA 23:5 - BAIBEL (BSI)

⁵ AMPEU no pi, “Akukau shipe nike David tikughuko lomi amikuchomi lakhi ino kishelu nikeu ghuloki wocheni. Akukau tipauye alokutsushi eno kiuno achipiu akuzupu keno tipau aghakhu qhachho ayehpe nani.

Sumi Naga CL (Re-edited) Bible (BSI)

⁵ “Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

JEREMIYA 23:5 ပူးပေါင်းရင်းမြစ်များ

SAMUEL AKINIU 23:3

Israil Lhou no pivae; Israilmi sukushouno ivilo pi: “Akukau achipishi ayeh pechekeu, Alhou sumsa ghi pa zulo ayehpe chekeu,

LESHELE 45:4

Kuchou eno achipiu susholu nike ghenguno akiqhe akighicheu lono tokuluulo ikulo! Okumtono opelo tokulu kije shilupelo!

LESHELE 80:15

Ighino nono atsaibo shosukeu xalulo, atsai khuni nono thuwupe no mutotoive keu hu!

LESHELE 99:4

Akughushu kukau, khuuno achipi keno nono tipau kimiyeke; nono Israil lo achipiu xakutha qhi tsuke; nono amikucho eno aghibiu sughike.

ISAIAH 33:5

AMPEU ye kiutoi kije kya? Pano thwokha shou ayehpe nani. Pano achipiu xakutha ngo amikucho pesu Jerusalem shepichhi nani

ISAIAH 4:2

Ado ghuloki cheni, AMPEU no ayeghilo atsuni ngo asubo kumtsu jukighilepushi kije kushuwo shi thuwulupe nani. Israilmi achilishi aghikemi pelo ayeghi lono axabo ipeghikeulo akijivilo eno azukuvupu shilupe nani.

ISAIAH 42:6

“Ni AMPEU no okuluvae eno akuka otsuvae, ayeghilo kuchou xakutha shikeu jupenike. Ovechewo ino timi jeli kumtsu sasu puloshoqhi lakhi shinike; ovechewo ino ashiayehqo lau akuvu sughi tsu nanike.

ISAIAH 45:24

“Panonguno pinanike ilau likhino tokulu ngo akumto phulu cheni; ikemu imthi chekemi kumtsu kujo mza keu sholu nani.

ISAIAH 52:13

“Iqeuye pa kumlapulo shiwotolu nani; akiqheu lono pa gihu kepu shinani.

ISAIAH 53:10

AMPEU no pi, “Pano aghime shikeuye ipulou ke; pa kithiye peve tsukile keu sughinike aghashikeuke. Ikehu paye pa laghami ithulukha nani; paye akuxu kushuwa xu nani, eno pa vechewo ino kimji pesu akeu tokulupu shi nani.

ISAIAH 53:2

Hiye AMPEU pulou shiaghive ike pa qeuye ayeghi qhaikeulo asubo lakhino akuhu qusu pesu thuwu akeu kimihi shiaghi kepu shive. Paye ningu pelo paju michilu penike athinibei keu momu jukivipu kuhae Kiu lonomu paye koghe kughu kivi kuhae, pa kudau nimusu sawukepu kiumu kuhake.

ISAIAH 9:5

Leighikemi ghushimiqo pukhukuqho ngo panoqo phimini ajipususuyi keu kumtsu ami pesu pitivetsu nani.

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

ISAIAH 9:7

Pa kuka yehkipeye thuwu ache nani; pa kukaqhaye pulhapuju iquneyi anani. Paye Akukau David thisupe ayehpe nani, achipiu xakutha eno amikucho lono pa kuka peitha nani, itehi eno alhokupuju kutolo tishi anani. Aqokitikhi shou AMPEU wu amlo tsuqhiyikeuno hipaqo kumtsu shi nani.

JEREMIYA 22:15

Nono kedar pesu kutami ki nguno jukiviushi aki shikeu lono noye akukau akiviu shiluve anipe kema? Opuye akuxu chhikhoyi xuke. Paye pulhapujulo achipiu eno aghibiu shicheke eno pano shikeu kumtsulo alokepu shicheke.

JEREMIYA 22:3

“Ni, AMPEU no nongu vilo kiuno achipiu eno amikucho keno tipau shilopi ahza tsuke. Pukaluvekeu launo pukaluvetsu keu timi hu susholu lo. Inaghami, mighimghaqo momu chimemiqo peithapusa momu qodaqhi kevilo; eno akimthe-a hipaulo pimipuamo kemi heqhi pithi kevilo.

JEREMIYA 22:30

“Timi hipauye pa tianuli puhakhave penikeushi peveake, timi hipau ye khilemu kalu pemo nikeu shiani. Paye Juda lo David qhusulukemi shikulupu atikughukomi kuha nani. Ni, AMPEU no piqhiveake.”

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

JEREMIYA 29:11

Nongu ghenguno kughu puakeu nongu lau kutsakungo keu kumo puzu kinikulu sughinikeu, nonguno ighini keulo laju achekeu sughi tsunikeu kughu puakeqo ilikhino ithi ani.

JEREMIYA 30:3

Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

JEREMIYA 30:9

Tishinike zuqhulo, panonguno ni, AMPEU panoqo Lhou qe nani eno David laghami lakhi pesu akukau shipe nike ino kughuqa nani.”

JEREMIYA 31:27

“Ni, AMPEU no pianike ino Israil ngo Juda yeghi lo timi eno lhoxu pesu chhitoi tsunikeu ghuloki cheni.

EZEKEL 21:27

Ixapinyi! Ixapinyi! Ino aphughi pesu ixapinyivekeu shi nani. Ikemu ino khuu pelo aphughi ghimeqhi penikeu shiani keno tipau ighi mphi loye hipau shimo nani. Pa ighi kethiuno ino tipau shipe nike pa tsu nani.

EZEKEL 34:16

“Khunoqo puha pesu ani keno ino juwuni, itsu itsuwuvekeqo saide saghini, izavekeqo khakide kudaive tsuni eno suaghikeqo shipivi tsuni; ikemu atha pubei eno mutotoi keqoye ino kutsave nani kughengu niye achipiu shichekeu bherikheuke.

EZEKEL 34:29

Ino aghuma luza panoqo tsu nani eno aghakhulo akhuava kishekhavetsu nani. Ashiayeh kutamiye hinguno hilauye panoqo gihu nani.

EZEKEL 45:8

Hipau qhaye Israilmi ghakhulo kukapuu saje shilu nanike, tishianguno paye timiqo qhasu pemo niyeke ikemu aghakhuqha kutauqoye Israil lo alaghaqo sala shipenike.

DANIEL 9:24

“Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

HOSIYA 1:11

Juda lo akemi ngo Israil lo akemiqoye pekuqhave nani. Panonguno kuqhano panoqo wu sakipheu lakhi kisheluve nani eno itaghi panonguye pano yeghilo thuwuve eno alau ikowove nani. Iye, Jezrel tsalaye atsala kije lakhi shi nani!

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

AMUS 9:11

AMPEU no pi, “Ino David kukaqha tsuchile nikeu tsala cheni, tiye aki ilaqiveno ixapinyive keu toike. Ino tipau kuptu pukhove nani eno tipau sachileluni. Ino tipau shikithe nani eno tipau pesu kha-ghi wovekeulo akeu toivetsu nani.

MICAH 5:3

Tighenguno khuuno punu niye anikeno tipauno anu punu moke kutolo AMPEU no pawu timiqo pano ghumi lau phesuvetsu nani. Tileno pano ghakhu lono halepheve akeqono pano timiqo gholo kumqo kitheluve nani.

ZEKHARIA 3:8

Tishiaye, hi inilo, no Achinetou Joshua eno nongu pa gholo achinemi shiakemiqo, nongu ighinikeu tsala kivipulo michipuqo, hi inilo: Ino iqeu, Aloka ipi kuchekeu hu pephepiye nani!

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

MATTHEW 2:2

“Judami kukau shipeniye anu punukeu hu khile ani kya? Ninguno kipelauno pa yepu ipeghikeu ithuluvae, eno ninguye pa mlla niye ighi ani.”

John 1:45

Filip no Nathana-el sasu kusho eno pa vilo ishipi, “Muse no Ayezah kakulo khuu ghili yepuakeno eno tungkupumino khuu ghili yeh ishikeno timi tipau ninguno phuluvae. Paye Nazaret noghami Josef nu Jisu ke.”

John 1:49

“Kutsuchekeu, noye Alhou Nue! Nono Israilmi kukaue!” ipi Nathana-el no Jisu khochile.

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

IBRIMI 8:8

Ikemu Alhou no ishi pikeulo paye pawu timiqo lau akuyiqupu ithulupe anie: “Ampeu no piani, Ino Israil kibolomi ngo Juda laghami sasu puloshoqhi akitheu shinikeu tsalaqo ighini cheni.

Piyeküsü 19:11

Tileno kungugha khaqhikeu ino ithulu eno tilehi khurshi akimiye lakhi ae. Tipau shou iku puzu chekeu pesu Pukhukulu eno Kuchou ipi kutsue; pano achipiu xakutha pesu kughatha eno aghu shiche.