JEREMIYA 23:28 - BAIBEL (BSI)

²⁸ Tungkupmi khuno asamo pumoani keno tipauye asamo likhi kepi pive kepuke, ikemu tungkupmi khuno itsape chiluni keno tipau tsape amikuchoshi asheshutsu kepuke. Aghijini ye athicho sasu kiu kimghi kulupu ani kya?

Sumi Naga CL (Re-edited) Bible (BSI)

²⁸ Tungkupu khuu no asamo pumo ani keno pa samo pipelo, ikemu khuu no I tsa piani keno pa ye pükhükulupu shi pilo. Aghijini ye kiu lono athi sasü aqü shini kea? ipi Ampeu no sheshu.

JEREMIYA 23:28 ပူးပေါင်းရင်းမြစ်များ

KUKAMI ATUGHIU 22:14

Ikemu Mikaiya no khochile, “Akuxu MPEU je lono niye pano ivilo kiu pilo pinikeno ti pinani thono!”

KUKAMI ATUGHIU 22:16

Ikemu Ahab no khochile “Nono kughouno AMPEU je lono pianikeno kuchou tsa pilo! Niye ghuthu khijehi ovilo pi anikya.”

AHOLE 14:5

Pulubekulu thopimiye pulhapuju kuchou picheni ikemu pulubekumlamiye akimki thono kiumu pilu chemoe.

ISAIAH 21:10

Iwu timi Israil, nonguye athi toi qolevae, ikemu itehiye niye asutsa kithe nongu lau pikulha ani tiye Aqokitikhi MPEU, Israil Lhou launo ino chilukeuke.

JEREMIYA 23:25

Tungkupmi hupaqono kiu pikeno, panonguno ije lono akimki tsa pikeu eno panoqo samouno ino itsape pesu panoqo tsuveakepi pichekeqo kumtsu ino ithianike.

JEREMIYA 42:4

Ino khochile, “Tishiaye ighono alo ani thono! Nonguno inijuke toi ino AMPEU ningu Lhou vilo inikhuni eno pano kiu pini keno ino nongu vilo pinike. Niye nongu vilo kiumu pimono qhivemo nanike.”

JEREMIYA 9:12

Ino iniju, “O AMPEU, kushiye aghakhuye kutsapinyive eno asayeqha toi qhiveno timi khunomu tipau kathasu izuwumovea kya? Khuno hipau vethakulupu shi alokutsu lukumkha ani kya? Noye khuvilo hipau chixechilei pivea puzu pano kutami vilo pilukepu ani kya?”

JEREMIYA 9:20

Ino pike, “Nongu totimiqo, AMPEU tsa inilo, pa tsa amlo tsuqhiyi kumsujulo. Kishi mloqa kepu keno nongaqo shikalo, kishi kithikuhalo le phekepu keno nopumiqo shikalo.

EZEKEL 13:3

Akughushu MPEU no kiu piani keno tiye hike: “Anikha tungkupmi hipaqoye ahakusapue! Panonguye pano likhi pano nguagha pape ani eno pano likhi pano kungunhetsu iqiphe anike.

MATTHEW 24:45

“Tishiaye, khuno pukhubekulu eno alokutsu qeu kya? Paye pa mipeuno pa pelo aqemi kutamiqo peitha peniye qhike, tipaqo ado achipi lono kuchukusho tsupeniyeke.

Luke 12:42

Ampeu no khochile pi: “Tishiaye khuuno pichebekulu eno alokutsu qeu atou kya? Paye pa mpiuno pa kilo akukughuu shipeniye qhikeu, ti akilo kumla kughutsu eno aqemi kutamiqo ado achipi lono achuqupu kijetsu peniye qhike.

1 Kor. 4:2

Ike khunoqomi pelo peitha kutsumi shipepuani keno panoqoye pukhubekulumi shi aghimaye sake.

2 Kor. 2:17

Ninguye kutami kutomono ame mulaleyikeu lhidi nhemgha peitha ake toi Alhou tsa peithakemiqo kumoe; ikemu Alhou no ningu puwukeu ghenguno, ninguye kuchou picheni, Alhou zulo Khristo qemi kehu ninguno picheni.

1 Tim. 1:12

Akumla hipau shipeniye akumto itsuchekeu niMpeu Jisu Khristo shikimthi ani, kughengu pano ipichebe kulupu shiaghi puzu pa kumla shipeniye isusulu