JEREMIYA 23:25 - BAIBEL (BSI)

²⁵ Tungkupmi hupaqono kiu pikeno, panonguno ije lono akimki tsa pikeu eno panoqo samouno ino itsape pesu panoqo tsuveakepi pichekeqo kumtsu ino ithianike.

Sumi Naga CL (Re-edited) Bible (BSI)

²⁵ Tungkupmi no I je lono akimki tungkuptsa ishi pikeu I no chiluvae, ‘I no asamo pumova, I no asamo pumova!’

JEREMIYA 23:25 ပူးပေါင်းရင်းမြစ်များ

BOTHUBO 37:5

Ghuthu lakhi Josef no asamo lakhi pumo eno pano pamunoqo vilo lhe kelauye panonguno alaushi pa mithi kitheuve.

BOTHUBO 37:9

Josef no itaghi asamo kutau lakhi pumoe eno pano pamunoqo vilo tipau lheghi pi, “Itaghi niye asamo lakhi pumoe ike tsukinhe, aqhi eno ayepu chighi qhaqhi ishino itsaiqi qhoqhu itsucheke.”

LESHELE 139:2

Ino iqake ithuke kumtsu nono ithianie; putou akelonomu nono ikukumsu kumtsu vethaluvae.

LESHELE 139:4

Ino piphe mphi lonomu, niye kiu pinani keno nono ithive aghi cheni.

JEREMIYA 13:27

Nonguye pano jumithiche keu thime shi aghikeu pano ithuluvae. Nonguno timi lakhino pa kusami nipu juminekeu momu khurshitsuno aqu pape keshi naghutoqolo inapughami lhouqo lau wukeu eno aluzalo wukeu pano nongu ithuluvae. Jerusalem lo akemiqo, nongu hakusapu shivae! Nonguye kughono muqhamiqhiyi nani kya?

JEREMIYA 14:14

Ikemu AMPEU no khochile pi, “Tungkupmiye ije lono akimki tsa piani, niye panoqo puwu puamoe momu niye ahza kiumu panoqo tsupuamoe momu atsa lothi lakhi mu panoqo putsa puamoe. Kungunhetsu ghili panonguno piakeu huye ilauno ighikeu kumoe; panonguno ashe-azu tsa shi piakeu huye ame kuhamithe keu pano kukumsulo akeu tsake.

JEREMIYA 16:17

Panonguno shikeu kumtsu ino ithulu ani, ilauno kiumu kusuvemla; panoqo xineye igizu lono povemlake.

JEREMIYA 23:28

Tungkupmi khuno asamo pumoani keno tipauye asamo likhi kepi pive kepuke, ikemu tungkupmi khuno itsape chiluni keno tipau tsape amikuchoshi asheshutsu kepuke. Aghijini ye athicho sasu kiu kimghi kulupu ani kya?

JEREMIYA 23:32

Ni, AMPEU no kiu piani keno inilo! Niye tungkupmi khunoqono pano samo picheni eno tiye akimkino chhitoikeu pi acheni keno tipaqo shou ino moepi anike! Panonguno asamo tipaqo pipuzu panoqo kimki ngo panoqo qhekuza pesu iwu timiqo sakughuzuke. Niye panoqo puwumoke momu panoqo vilo wulo pimoke eno timiqo kiumu kuphulu anike kumoe. Ni, AMPEU no piqhivae.”

JEREMIYA 27:10

Panonguye nongu pishiqhi anike eno noyeghi lono putosuu sawuve peniye kughu auveake. Ino nongu hapheveno kutsaleve nanike.

JEREMIYA 27:15

AMPEU no piveake paye panoqo puwu puamoe eno panonguye pa je lono nongu vilo akimiki tsa pianike. Ike pano nongu hapupove nani eno nonguye heqhi pithive niake, nongu ghi eno nongu vilo akimki tsa hipaqo piakemi tungkupmi ghi pithikhave nanike.”

JEREMIYA 29:23

Panongu kuxuye tishive nanike kughengu panonguye axine lhoksa shivekeu lono kuquvae, panonguno salhashupuke eno AMPEU jelono akimki tsa pike. Hiye AMPEU pulou kumoke; panonguno kiu shive keno pano ithi ani eno pano panoqo shou thopiu ke. AMPEU no piqhive ake.”

JEREMIYA 29:8

Ni, AMPEU, Israil Lhou no nongu lau kutughuveake nonguye tungkupmi nongu gholo akeqo momu kutami khuu khumu panonguno ighinikeu vehu ashe-azu tsa pilu cheni kepi pichekemiqo pelo nongu pishiqhivepe kevilo. Panonguno asamo pumokeulo amlo tsukevilo.

JEREMIYA 8:6

Ino tsaqui inijuke, ikemu nonguno kuchou tsa pimoe. Nongu milakhimu pututa lhoksa ghenguno xaideghikeu kuhae, nongu milakhimu ‘Niye kishi akumou shive akela?’ ipi pimoe. Khurshino aghushilo posuwuke toi pututa shelo pututa lalo wuveke.

AKUMLO 2:14

Nowu tungkupmino akimki tsa likhi thono nongu vilo kiumu pimoke; Pano shekushuno nongu pishiqhive puzu khilemu nongu xine lhephe tsumoke. Panonguno nonguye xaide kepu avehupu shiamo kepi nongu pelo kumsuvepe.

EZEKEL 22:28

Tungkupmiqoye timino metsughoi nudakeu pesu atozu nuda akeshi axine tipaqo kusuvetsu cheni. Panonguno kichileu kungunhetsu ithulu cheni eno kichileu she-azu tsa picheni. Panonguno Akughushu MPEU tsa piani kepi picheni, ikemu ni, AMPEU ye panoqo putsa puamoe.

JOYIL 2:28

‘Hithiu timi kumtsu shou ino ighungu lepukutsu nani Nongu nu-noqo eno angano-qono itsape pesu asheshu nani; Nowu muchomiqono asamo pumo nani, eno nowu lhothemino kungunhetsu qo ithulu nani.

ZEKHARIA 13:3

Khuala no tsuyikhomo tungkuptsa piniepi aye, pa puaza pa lhokeu no pa vilo ishi pinani, ‘Noye xu moake, kughengu nono AMPEU jelono akimkitsa pike.’ Pano tungkuptsa piaye papu azano pa qhuqhi pithilu nani.

AKIKIHI 12:6

eno AMPEU no pi, “Ino kiu pini keno inijulo! Tungkupumi nongu gholo ake ghulokilo ino kungunhetsu lono ikutoshino panongu nhepithe eno asamouno putsa cheni.

MATTHEW 1:20

Ikemu pano hipau tsaquyi kumsukutoju akelo, Ampeuw kungumi lakhino asamo lakhi lono pa sasu kusho eno ishi pi. “David laghami Josef, noye Maria lu pesu onipu shinikeu msa kevilo, kughengu lino mishipu akeuye Aghungu Kimthe launoke.

Luke 12:3

Akuzulo nono kiu pi puani keno akuvu lono chiluve nani, eno nono kusuwuno pi puakeu hu aki kutsuqa lono asheshu tsu nani.”

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

IBRIMI 4:13

Alhou zuloye lhophepua keu kiumu kusuvemlae, ikemu thwokha pa zuloye nhamono thebei ithulu ani; eno pa lau ningu kumtsu kihikulayi pesu tsu nani.

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.