JEREMIYA 23:21 - BAIBEL (BSI)

²¹ AMPEU no pivae, “Niye tungkupmi hipaqo puwu moke ikeghi panonguno wuke. Niye kiu tsapemu panongu tsumoe, ikeghi panonguno ije lono picheni.

Sumi Naga CL (Re-edited) Bible (BSI)

²¹ “Ni ye tungkupmi puwumo keghi panongu no piwuvae; Ni ye panongu pütsamo keghi panongu no tungkuptsa pike.

JEREMIYA 23:21 ပူးပေါင်းရင်းမြစ်များ

ISAIAH 6:8

Tileno AMPEU no ishi pikeu ino chilu, “Niye khuu puwuni kya? Khuuno ni ghenguno wuni kya?” Ino ishi khochile, “Ni hile ani! Ipuwulo!”

JEREMIYA 14:14

Ikemu AMPEU no khochile pi, “Tungkupmiye ije lono akimki tsa piani, niye panoqo puwu puamoe momu niye ahza kiumu panoqo tsupuamoe momu atsa lothi lakhi mu panoqo putsa puamoe. Kungunhetsu ghili panonguno piakeu huye ilauno ighikeu kumoe; panonguno ashe-azu tsa shi piakeu huye ame kuhamithe keu pano kukumsulo akeu tsake.

JEREMIYA 23:32

Ni, AMPEU no kiu piani keno inilo! Niye tungkupmi khunoqono pano samo picheni eno tiye akimkino chhitoikeu pi acheni keno tipaqo shou ino moepi anike! Panonguno asamo tipaqo pipuzu panoqo kimki ngo panoqo qhekuza pesu iwu timiqo sakughuzuke. Niye panoqo puwumoke momu panoqo vilo wulo pimoke eno timiqo kiumu kuphulu anike kumoe. Ni, AMPEU no piqhivae.”

JEREMIYA 27:14

Tungkupmi khunoqono nongu vilo pa qholo qhoi phesuve tsu kevilopi lakhani keno tipaqo tsa initsu kevilo. Panonguye nongu pishiqhi anike.

JEREMIYA 27:15

AMPEU no piveake paye panoqo puwu puamoe eno panonguye pa je lono nongu vilo akimiki tsa pianike. Ike pano nongu hapupove nani eno nonguye heqhi pithive niake, nongu ghi eno nongu vilo akimki tsa hipaqo piakemi tungkupmi ghi pithikhave nanike.”

JEREMIYA 28:15

Tileno ino tipau pesu Hananiya vilo pi eno highi pikuqhatsuke, “Hananiya, inilo! AMPEU ye opuwu puamoe, noye timi hipaqo pelo akimki pulu anipeke.

JEREMIYA 29:31

Babilon lo akughumiqo lau Shemaiya ghili hipau pesu tsupuwulo pi pike:” Ni, AMPEU no Shemaiya ngo pa laghami kumtsu ghimeqhi nani. Niye pa puwu puamoe ikeghi paye tungkupmi lakhi toi nongu putsa ke eno panongu pelo akimki pulu peke.

JEREMIYA 29:8

Ni, AMPEU, Israil Lhou no nongu lau kutughuveake nonguye tungkupmi nongu gholo akeqo momu kutami khuu khumu panonguno ighinikeu vehu ashe-azu tsa pilu cheni kepi pichekemiqo pelo nongu pishiqhivepe kevilo. Panonguno asamo pumokeulo amlo tsukevilo.

JEREMIYA 29:9

Panonguye ije lono akimki tsa pianike. Niye panoqo puwu puamoe Ni, AMPEU no piqhi anike!

John 20:21

Jisu no itaghi panongu vilo pi, “Alokughuno nongu gholo apelo. Apu no ipuwuke toi nighi nongu puwu ani.”

Apostolmi 13:4

Aghungu Kimthe no puwukeu toi Barnaba ngo Saul pamaye Seleukia lo iqive eno tilauno azughi dolo Kupra ghakhu ake kudau ashuka lono cheve.

Rommi 10:15

Asutsa kipemi puwumoke, kishi asutsa pikulhaluni kya? Kuchoyesulo pipuake toi, “Atsakiviu pikulhakemi ighikeuye kiutoi jukivi kela!”