JEREMIYA 23:17 - BAIBEL (BSI)

¹⁷ Ino kiu pikeno tipau initsumo kemiqo vilo panonguno piachekeuno tipanoqoye kumtsulo akivi shi anani kepi cheni. Panonguno hebide kuthovi ache kemiqo vilo kutsakungo keuno khilemu panoqo shou ikughimo nani kepi piachenike.”

Sumi Naga CL (Re-edited) Bible (BSI)

¹⁷ Panongu no Ampeu tsa thaigha chekemi vilo tamono picheni: ‘O ghenguno akivipu ani’; eno kuthovi ghi amlo pape chekeu vilo picheni, ‘O shou amhekiqi ighimo nani.’”

JEREMIYA 23:17 ပူးပေါင်းရင်းမြစ်များ

SAMUEL AKINIU 12:10

Tighenguno hinguno tiqheli kumtsulo opolo kughuko khamiye akithi kijiksa shipeniae kughengu nono ihebideveno Uriya nipu suxaluveke.

ISAIAH 30:10

Panonguno tungkupumi vilo inaqhoivelo ipicheni. Panonguno ishi pi, “Nivilo khuno achipiu keno pikevilo nino kiu ininishi keno tipau nivilo pilo. Nipelo kuma kuma akepushi pitsulo.

ISAIAH 57:21

Axinemi ghenguno xakulupu kuhae,” ipi AMPEU no pike.

JEREMIYA 13:10

Timi lhoksa hipaqoye igho lumo kepi miliveke. Panonguye pulhapujulo kuthovilo eno kusakughashi achenike eno kutau lhouqo mlla eno qe achenike. Tishi kehu chhekhaphi hipaqo kitilamu alomovekeu toi panonguye tipaphi shive nani.

JEREMIYA 18:12

Panonguye ishi khochile nani, ‘Ninguye kilini chemoe, kushiye kili ani kya? Ninguye nino shinike thaqhu kuthovi eno alhoksa shi ache nanike! ’ ”

JEREMIYA 18:18

Tileno timiqono pi, “Jeremiya shou kiuala shiveni nolo! Achinemino pulhapuju ayezah nikutsu nani, alokutsumino kumsukulu nitsu nani eno tungkupmino Alhou tsape pesu asheshu nanike. Ningu pa ghekucho keu tsa pi pukuni nolo eno pano kiu pinikeno lakhimu initsumoni nolo.”

JEREMIYA 3:17

Kughono tipa tsala ighini keno Jerusalem ye ‘AMPEU kuka lakhu’ ipi kunani, eno ashiayeh kumtsu imllanike tilehi kumqo nani. Panonguye pano mlo lhoksa eno kuthovi keu mlono panoqo vilo pikeu shikide kithe move nani.

JEREMIYA 4:10

Tileno ino pi, “Akughushu MPEU, nono Jerusalem lo akemiqo qhoi pishiqhivae! Nono pikeuno alakishi ananike pi ikemu azutakihi no panoqo ku-o diluvae.”

JEREMIYA 5:12

AMPEU wu timiqono pa peve eno ishi pike. “Paye kiumu shimo nani; nishou kiumu shikusapu ghuloki ighimo nani; ninguye aghukishi momu puqumiye keu sholumo nanike.”

JEREMIYA 6:14

Iwu timiqo ghuzakuqoye kuxushope akeu paphi lono panonguno mla itha cheni. Kumtsulo akivishimono akelo ghi panonguno, ‘Kumtsu vi ani’ ipi cheni.

JEREMIYA 7:24

Ikemu panonguno agholumoe momu amlo tsuqhiyimoke. Tishinike zuqhulo panoqo mlolo kuthovi keu eno kusakughano panoqo vilo shilo pikeu shiwukhaveke, eno panonguye akiviu shinike zuqhulo alhoksau shikithe wuveke.

JEREMIYA 8:11

Iwu timiqo ghuzaku qoye chixesho keu likhi toi shi-ghi panonguno mla itha acheni. Thwokhalo vimo akeghi panonguno, ‘Kumtsulo vi ani’ ipi picheni.

JEREMIYA 9:14

Tishinike zuqhulo, panonguye kuthovi auve eno panoqo papuno shilopi shikakeu toi Baal su-atu julho mllawukhaveke.

AKUMLO 2:14

Nowu tungkupmino akimki tsa likhi thono nongu vilo kiumu pimoke; Pano shekushuno nongu pishiqhive puzu khilemu nongu xine lhephe tsumoke. Panonguno nonguye xaide kepu avehupu shiamo kepi nongu pelo kumsuvepe.

EZEKEL 13:10

“Tungkupmino thwokha kumtsu viani kepi pikeu lono iwu timiqo sabide anike. Thwokha kumtsu viamo putsake! Iwu timiqono atupi iqunei yepe akuptu shike eno tungkupmino ighi puzu metsughoi nudakeu pesu tipau nhapuanike.

EZEKEL 13:19

Nonguno barli thi au kie lakhia kinia eno ashopa lakhia kinia ithuluni aye iwu timiqo gizu lono iphimo gihumo chenie. Nonguno timi thive kuzupu kumomi pithive cheni eno timi thive kuzupu timiqo puxupe qhive cheni. Ike nonguno iwu timiqo vilo akimki tsa picheni eno panonguye nongu pulu acheni.”

EZEKEL 13:22

“Nonguno nongu kimki pesu kivimi khunoqo ino ghuza nishimono achekeqo mlo shikumkave tsuchenike. Nonguno alhoksami pelo pano lhoksa pheve penikeu lakha cheni eno pano kuxu xaluve nikeu lakha cheni.

AMUS 9:10

Iwu timiqo gholo axinemiye aghukishi lono pithikhave nani, ti khunoqono ishi picheni keno, ‘Alhou ye shikupusa pelo nikupunu ighipemo nani,’ ”

MICAH 2:11

“Timi hipaqoye tungkupmi khunoqono akimki ngo pishikiqhino chhitoi xapusu iqho iqi cheni keno tikithipu lunishi cheni. Tungkupuuno ishi picheni, ‘Ino tungkuptsa pitsu anike atsayiji eno akuptsu tsayi jino nongu ghengu qole qolei nani.’ ”

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MICAH 3:5

Khunono tungkupmi ajume tsuno tipaqoye alokughuno shi anani kepi tungkupmino pipekeu huno iwu timiqo pishiqhivae, ikemu khunoqono ajume tsumo keno tipaqo vilo aghukishi pesu shikichi chenike. Tikithipu tungkupmiqo vilo AMPEU no piani,

ZEFANIA 1:12

“Tipa ghulokilo ino akuluqhe lakhi pepuzu Jerusalem lheju nani. Khunoqono pano likhi pano ghapiqi eno pano pukhupe acheni, khunoqono pano likhi pano vilo, ‘AMPEU ye akivimu alhoksa mu shimo nanike’ ipi picheni keno, ino timi tipaqo ghimeqhi nani.

ZEKHARIA 10:2

Timino ajulho kimihi ngo asakiqhimi sasu kuptsa cheni ikemu panonguno khokichile ithulukeuye akimki eno avehu kuhamitheke. Khamino asamo kiqi pitsu cheni ikemu nosabidekeu likhi; panonguno lokughunopu nongu tsukeuye adouke. Ike timiye bheri puhavekeu toi itsu itsuwuve cheni. Panonguye sakiphemi kuhake ghenguno akupunalo ilove cheni.

MALAKI 1:6

Aqokitikhi MPEU no achinemi vilo pi,”Anu lakhiye papu gihu cheni eno aqemi lakhiye pa mipeu gihu cheni. Niye nongu papuke, nonguye kushiye igihumo kya? Niye nongu mipeu ke nonguye kushiye igihumo kya? Nonguno ijumithi cheni eno tishi keghi nonguno ishi inijuke, ‘Ninguye khileno ojumithi cheni kya?’

AKIKIHI 11:20

ikemu aqhi kupuju kutolo tipauno nongu kini lono ipeghimoke kutolo eno angamoke kutolo chuni ake. Hiye tishini putsa kughengu nonguno AMPEU nongu gholo hile akeu milive eno pavilo nonguye Ijip khilemu qhimono aghike aye alonicheke pi pa shou muchhoke.’ ”

Luke 10:16

Jisu no pa khopemi vilo pi, “Khuno nongu tsa chiluni keno itsa chilu anie, eno khuno nongu miliveni keno imilive ani eno khuno imiliveni keno ipuwukeu milive anie.”

ZAKINIU 29:18

Mutsumishei shilo ike kiptimi, totimi, abolomi momu alaghami hilehi puthugho akemi khumu AMPEU launo tsughusu wuveno ashiayeh kutami lhouqo mllauve kevilo. Tishive aye tipauno khumtsai eno tughukupu tsani lakhi thuwu ipeghikeu kuhu lakhi toive nanike.

ZAKINIU 29:19

Mutsumishei shilo ike ishi tsalalo hile akemi lakhi nomu tsaqui piputovekeu tsa hipaqo chiluve keghi pa likhi pa ghoshi xu wuve aye pa ghenguno thwokha kumtsu akivipu shinani kepi kumsu kevilo. Tino nongu kumtsu akivimi eno alhoksami aphiphishi kutsave nanike.

1 Thes. 4:8

Tighenguno khunono akukutsutsa hipau ikhilumoni keno paye timi milive anike kumoe ikemu Alhou, pa Ghungu Kimthe nongu tsukeu hu milive anike.

SAMUEL ATUGHIU 2:30

Ni, AMPEU Israil Lhou no wovekeulo olagha eno okibolomi pelono alhokuthu iwu achinemi shiche peni pi tushoqhi puae. Ikemu itehiye ino pi ani—niye nongu avehupu shimae. Tipau zuqhulo timi khunono igihu sumsa cheni keno nighi tipaqo gihu nani, eno khunono ikutha kughashi cheni keno nighi tipaqo milive nani.