JEREMIYA 22:3 - BAIBEL (BSI)

³ “Ni, AMPEU no nongu vilo kiuno achipiu eno amikucho keno tipau shilopi ahza tsuke. Pukaluvekeu launo pukaluvetsu keu timi hu susholu lo. Inaghami, mighimghaqo momu chimemiqo peithapusa momu qodaqhi kevilo; eno akimthe-a hipaulo pimipuamo kemi heqhi pithi kevilo.

Sumi Naga CL (Re-edited) Bible (BSI)

³ Ampeu no ishi piani: Kuchou xakütha eno achipiu mikucho shilo, eno püka luve tsüno itaghi aküpkau no qhasüpe akeu xaphe lulo. Inaghami, mighimi, eno chimemi lau anguka eno akumou shi kevilo, a-a hipau lo pimihami ji pele kevilo.

JEREMIYA 22:3 ပူးပေါင်းရင်းမြစ်များ

SAMUEL AKINIU 23:3

Israil Lhou no pivae; Israilmi sukushouno ivilo pi: “Akukau achipishi ayeh pechekeu, Alhou sumsa ghi pa zulo ayehpe chekeu,

KUKAMI AKINIU 24:4

tiye pano amikuchomiqo heqhi pithivetsu keu lonoke. AMPEU ye tipau ghenguno Manasse xine qhivetsu mlave.

JOB 22:9

Nono chimemi a-u kumsa puwove ke likhi kumono apu-aza kuha kemi munudaqhi chenie.

JOB 24:9

Alhoksamino mighimi tianuli aza kichhi lono lekho sawuve cheni, eno kumlhomino api lomlave aye atianuli luve cheni.

LESHELE 68:5

Pa kimthe chinekilo ngochekeu Alhou ye mighimgha ngo chime miqo susho eno tuchohiju cheni.

LESHELE 82:4

Lhoksami kuka launo panoqo sunhephelulo.

LESHELE 94:21

Panonguno timi kivimi shou alhoksa kuchughuke eno kuqumokemi pithini keushi xatha cheni.

LESHELE 94:6

Panonguno chimemi ngo mighimgha qo pithike, eno inami ni yeghilo akeqo ghiqhike.

IPEKULU 22:21

Inaghami peitha pusa momu nedaqoda kevilo.

IPEKULU 22:22

Chimemi momu mighimgha lakhimu peitha pusa kivelo.

AHOLE 23:10

Apu asu lono shopuaghi keu lughi tusho khilemu kiqe kevilo momu mighimghano pighiakeu kialu luve kevilo.

AHOLE 6:17

Aqhekuzashi juchekeu, akimki mili pukeu, pimipuamokemi pithikeu phiau kupumi, Kixikila kukughu kumsuphe chekemi, alhoksa shiniaye kakashi pokeu pukhu, akimki tsa piqhi chekemi thopimi eno shompami dolo akupuna xukuthokeu.

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

ISAIAH 58:6

“Kumvu keu jeli ino lunishi chekeuye hike: neda qodaqhi chekeu yikichhe ikhivetsulo eno amikucho kumo kuokhasu ikhivetsulo eno neda qodavekemi khaqhipheveno wuve pelo.

ISAIAH 58:7

Muzuthi aghikemi sasu nongu chuqupu kusajelo eno akialu kuhakemi kumlhomi nongu kilo sasulo. Kiumu unimi kepu kuhakemi aphimini tsulo eno nosholokumi kuphukileni keu kughuchove kevilo.

JEREMIYA 19:4

Niye hipau shini putsake kughengu timiqono iqhive eno a-a hipau lono kutau lhouqo lau lhoxu heqhipe mlla puzu hipau-a kitiqeveke; alhou tipaqoye panoqo ghi momu pano puasuqo ghi momu Juda lo kukamiqo ghi kitilamu mthano achekeqoke. Timiqono pimimokemi ji pelevetsu keu pesu a-a hipau chhitoiveke,

JEREMIYA 21:12

“Ni, AMPEU no piakeu inilo. Tsala kipetsulo kuchou xakutha shitsunikeu shilo. Timi khuno pishiqhiluve puzu itaghi qoda qhi pesu anikeno pishiqhiluve keu timi ulono pa susholuve tsulo. Nonguno tipau shimo aye, nonguno alhoksa shikeu huno ami pinhemlakeu toi iloghu kighide iqu auvepe nani.

JEREMIYA 22:17

Ikemu noye olikhi osala phukeu lo likhi amlo tsuke; kiumu pimimokemi nono pithive cheni eno owu timiqo heqhi buqhi qoda cheni. AMPEU no piveake.

JEREMIYA 26:16

Tileno sakiphemi ngo timiqono achinemi ngo tungkupmi vilo pike. “Timi hipauno niLhou AMPEU jelono niputsavae; pa heqhipithive kepu kumoe.”

JEREMIYA 5:28

Panonguye aqu leleshi chhiboyi anike panonguno alhoksa kumla shikeulo tavae pikeu kuhae. Panonguye mighimghaqo pelo pano chipiu ithulupe chemoe momu neda qodape akeqo lau kuchou xakutha piye chemoke.”

JEREMIYA 7:23

Ikemu ino ahza tsukeuye igholulo pike, tishianguno niye panoqo Lhou shi eno panonguye iwu timi shipeniyeke. Ino panongu vilo pikeuno ino ahza tsukeu pesu xulo pike tishianguno panoqo ghenguno thwokha akivishi achepe niyeke.

JEREMIYA 9:24

Khualano qhezanishi aghi aye paye ni ithi eno ivethalukeulo qheza kepu kughengu iwu kikimiyeye iqemokeu eno niye kiuno achipiu, amikucho keno tipau shicheni. Hipaqo thime shikeuno ilopiqilu cheni. Ni, AMPEU no piqhiveake.”

EZEKEL 18:12

kumlhomi qodaneda cheni, puka suxalu cheni, nalukeu theli anhemgha qhipuaghikeu tsuchilemo, asu-atu julho shou pa nhethi jupuku cheni eno tipa-alo kuchhube kutsula kumlla shi cheni,

EZEKEL 18:7

kutami khumu nedaqoda chemo, nalukemino athelilo qhipaghi keu nhemgha tsuchileve cheni, puka suxalu chemo, kumlhomi pa chuqu tsucheni eno aphimini kuhakemi puucheni,

EZEKEL 22:7

Aphughilo timi lakhimu pa puaza gihu chemoke. Nonguno inaghami pishiqhike eno topu chimemi ngo mighimgha jumithi chenike.

EZEKEL 45:9

Akughushu MPEU no pike, “Nongu Israil shou ayehkipemiqo, nonguye shulo axine shivae! Nonguno heqhi buqhi eno qhasuchekeu tavelo. Achipiu eno kuchou shilo. Nonguye itaghi iwu timiqo pano yeghi lono khilemu hapheve kevilo. Ni, Akughushu MPEU no nongu vilo hipau pianike.

JOYIL 3:19

“Ijip ye asayeqha shiwuve nani, Edom yeghiye shipusape adou shive nani, kughengu panonguno Juda yeghi leighike eno tipaulo kiu lhoksa mu shimokemi ghiqhike

ACHINE 19:15

“Atsakugha kepulo kughono xakutha tsunikeno amikucho eno achipiu shilo; kumlhomi lau xadakevilo momu kinimi musave kevilo.

AMUS 5:15

Alhoksaye kiu keno tipau jumithilo eno achipiu kimiyelo eno kughakutha-alo achipiu xakutha achepelo. Ishiake, AMPEU no hipau shiayehlo timi puxupe puaghikemi shou kupu kimiye luvi ke.

AMUS 5:24

Tishinike zuqhulo kuchou xakutha shikeuno aghoki toi qowu pelo eno achipiu shikeuno aghoki qoitamo keu toi shipelo.

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MICAH 6:8

Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

MATTHEW 23:23

“Nongu Ayezah kukutsumi ngo Farisimi ghenguno ahakusapue! kuhakughaqo! Nonguno pulakhu, napa eno thuvu yetsuni kutolo chighi sajelo lakhi Alhou tsucheni, ikemu nonguno Ayezah akhoto qo: achipiu kukutsu, kikimiye eno amikucho kumla shinike kughuchove cheni. Kutauqo ghi kughuchove kepu kumo kemu nonguye hipaqo pepimhe kepuke.

ZAKINIU 10:18

Paye mighimghami ngo chimemiqo achipiu lono peitha cheni; paye inaghami niwu timi gholo akeqo qhuivu cheni eno achuqupu ngo aphimini tipaqo tsupe kepu shichenike.

ZAKINIU 24:17

“Inaghami ngo mighimgha chipiu ikhiluvetsu kevilo eno topu chimemi lakhino pisa nalukeu ghenguno tipau thelilo aphimini qhipuaghini keu lukevilo.

ZAKINIU 24:7

“Khuu khuumu akusami Israilmi kughasawo pa qemi shipe momu aqemi shipeniye jesuve aghi kemiye pithive masake. Hitoi shipuzu alhoksa hipau shipuhaluve nanike.

ZAKINIU 25:1

“Israilmi mikini atsa kughanike kughakilo wukelo milakhiye pimimo eno lakhiuno kuquvekeu pitsu kelo,

ZAKINIU 27:19

‘Timi khuuno inaghami ngo mighimgha eno chimemiqo chipiu shipuhave tsuni keno Alhou no musuini keu pa shou ani.’ Eno timi kumtsuno khochileni,’Amen!’

James 1:27

Apu Alhou zulo mutsumisheyi keu eno tukutiye kuhakeu chineyehye hike: mighimugha chikamujo keu, chimemino aghimeshi akelo tuchoheju keu eno ayeghilomi pelo pa kitiqeve pemono ngo lukeu huno achineyeh kuchouke.