JEREMIYA 22:15 - BAIBEL (BSI)

¹⁵ Nono kedar pesu kutami ki nguno jukiviushi aki shikeu lono noye akukau akiviu shiluve anipe kema? Opuye akuxu chhikhoyi xuke. Paye pulhapujulo achipiu eno aghibiu shicheke eno pano shikeu kumtsulo alokepu shicheke.

Sumi Naga CL (Re-edited) Bible (BSI)

¹⁵ Nono Cedar kutomo ani kehu no ye akükaue pi kümsü anio? O pu no chusho eno achipiu ngo amikucho shike kumo? Tino pa ghenguno akivi shilue.

JEREMIYA 22:15 ပူးပေါင်းရင်းမြစ်များ

SAMUEL AKINIU 8:15

David no Israil yeghiqha kumtsu shou ayehpeluve eno paw timiqo pelono achipiu eno amikucho lono aphiphishi ithulupeni keu mutsuqhei shitsu.

KUKAMI ATUGHIU 10:9

AMPEU oLhou shelo! Paye opesu Israilmi kukau shikulu ghenguno olau pa lokiqi akeu piye tsu ani. Kughengu pawu kikimiye Israilmi ghenguye tishikeu lono ayezah eno achipiu peithalu penike ghengunoke.”

KUKAMI AKINIU 22:2

Josia ye AMPEU no kiu pulokeno ti shitsue; paye pasu akukau David kumlla kiviqo papemi shilu eno Alhou yehzaqo tsaqutsalei pekulumike.

KUKAMI AKINIU 23:25

Pa zuu kukami khunomu pa toi pa mlo pa kukumsu eno akumto kumtsu pesu AMPEU qekeu kuhae eno Muse yezah kumtsu aghokulu shi pimhekeu kuha momu pa thiumu kukami khunomu pa toikeu kuha.

YEKIKITHI ATUGHIU 3:15

Josiya no anu bidi shi: Johanan, Jehoiakim, Zedakia eno Joahaz.

YEKIKITHI AKINIU 34:2

Paye AMPEU lopu kiu keno tipau shike; pano pasu David Akukau kuxu papeghi Alhou yezah kumtsu iqemono aghokulu shike.

YEKIKITHI AKINIU 35:22

Ikemu Josiya no tsuyikhomo aghushini keu shive. Paye Alhou no Akukau Neko vechewo kiu piani keno tipau initsumo nikeu shi auve tighenguno paye paju kimchimla kepushi pekiliveno Megido khilalo aghukishi lo wuve.

YEKIKITHI AKINIU 35:26

Josiya no shikeu thwokha kumtsu pano AMPEU lau amlo tsuqhiyi keu, pano Ayezah papekulu shikeu,

AHOLE 20:28

Akukauye pa yehkipeno kuchou achipi eno aghibiu lono shiake kutolo akuka kumto shia nani.

AHOLE 21:3

Kiuno achipi eno akuzupukeno tipau shilo; tino aghashipe AMPEU mllakeu nguno akiviue.

AHOLE 25:5

Akukutsu lhoksa tsuchekemiye akukau lau sawuvelo eno akukau yehpeka no kuchou xakutha shikeu kutamino ithiwove nani.

AHOLE 29:4

Kughono akukauno achipiu xakutha ghenguno amlo suni keno ashiayehye mutotoi nani ikemu pano pisalo likhi amlo suauve aye paye pa ghakhu shipuhave nani.

AHOLE 31:9

Panoqo ghenguno pitsulo eno amikucho shi kughakuthau shitsulo. Kumlhomi eno kuhakemi chipiuqo susho tsulo.”

YETSAPIU 10:17

Ikemu akukauno pa likhi pawu xakutha shilu eno sakiphemino ado achipi lono chu-sho eno shomzumo puzu pano likhi panoqo ghasuluaye tipa yeghiye kumghapuke.

YETSAPIU 2:24

Timi lakhino thwokha kumtsu nguno akiviu shikepu shi akeuye pano kiu qelu keno chu-shono alokughuno shiakepue. Tishikeu ghi, ino ithilu keuno highi Alhou launo ighi cheni.

ISAIAH 3:10

Amikuchomiye alokivishi nani eno panoqo ghenguye akivipu shilu nani. Panonguno kiu mlaqhilu keno tipau pepimhe alu nani.

ISAIAH 33:16

Nonguno hishiaye nongu xaluve nani; nongu aliwo kumtolo ngolu keshi nonguye ithamokepu shi nani. Nonguno chukepu achuqupu ithulu nani eno yekepu azu ananike.

ISAIAH 9:7

Pa kuka yehkipeye thuwu ache nani; pa kukaqhaye pulhapuju iquneyi anani. Paye Akukau David thisupe ayehpe nani, achipiu xakutha eno amikucho lono pa kuka peitha nani, itehi eno alhokupuju kutolo tishi anani. Aqokitikhi shou AMPEU wu amlo tsuqhiyikeuno hipaqo kumtsu shi nani.

JEREMIYA 21:12

“Ni, AMPEU no piakeu inilo. Tsala kipetsulo kuchou xakutha shitsunikeu shilo. Timi khuno pishiqhiluve puzu itaghi qoda qhi pesu anikeno pishiqhiluve keu timi ulono pa susholuve tsulo. Nonguno tipau shimo aye, nonguno alhoksa shikeu huno ami pinhemlakeu toi iloghu kighide iqu auvepe nani.

JEREMIYA 22:18

Tighenguno Juda kukau, Josiya nu Johoiakim ghenguno AMPEU no piani, “Timi lakhimu pa kithilo mloqamo nani, momu ‘Kishi akumsapu kela, ishou, kishi akumsa- pu kela’ ipi pimo nani. Timi lakhimu pa ghenguno qamo momu, ‘Impeu! Ikukau!’ ipi ighamukumo nanike.

JEREMIYA 22:3

“Ni, AMPEU no nongu vilo kiuno achipiu eno amikucho keno tipau shilopi ahza tsuke. Pukaluvekeu launo pukaluvetsu keu timi hu susholu lo. Inaghami, mighimghaqo momu chimemiqo peithapusa momu qodaqhi kevilo; eno akimthe-a hipaulo pimipuamo kemi heqhi pithi kevilo.

JEREMIYA 23:5

AMPEU no pi, “Akukau shipe nike David tikughuko lomi amikuchomi lakhi ino kishelu nikeu ghuloki wocheni. Akukau tipauye alokutsushi eno kiuno achipiu akuzupu keno tipau aghakhu qhachho ayehpe nani.

JEREMIYA 42:6

Nipulou shiaghina monamu ovilo AMPEU niLhou khuu vilo ninguno khuini tsulo pi iniju anikeno ninguye pa gholunike.”

JEREMIYA 7:5

“Nono xuchekeu laghi kilivelo eno nonguno shichekeu thimeqo shikevilo. Nongu lakhino lakhi lau achipi lono peithakilelo.

Luke 11:41

Tishiaye akhu ajukhulo kiu aghi keno kumlhomi tsulo eno nongu ghenguno thwokha mitheluniae.”

Apostolmi 2:46

Tsalakipetsu achinekilo kumtsa wu, panongu kilo kumtsa kuchukusho shi, alokiqi eno alophaphaleyi keu lono pano chuqupu chu.

1 Kor. 10:31

Tighenguno, nonguno chuna, shona momu kiu kiu shiepinamu kumtsulo Alhou jukuvupu ghenguno shilo.

ZAKINIU 4:40

Ishi tsalalo ino nongu tsuvekeu yezah kumtsu pelulo, nongu eno nongu polo kughukomi kumtsu akivishi alu nanike. Nonguye AMPEU nongu Lhou no alhokupujulo nowu shiche penike tsuakeu yeghilo xu alunani.”