JEREMIYA 21:9 - BAIBEL (BSI)

⁹ Timi khuno aphughi alou ngoni keno aghukishi momu akhuava momu kusukini lono pithive nani. Ikemu khunono aphughi lono ipeve puzu Babilonmi aphughi le-akemiqo ulo liqhi suvetsuni keno tipaqoye pithivemo nanike; paye pa kuxu likhimu kajowuluni ake.

Sumi Naga CL (Re-edited) Bible (BSI)

⁹ Khuu no mishighüna hipau lo ani keno azütakikihi, püqümiye, eno püsa lono thive nani, ikemu khuu no Chaldeami nongu khasüpe akeqo lau liqhipe tsüveni keno pa ye xülu nani eno aghüshi lono aküxü pükhalu nani.

JEREMIYA 21:9 ပူးပေါင်းရင်းမြစ်များ

JEREMIYA 14:12

Panonguno kumvu kuphupenike ighamuku pinamu niye initsumoke; eno panonguno akuchopu piti mllakeu ngo athi pesu mllakeu kumllagho itsue pinamu niye panoqo lau amlo qini chemoe. Tishike kumono, aghukishi ngo akhu-ava eno kusukini pesu ino panoqo heqhipithi nani.”

JEREMIYA 21:7

Ikemu no ngo owu kijemiqo eno timi khunoqono aghukishi, puqumiyekeu eno kusukini lono puxupe aghini keno nongu kumtsu ino akukau Nebukadnezar ngo pawu timi noghumiqo pelo kughalukhavepe nani, nongu kuxuluve tsuniye phuchekemi ulo suvetsu nani. Pano nongu pithi khave nani. Pano nongu lakhimu ghumo nani momu nongu kimiyeqhiyikeu piyemo nani. Ni, AMPEU no piqhiveake.”

JEREMIYA 24:10

Ino aghukishi, puqumiyekeu eno kusukini panoqo shou sughi nani tiye ino panoqo ngo pano puasuqo tsukeu yeghilo panoqo milakhimu kuhavemoke kutolo tipau shi nani.”

JEREMIYA 27:11

Ikemu ashiayeh khipaqono Babilon kukau qholo ngoluveni keno, tileno ino tipau pelo pano yeghilo ngoalu, tile alu chilu eno tilehi kughuna lu pe nani. Ni, AMPEU no piqhiveake.”

JEREMIYA 27:12

Ino tipatho lono Juda lo Akukau Zedekiya vilo pike, “Babilon kukau qholo ngoluvelo. Pa eno pawu timiqo qelo tishiaye nonguye xulupe nanike.

JEREMIYA 27:13

Kushiye no eno owu timiqoye aghukishi lono momu puqumiyekeu lono momu kusukini lono thiani kya? Tiye AMPEU no pikeu tsake, khuno shiayeh no Babilon kukau qholo ngomoni keno tipanoqo shou shinikeu pivae.

JEREMIYA 38:2

AMPEU no ishi pikeu pesu piachekeu chiluve, “Khunono aphughilo ngo auveni keno aghukishi momu akhuava eno kusukini lono thina nike. Ikemu khuno aphughi lono ipeve puzu Babilonmi lau liqhipe suveni keno tipaqoye heqhipithivemo nanike; paye pa kuxu likhimu pukhaluniake.”

JEREMIYA 38:3

Ino timiqo vilo AMPEU no pikeu highi piake. “Ino aphughi pesu Babilonmi ghushimi tsuveni cheni eno tipaqono hipau khasupe leluve nani.”

JEREMIYA 39:18

Ino okughape akivishi qhi nani eno opithimo nanike. Noye aghukishi lono okuxu pukhaluve nani kughengu nono ipukhubeke, Ni, AMPEU no piveake.”

JEREMIYA 45:5

Noye kutau peitha penikeu phu cheni kesha? Tishi kevilo. Niye timi kumtsu shou kutsakungo keu sughini cheni ikemu noye nono khile khile wuni keno akuxu likhimu puxulu ananike. Ni, AMPEU no piveake.”

EZEKEL 5:12

Owu timi kikije kuthulo lakhiye kusukini ngo akhuava shipuzu aphughi lono thi nani; kikije kuthulo lakhiye aphughi nguno khalauno azutano ghiqhile nani; eno kikije kuthulo lakhi ashekhau huye ino amlhulo halesu nani eno azutakihi pesu panoqo haqhi nani.