JEREMIYA 21:4 - BAIBEL (BSI)

⁴ Zedekiya vilo pilopikeu pesu ino pike: “Zedekiya, owu ghushimi qono Babilon kukau ngo pa ghushimi sasu aghushi akeulo ino nongu pelo tomlave peni cheni. Aphughi mtsalono ino owu ghushimiqo ghunanu kisheqhipe qhi nani.

Sumi Naga CL (Re-edited) Bible (BSI)

⁴ ‘Israel Lhou, Ampeu no ishi piani: Julo, Babylon kükau eno Babylonmi khunoqo atupikiye khalacheu no nongu khasüpe ani keno, nongu no panoqo sasü aghü shiniye nongu u lo aghünanu pe akeqo I no nongu shou pukuve tsü nani. I no mishighüna hipau lo panongu kümtsü sailoghi nani.

JEREMIYA 21:4 ပူးပေါင်းရင်းမြစ်များ

ISAIAH 10:4

Nonuye aghukishi lono pithive nani momu akughumi shi sunhe sawuve nani. Tishimu AMPEU loghu ye kishekhavemo nani; ghimeqhinike pau chhopuwo ani aphike.

ISAIAH 13:4

Naghuto shou asutsa shiakeu inijulo - timi aqokitikhi kije sutsake, ashiayehqo eno ayehkipeqhaqo kumqo akeu sutsake. Aqokitikhi shou AMPEU no pawu ghushimi sasu aghushiniye kuto anike.

ISAIAH 5:5

“Niye itsayilu pesu hiu shiniake; niye tipau veho putumuxa puakeu ikhiveni, tipau susholupe nike aliwo shikeu tuxapinyiveni eno tughashi pelo tipau mzachuve peni eno qodanedave peni.

JEREMIYA 20:4

AMPEU ampino piveake, ‘Ino okughapesu olikhi oshikumsa eno oshompami shikumsa kepu shitsu nani, panoqo kumtsu aghumi zutano ghiqhivekeu nono ithulu nani. Ino Juda lo akemiqo kumtsu Babilon kukau kuka qholo qhi nani; khamiye pano akughumi shipe nike sawuve nani eno kutami qoye pithive nani.

JEREMIYA 21:3

Tileno AMPEU no iputsa eno ilau timi khunoqo puwukeno tipaqo vilo

JEREMIYA 32:24

“Julo, Babilonmino lekepu yeghi toghi shipesu aphughi sumxavae, tipau leluveniyeke eno panonguno leanike. Aghukishi, akhuava eno kusukinino aphughi pesu panoqo ulo ikiqi iloveni cheni. Nono pivekeu kumtsu kuchou shi shikupu ighinike.

JEREMIYA 32:3

Akukau Zedekiya no tilehi ikughape akughu shive eno AMPEU no ishi pikeu ino pesu asheshukeu ghenguno ihakhake, tiye: “Ino Babilon kukau pelo aphughi hipau leluve peni cheni,

JEREMIYA 32:5

Zedekiya ye Babilon lo sawuve nani eno ino pa peithamoke kutolo paye tilau ache nani. Pano Babilon sasu aghushie pinamu tomla nani. Ni, AMPEU no piqhiveake.”

JEREMIYA 33:5

Tipau shiayeh ino iloghu kighide lono khuno hekuluqhini cheni keno tipaqo kithi kumono aphughi chitoi keu likhi shiniake.

JEREMIYA 35:17

Ike, ni Aqokitikhi MPEU, Israil Lhou no itehiye nongu Juda ngo Jerusalem lo akemiqo shou kutsaleveni keu ino tushoqhi puakeu kumtsu sughini cheni. Ino hipau shinikeu shiani kughengu ino nongu putsa keulo nonguno itsa initsumoke, ino nongu kukelo nonguye ikhochilemoke.”

JEREMIYA 39:3

(Kughou Jerusalem leluve keno Babilon kukau wu kijemi kumtsu Khagho Amtau lo ighi puzu pututa-alo ngolukhave; tipaqo gholo Nergal Sarezer, Samgar Nebo, Sarsexim eno itaghi kutami Nergal Sarezer ghi ighi puzu ngoluve.)

JEREMIYA 52:18

Ami kihipu-yi ghi eno akipti-a shikimthe chekeu ayevu yili, lhoxu heqhi mlla keulo aji migheluve chekeu chithakhu, tsungquikeu ta pitikelo peitha chekeu khu eno achinekilo peitha chekeu alazayi jeli kutauqo ghi panonguno pewuvetsuke.

AKUMLO 2:3

Pano muqhumzai Israil kumto hepholeve tsu; Kughono aghumi ighi keno paye nishou axu ideke eno ami toi thwokha shipusave tsu.

AKUMLO 2:5

Aghumi lakhi hutoi AMPEU no Israil kutsave; Paye pawu aliwo ngo kukaki shipusa pesu qhive. Juda lo akemi shou pano tamo mithe keu mlokusa sughike.

AKUMLO 2:7

AMPEU no pawu akiptia peve eno pa kimthe chineki kughukughalei vetsu; Pano aghumi pelo tipau putukha keu hepholeqhive penike pulosuvetsu. Ghuthu lakhi lo nino alokivishi mlla che keualo aghumino huttiauve.

EZEKEL 39:3

Tithiu ino pau piyiu lono pa suzu chishijove tsuni eno pau ajeu apiji sujoluve tsu nani.

HOSIYA 9:12

Ike panonguno atianuli saputhu puaghi pinamu ino tipaqo ikhisuwuve nani eno milakhimu puxumove nani. Kughou ino timi hipaqo qhiveni keno akumsa kuighupu panoqo shou ikughi nani.”

ZEKHARIA 14:2

AMPEU no ashiayehqo kumtsu kumtsa saghieno Jerusalem sasu aghushipe nani. Aphughi huye leluve nani, akilo aghikeu xulepuwuve eno totimiqo sazuvetsu nani. Timi tuxaye akughu shisu wuve nani ikemu kutamiye aphughi tipau lono sawuvemo nani.

MATTHEW 22:7

Akukauno axuideveno pawu ghushimi puwu puzu hekiqhimiqo pithive eno panoqo phughi pitivetsu.