JEREMIYA 21:2 - BAIBEL (BSI)

² “Kishimo kutuake nighenguno AMPEU putsa tsulo, kughengu Babilon kukau Nebukadnezar ngo paw ghushimino aphughi khasupe le anike. Ishiake AMPEU no pano akumzapu kumla shichekeu lakhi ni ghenguno shipuzu nilauno Nebukadnezar hachileve tsu luvike.”

Sumi Naga CL (Re-edited) Bible (BSI)

² “Ampeu vilo ningu ghenguno ighiju tsülo, kughengu Babylon kükau Nebuchadnezzar no ni sasü aghü shiniye ani. Ishiake Ampeu no Paw akichiqhipu kümla ni lau mlatsü no ni launo pa hachileve tsü luvie.”

JEREMIYA 21:2 ပူးပေါင်းရင်းမြစ်များ

BOTHUBO 10:10

Nimrod kukaqha atughuloye Babel, Erek ngo Akad tiye Shinar yeghi tipaqo kumtsu Babilon lo ake.

KUKAMI AKINIU 1:3

Ikemu AMPEU wu kungumino Tishbe lono ighikeu tungkupu Elija pelono akukau Ahazia ghinikishimiqo kushiniye wucheni keno iniju peniye sasu kusholo pi ahza tsu eno ishi inijupe: “Nonguye kushi niye Ekron phughi lhou Baalzebub putsau cheni kya? Israil lo Alhou kuhaveapi nonguye kumsu ani kesha?

KUKAMI AKINIU 17:24

Asiriya lo akukauno Babilon Kut, Ivva, Xamat eno Sefarvaim qolono timiqo ikhiluno panongu sawo Samaria phughilo kughuna luvepe, Israilmi kugha sasu akughu shiwuvekeqo alo panongu pelono kughuna luvepe. Tipaqono aphughiqolo ngoluve eno tile xuluve.

YEKIKITHI AKINIU 32:21

AMPEU no kungumi lakhi puwu keuno Asiriyami ghushimi ngo kijemiqo heqhikhave tsuke. Tighenguno akukatou ye kujoqhiyi Asiriya lo idechile wove peke. Ghulo lakhi paye pa lhou chine kilo ake lono panu khamino azuta pesu pa ghiqhive.

IPEKULU 9:28

AMPEU vilo khuinilo! Tsutsukusu ngo apughu hipau lukumkha shi nishou ighivae! Nonguye wuve peniake, ino tushoqhi anike, nonguye hilau ngokithe pemoake.”

ISAIAH 48:2

Tishikeghi nonguye aqhekuzashi akimtheu phughilo kihikusumi kepi picheni, eno nonguye Israil Lhou, pa jeye Aqokitikhi MPEU shou bepe acheni kepi picheni.

JEREMIYA 15:11

AMPEU, ino akivishi oqecheghimo aye eno ighumino shiluksa shi eno avekusashi akelo panongu zuqhushi ino ovilo qhuiniju puaghimo aye panonguno ishou musuini akeu kumtsu kuchou shi shikupu tsulo.

JEREMIYA 21:3

Tileno AMPEU no iputsa eno ilau timi khunoqo puwukeno tipaqo vilo

JEREMIYA 32:17

“AMPEU Alhou, nono okuka kije eno okumto pesu ayeghi ngo atsutsu mlake; oghenguye kiumu kupunakeu kuhae.

JEREMIYA 32:24

“Julo, Babilonmino lekepu yeghi toghi shipesu aphughi sumxavae, tipau leluveniyeke eno panonguno leanike. Aghukishi, akhuava eno kusukinino aphughi pesu panoqo ulo ikiqi iloveni cheni. Nono pivekeu kumtsu kuchou shi shikupu ighinike.

JEREMIYA 34:1

Kughou Babilon kukau Nebukadnezar ngo pawu aghumiqo, ashiayeh jeli khunoqono pa qholo achekemiqo muqono panoqo choqhepe puzu Jerusalem ngo tipau holo taunqo le akeno AMPEU no iputsake.

JEREMIYA 37:17

Athiuno akukau Zedekiya no ikupuwu, eno tilau akukau kilono pano lomotsa shi ivilo ishi iniju, “AMPEU launo atsape kiuala ani ma?” “Anike!” ipi ino khochile eno highi pikuqha, “Noye Babilon kukau ulo suvetsuni cheni.”

JEREMIYA 37:3

Akukau Zedekiya no Shelemiya nu Jehukal ngo Maaseiya nu achineu Zefaniya ilau puwu eno nishiayeh ghenguno AMPEU niLhou lau inikhutsu penike ivilo inijupeke.

JEREMIYA 37:7

Zedekiya vilo pilopike, “Ijipmi ghushimino okuphuniye alalo cheake, ikemu tiye pano ghakhulo idewove nani.

EZEKEL 7:26

Kutsa kungo keu lakhino lakhi papesu ighi nani, eno asutsa lhoksano lakhino lakhi shelo sughi anani. Nonguno tungkupmi vilo kiu kungunhetsu ani kela phuwu nani. Achinemino timiqo vilo kutsupiye kepu ayezah kiumu kuhave nani eno muchomiqono akukumsu kivi tsukepu kiumu kuhave nani.

XAKUTHAMI 20:27

Alhou wu Puloshoqhi Bohu ye tipa ghulokilo Bethel lo acheke, eno Fineha, Eleazar nu Aron tilinu no tipaulo ampi shitsu acheke. Timiqono AMPEU vilo iniju, “Ninguye wuno ningu thikuzumi Benjaminmi sasu aghushilo pikeo ikeo shikevilo pi anikya?” AMPEU no khochile, “Aghushilo thoghiu ye panongu shou tokulu pesu ino nongu tsuni.”

SAMUEL ATUGHIU 10:22

panonguno AMPEU vilo iniju, “Pa nguno kutami anikeo kuhave akya?” AMPEU no khochile pi, “Saul ye hukudau akho nhemgha thiu itshu anie.”

SAMUEL ATUGHIU 28:15

Samuel no Saul vilo pi, “Noye kushiye ishi kupna anikya? Kushiye ipelo ide ighi ani pekya?” Saul no khochile, “Niye ighono avesa ani! Filistiyamino isasu aghushi ani eno Alhou no iqhive. Paye tungkupmi vechewo nomu, momu asamo vechewo nomu, kumu iputsamovae. Tighenguno niye oku ani eno opelo niye kiu shimasakeno pitsu peniyeke.”

SAMUEL ATUGHIU 28:6

tighenguno paye kiu shinikela pi AMPEU vilo iniju. Ikemu AMPEU no kumu pa khochile tsumoe, asamou nomu momu asaqhi chekeu tu Urim ngo Thumim momu tungkupmi vechewo nomu pa lau khochilekeu shitsumove.