JEREMIYA 20:12 - BAIBEL (BSI)

¹² Ikemu Aqokitikhi MPEU, noye kuchoushi timi ijoju cheni; panoqo mlolo ngo akukumsulo kiu ani keno nono ithi ani. Tighenguno ighumi shou nono amukhu lukeu ipelo ithulu pelo, kughengu ino kiu ghenguno xua cheni keno oulo qhivetsuake.

Sumi Naga CL (Re-edited) Bible (BSI)

¹² O aqokitikhi MPEU, khuu no amikuchomi peju cheni, amlo akükümsü ithulu cheni keno, I pelo Nono panongu shou amkhü lukeu ithulu pelo, kughengu ni ampi pesü O lau kulhuqhivae.

JEREMIYA 20:12 ပူးပေါင်းရင်းမြစ်များ

YEKIKITHI AKINIU 24:22

Akukau ye Zekharia papu Jehoiada no aghokulushi pa qeche keu kumsumave eno pano Zekharia pithive peke. Zekharia no thihu chekelo pano igha ishi pi, “Nonguno kiu shi ani keno AMPEU no jutsu peni eno nongu ghimeqhi peni!”

LESHELE 11:5

AMPEU no achipiu shichekemi ngo kixikilami lheju cheni; pa ngulho kumtsuno ayezah hekuxami mithi cheni.

LESHELE 139:23

O Alhou, ni lhejulo, eno imlo ithi tsulo; ipejulo eno ikukumsu ithitsulo.

LESHELE 17:3

Nono imlo pu-juvae, nono putholo ixuju ighivae, nono ipejuveake, ilolo alhoksa kukumsu kuhakeu nono ithi anie.

LESHELE 54:7

Kughengu iwu shiluksa kumtsu launo nono ixapheluke eno ighumi shou toluvetsu keu inhe thino ithulu peke.

LESHELE 58:10

Kughou axinemi ghimeqhikeu ithuluni keno amikuchomino amlo qinani. Panonguno kixikilami jih pelepua keu puthasu wu nani.

LESHELE 59:10

ILhou no ikimiye cheni eno ilau ighi nani, ighumi shou tokulupu iLhou no ipelo ithulupe nani.

LESHELE 62:8

O timiqo, ado kumtsulo pa pukhulo, nongu wu shiluksa kumtsu pa vilo pilo kughengu paye nino ijehluchenike.

LESHELE 7:9

Kusakughamino alhoksa kumla shichekeu hakhave tsulo, Ikemu amikuchomi xaqhelo. Nono timi mlo eno timi kukumsu lheju chekeu, noye amikucho Lhou ke.

LESHELE 86:4

Oqeu lopivi tsulo, O AMPEU kughengu ikighiniye iku oto anike.

ISAIAH 37:14

Akukau Hezekiya no aghinikishiu launo yekili ikhiluve eno tipau phiju. Tipathiu pano Achinekilo wuno

ISAIAH 38:14

Isutsaye yezuyive eno qeyive, eno niye amiqhi toi isughughuive. Inhethino kungugha kudau jukeno akulho shive. AMPEU, shiluksa hipau lono ixaphetsulo.

JEREMIYA 11:20

Tileno ino inikhu, “Aqokitikhi MPEU, noye achipishi xathachekeu lakhie; nono timi kukumsu ngo alou ithikeu jeli kumtsu peju cheni. Ino o-ulo ivehu kulhuqhivetsu ani, ike nono timi hipaqo shou amukhulu keu ipelo jukuto khe pelo.”

JEREMIYA 12:8

Ino kishelu kemiqono aghasulo abongushu toi ihebideke, panonguno ijupesu ighake, ikehu ino panoqo jumithike.

JEREMIYA 17:10

Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

JEREMIYA 17:18

Ishikighime chekemiqo shou kujomzave kepu pukutsulo, ikemu ipelo kujomzavepe kevilo, AMPEU. Panoqoye akuighupuno chhivepelo ikemu ishikumsa kevilo. Panoqo shou kutsakungokeu sughilo eno panoqo kutsa piniyivetsulo.

1 Peter 2:23

Kughou pa thaigha keno paye thaighakeu tsa pesu ghechilemoe; kughou pano aghime shivekeno paye khumu shikumsamoe; ikemu achipi lono xathachekeu Kughakuthau, Alhou lau pawu lajupu bepe qhiveke.

1 Peter 4:19

Tighenguno khunoqono Alhou pulou lono aghime sholuni keno achipiu mlalo eno panongu kuxu pesu Lhokusuu lau pichebeve pelo.

Piyeküsü 18:20

O kungugha! li kutsapiniyive keu ghenguno alovilo! Akimthemi eno apostolmi ngo tungkupumiqo alokivi shilo! Kughengu lino nongu lau kiu shikeno tipau ghenguno Alhou no li shou kughathabevae!

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

Piyeküsü 6:10

Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”

SAMUEL ATUGHIU 1:15

Ikemu Hanna no khochile, “Akijeu niye shomzu amoe, ikemu niye ighono amlo ghujumi topumi lakhie; niye khilemu aji shochemo momu shomzuve kepumu yechemoe, ikemu AMPEU lau imlo ghime kumtsu kuqho leqhi piphe ake.