JEREMIYA 20:10 - BAIBEL (BSI)

¹⁰ Timi kumtsu ghano, “Aqha kumtsulo Akuighupu shivae! Ayehkipemi vilo pano ishi anikepi piveni nolo!” ipi chhu chhushi pikeu ino chilue. Ikusami kuchou ghi ino ikiqivekeu kheauvae. Panonguno pike, “Ishiake pa muquqhive luvike, tishianguno ninguno pa kughalu puzu amukhu lunike.”

Sumi Naga CL (Re-edited) Bible (BSI)

¹⁰ Kughengu I no chhuchhushi keu sütsa chilu ani. Akümsapu no ako kümtsü lo ani! “Pa pipüthave lo, ningu pa pipüthani!” ipi I poshumi kümtsü no pi ani, I pelo ikiqive penike khe ani. “Pa pishiqhive luve aye nino pa shou toluve nani eno pa shou ningu mkhülu nani.”

JEREMIYA 20:10 ပူးပေါင်းရင်းမြစ်များ

KUKAMI ATUGHIU 19:2

Lino asutsa lakhi Elija lau puwu: “Nono kiutoi tungkupumi lau mlakeno thoghi tsalalo hipa ghulokilo okuxu ghi panongu toi pithilumo aye alhouqo pelo niu heqhi pithive peniu!”

KUKAMI ATUGHIU 21:20

Kughou Ahab no Elija ithulukeno pano ishipi, “Ighumi, noye iphuluvea nala!” “Iyei, ino okughaluvae,” ipi Elija no khochileve. “AMPEU zulo kiuno achipi kumokeno noye tipaulo ighono amlo tsushe auvae.

KUKAMI ATUGHIU 22:27

Pama vilo pa kughapesu akughukilo khatha puaghilo pilo eno asho ngo azu likhi pesu ino akivishi ideghimoke kutolo tsu aghipelo.”

KUKAMI ATUGHIU 22:8

Ahab no khochile, “Milakhi aphie, tiye Imla nu Mikaiya aphie. Ikemu niye paju ilochemoe, kughengu paye khilemu ighenguno akivi tungkuptsa pitsu moe; ikemu alhokuthu alhoksa likhi picheni.” “Noye khilemu tishi pikepu kumoe!” pi Jehosafat no pa khochile.

JOB 19:19

Iposhuu noqono ijupe apumqhu wuve, eno ino shishe kimiye chekeqo no ishou vimo auve.

LESHELE 31:13

Kutomono chhu-chhushi kuptsakeu ino chilu ani, Aqha kumtsulo akuighupushi ani, Panonguno ishou akumou shiniye kuchughu ani, ikuxu luve tsuniye kumqu ani.

LESHELE 31:14

Ikemu ino opukhu ani, O AMPEU, Noye iLhou ke,

LESHELE 41:10

Ikimiyekutu tsulo, O AMPEU eno ishi-aji shipivi kithe tsulo, ino ighumiqo lochile tsunike.

LESHELE 41:9

Ishou kiviu, khikhi ino pukhube acheni keno eno isasu kuchukusho lakhi shichekeu thotsu ilau chhophekugha vesu auvae.

LESHELE 57:4

Abongushu lojilo niye ngolu ani, mihemza timi tsuchuve chekeqo gholo; Panongu huboye apiji ngo angu toike eno panongu miliye azuta kihi kutsugha toike.

AHOLE 10:18

Khunono pa mlolo mithichekeu susuni keno paye kimkimike. Khunono axikishi pekulha cheni keno panoye anikhake.

ISAIAH 29:21

Khunoqono kutami thaigha, khunoqono heqhi buqhi kemi ghimeqhini keu lakha cheni eno khunoqono amikuchomi pelo achipiu xakutha ithulupemo niaye akimki tsa picheni keno Alhou no kutsapinyive nani.

JEREMIYA 1:19

Panonguye otheqhi mla nani kughengu ino osusho nike ogholo ani. Ni, AMPEU no piqhi ani.”

JEREMIYA 11:19

Niye bheriti lakhi ghiqhiveniye akeu mtha puzu pulube akeu toike, panonguye ishou alhoksa jeli kughupe akeu niye muthano ake. Panonguye ishi piacheke, “Asubo akivishi aphi lono ninguno yeqhiveni nolo; ningu pa ghiqhiveni nolo tishianguno khunomu pa kumsuchile mlave penike.”

JEREMIYA 11:21

Anathot lo akemiqono ipithive penishi acheni, eno panonguno ivilo pikeuno ino AMPEU tsape pesu asheshu aye panonguno ipithiveni pike.

JEREMIYA 18:18

Tileno timiqono pi, “Jeremiya shou kiuala shiveni nolo! Achinemino pulhapuju ayezah nikutsu nani, alokutsumino kumsukulu nitsu nani eno tungkupmino Alhou tsape pesu asheshu nanike. Ningu pa ghekucho keu tsa pi pukuni nolo eno pano kiu pinikeno lakhimu initsumoni nolo.”

JEREMIYA 20:3

Thanau, Pashur no ayikichhe lono ikuqhopheve kethiu ino pa vilo ishipi, “AMPEU ye oje Pashur ku-tsumoe. Pano oje otsukeuye ‘Aqha kumtsulo shikumsakeu.’

JEREMIYA 37:13

Ikemu ino Banjamin khagho tokelo ghushimi tilehi aghukhe shi akemiqo shou akijeu no ilakhaluve, pa jeye Iriya ke, paye Selemiya nu eno pasuye Hananiya ke. Pano ivilo pi, “Noye hipa-a qhive puzu Babilonmi lau wuchenike!”

JEREMIYA 6:25

Ninguye aluzalo wu nikeu momu alaghilo cheche nikeu ighuvae kughengu nighumiye aghunanu puani eno akuighupuno nisuho luvae.”

EZEKEL 22:9

Nowu timi khamiye kutami pithive nike ghenguno panoqo ghili akimkitsa picheni. Nowu timi khamiye asu-atu julho lau heqhi mllavekeu shi chu cheni; khamiye pulhapuju panoqono aghichipo chekeu ghapiqi acheni.

DANIEL 6:4

Tileno kutami jukutsu akemi eno ahngqo kuqhano Danel yehkipelo akipimi phu nikeu pukaputsaju kemu akipimi kiumu phumlave, kughengu Danel no amikucho akikhi timi kehu eno pulube kulupu kehu.

Luke 20:20

Ikehu panonguno timi khami tuqhouno agho chheve puzu timi tipaqoye achipishi xuchekemi toi amuqushi ghi Jisu lau wupe eno Jisu no kiu pikeno tipauno kughapesu pa melu anguno panonguno pa kughape tipa yeghilo ayehkipemi tsuve nikeu shike.

Apostolmi 24:13

Panonguno ishou ngukube akeu lakhimu ovilo tikepi thebei shi pimla nani.

Apostolmi 5:33

Judami Hohomi no ti chilu puzu axuideve eno apostolmi pithiveni shiqhiyive.

Apostolmi 7:54

Judami Hoho lo ampimiqono Stifan no pikeu chilu puzu panonguye axuideve eno ahu tsughu bubushi amlo idewuve.