JEREMIYA 2:7 - BAIBEL (BSI)

⁷ Aghuma yeghilo ino panoqo sasu ighi, tipaulo ipeghikeu xa eno thime kivi kutau jupesu alopeniyeke. Ikemu panonguno tipaulo iloghikelo iyeghi shipixive tsu; ino pano- qo tsukeu yeghi panonguno kitiqevetsu.

Sumi Naga CL (Re-edited) Bible (BSI)

⁷ I no kupukuno shi akeu yeghi lo axathiqo eno thime kivi chulu penike nongu saghi ke. Ikemu nongu no iloghi kelo, I yeghi shipixive eno I mheghi pesü aphikümqhüpu shivetsü.

JEREMIYA 2:7 ပူးပေါင်းရင်းမြစ်များ

NEHEMIA 9:25

Owu timiqono aliwo kuptu phughi qo ngo aghuma yeghi eno aki kinikuluno chhitoi akeu, azukikhe chhupua ghive keu, olivsubo, axathibo eno atsayiluqo halelue. Panonguno chunishi ketoi chu puzu aquchhibo chhileilu; nono akivi nhemgha panongu tsukeu pesu alokughuno shilu.

NEHEMIA 9:26

“Ikemu owu timiqoye ohebide eno ogholumove; panonguye oyezah pe pano thikhau qhive. Panongu vilo olau ideghilo pike ghenguno panongu kutughutsukemi tungkupmi pithivetsu. Panonguno anguno anguno othaighake,

ISAIAH 19:25

Aqokitikhi MPEU no panoqo kumghatsu nani eno ishi pi nani, “Iwu Ijipmiqo, no Asiriya ino lhokeu eno no, Israil, ino kisheluve keu timiqo, ino nongu kumghatsuni.”

JEREMIYA 16:18

Panoqo xine ngo lhoksakugha ghenguno kighishe kini ino panoqo pelo lochilepe nani kughengu panonguno asu-atu julho khikhi akuxu kuhano akithi kumo toi keu pesu iyeghi kitiqevetsuke eno panoqow kichileu lhouqo pesu tipa yeghi chhitoi anipeke.”

JEREMIYA 3:1

AMPEU no pi, “Timi lakhino pa nipu sasu ixave aye eno lino pa launo wuve puzu kutami nipu shive aye paye li sachilelu kithe mlake. Tishiaye, tipa yeghi qhoi shipixive niake. Ikemu Israil, nonguye alojipumi kutomo auve puzu itehiye ilau ideighi nishi ani kesha?

JEREMIYA 3:2

Atoghi kutsuqalo jupukulo. Nonguno kusalhami toi zumokeu-a khile ani kya? Arabmino asayeqhalo timi heqhi nike miqe khe akeshi nonguno ala phivilo alojipumi khe acheni. Nongu salhano ayeghi shipixi khave ake.

JEREMIYA 3:9

eno kitilamu kujomo mitheve. Lino ayeghi shipixive eno lino atu ngo asubo mllakeu lono kutuqhalimi shiveke.

JEREMIYA 32:23

Ikemu kughou panonguno ayeghi hipaulo iloghi eno hipau amheghi shiluve keno, panonguye nono ahza tsukeu gholumove momu nono shikakeu kiqi lono xumove; nono panoqo pelo shipeniye ahza tsukeu panonguno kiumu shitsumoveke. Ikehu nono kutsakungokeu hipaqo kumtsu panoqo shou sughike.”

JEREMIYA 32:30

Inahu abothu xughili lonomu Israil lo timiqo ngo Juda lo timiqono kiu mulaqhi keno tipauno imlo shikighide acheni iloshipusu achenike.

EZEKEL 20:24

Ino hipau shike kughengu panonguno ino ahza tsukeu milivetsu, iyezah kuboleve tsu, Sabat pinye shipixive tsuke eno pano puasuqono asu-atu julho qechekeu panongu ghi tipau mllauveke.

EZEKEL 20:28

Ino panoqo tsuniye tushoqhive keu yeghilo ino panoqo saghike. Ikelaye, kughou panonguno atoghi qhemghai keu eno asu minipho ithulu keno panonguno tipaqo kumtsu-alo heqhipe mllaukhave. Panonguno lhoxu heqhipe pitikeu eno akumllagho atsayiji peighikeu huno ipelo aloghu idevepeke.

EZEKEL 20:6

Tithiuno ino Ijip lono panoqo saipeghini keu eno panoqo sasu ino kishepua keu yeghi, kinikulu eno aghumakua yeghi, ayeghi kumtsu nguno akiviulo sawunikeu tushoqhike.

EZEKEL 23:35

Akughushu MPEU no kiu pi ani keno tiye hike: “Nono ikumsu mlave eno ozupo ilau kughopuwove ke ghenguno osalha shupu eno okiyighe ghenguno ime nanike.”

EZEKEL 36:17

“Thinikuau timio, Israilmi pano ghakhulo kughuna achekelo, panono xuchekeu ghola eno mla ithakeu pesu tipau shipixiveke. Niye panoqo wu ghusho ghili pesu akhuayelo mithemokeu shi kihicheke tiye totimino aqhi aqhilo aji pochekeu toike.

HOSIYA 9:3

Israil lo akemiqoye AMPEU yeghilo ngopemove nani ikemu Ijip lo idewove kepu shi nani eno mithemo keu chuqu Asiriya lono chu nani.

MICAH 2:10

Ithulo eno wuvelo, hilauye inaqhoi ngokulupu-a kumoke. Nongu xineno a-a hipau kutsaleve nikeushi kutoveake.”

AKIKIHI 13:27

Panonguno Muse vilo pi, “Ninguye ayeghi xujuluvae eno tipauye akini aghuma akeu shi ithulue eno tipaulo ipeghikeu xathi hami hi anie.

ZAKINIU 21:23

tiye putho loghi tishi qhipuave kepu kumoke. Tipa tsalanino tipau qhove masake kughengu akithi kumo lakhi atsukucholo tshuqhi pe puave keu lono Alhou wu musuini kepu aghakhulo sughive chenike. Akithi kumo qhovelo tishianguno AMPEU nongu Lhou no ayeghi nongu tsuakeu shipixive monanike.”

ZAKINIU 32:9

ikemu Jakob polo kughukomiye pa sala shi pano kishelue.

ZAKINIU 6:18

AMPEU no kiu pesu achipi eno alo pi cheni keno tipau shilo eno nonguye thwokhalo akivipu shilu nanike. Nonguye AMPEU no nongu puasu vilo tushoqhivekeu aghuma yeghi pesu amheghi shilu nanike,