JEREMIYA 2:6 - BAIBEL (BSI)

⁶ Panonguye Ijip lono ino xaphe saghi keghi panonguno niye khuu kela mthake; ino timi kughunamoke alo panoqo sapiye: asayeqha eno balu saye toghi yeghilo, qhayikeu eno akumsapu yeghilo, timi khuumu ngochemokeu alo eno khiu nomu kicheghuzu shichemokeu alo.

Sumi Naga CL (Re-edited) Bible (BSI)

⁶ Panongu ye ishi pimoe, ‘Egypt yeghi lono ningu saipeghi no yenguyi ke-a, asayeqha eno anhepho yeghi lo, züha yeghi eno aküzü kutho khunomu kathamo eno küghüna mokeu yeghi lo ni sawu keu Ampeu khile ani kea?’

JEREMIYA 2:6 ပူးပေါင်းရင်းမြစ်များ

KUKAMI AKINIU 2:14

Pano ti Elija wu chijeboboi keu phikuzu pesu azulo hesu eno ishipi, “Elija Lhou AMPEU khile ani kya?” Tishino itaghi pano akiniu azulo hesu ikelaye azu kikije kini shive eno paye chesu ikuluve.

JOB 3:5

Akuzu kutho eno zumoikeu tsala shivepe, khungkusuno ti khonha luvepe eno tipani tsukinhe hauve peniu.

JOB 35:10

Ikemu panonguno ishi pimoe, “Alhou nilhokeu khile ani kya? Pano nipelo putholo ale phelu cheni peke.

LESHELE 23:4

Ino akithi yekukhu khila lo che namu niye kiumu musamoe; kughengu pano igholo ani. Okusu eno oqhe kusuno isushope acheni.

LESHELE 77:5

Niye wovekeu tsalaqo kumsuju eno kha-ghi ghuloki kumsulu cheni.

IPEKULU 20:2

“Niye AMPEU nongu Lhou ke, Ijip yeghilo nonguno aquaxemi shi achekeu lono ino nongu saipeghike.

ISAIAH 63:9

Hiye kungumi lakhinoke kumoe ikemu AMPEU ampino panoqo xaluke. Pa kikimiye, amlo ighiqhiyikeu lono panoqo xapheluke. Paye wovekeu tsalalo pulhapuju panoqo tuchohijuche,

ISAIAH 64:7

Milakhimu akighini lono olau ideghimoe, milakhimu opelo kuphu penike wumoke. Noye nilauno itshuluve eno nixine ghenguno niqhiveke.

JEREMIYA 13:16

Pano akuzu sughi miphi lono eno nonguno naghutolo kupuxa pukulu miphi lono; Nonguno akuvu laju akeu pano pesu akuzu kutho shivetsu miphi lono nongu Lhou AMPEU gihulo.

JEREMIYA 2:2

hipau tsape pesu Jerusalem lo timi kumtsu lau asheshulo pike. “Kughou nonguno alhothe shi akeno nonguye kiutoi pukhukulu keno ino kumsulu ae, ningu kulakupu shitughuloye nonguye kiutoi ikimiye chekeno; Nonguno asayeqhalo kishi ipapelu chekeno, yisumokeu yeghilo achekelo.

JEREMIYA 2:8

‘AMPEU ye khile ani kya?’ ipi achinemino inijumoe, iwu achinemino imthaveke. Ayehkipemino ihebide ipeghive; tungkupumino Baal jelono pi cheuve eno avehupu kuhakeu julho mllauveke.”

JEREMIYA 5:12

AMPEU wu timiqono pa peve eno ishi pike. “Paye kiumu shimo nani; nishou kiumu shikusapu ghuloki ighimo nani; ninguye aghukishi momu puqumiye keu sholumo nanike.”

JEREMIYA 5:2

Nonguno AMPEU mlla cheni kepi piaghi namu, nonguno akimki lono tushoqhi cheni.

JEREMIYA 51:43

Tile taun akeqoye jukumsapu shivae eno tiye azu kuhakeu sayeqha toivae.

HOSIYA 12:13

AMPEU no Israilmi Ijip lo aquaxemi shiake lono xaphelu nike eno panoqo tuchomujolu nike tungkupu lakhi puwuke.

HOSIYA 13:4

AMPEU no pi, “Niye nongu Lhou AMPEU ke, Ijip yeghi lono nongu saipeghikeu Lhou ke. Inguno alau nonguye kutau Lhou kuhae. Ilikhino nongu xakuluuke.

AMUS 2:10

Ino Ijip lono nongu saipeghi, asayeqha lo ampe lhobidi nongu la piye eno now shipeniaye Amarimi yeghi pesu nongu tsuke.

MATTHEW 4:16

Akuzulo achekemino akuvu kije lakhi ithulue, Akithi zumoyike yeghilo ngo achekemi shou akuvuno yepuvuvae!”

ZAKINIU 1:19

“AMPEU ni Lhou no ahza kiu nitsu keno ninguno tipau shike. Ninguno Sinai Toghi qhiveno aghaghi eno kumsa kimshipu sayeqha katha susu Amarimi naghuto la kudau wuke. Ninguno Kades Barnea tokelo,

ZAKINIU 32:10

‘Panonguno asayeqha lo itsuche kelono pano panoqo phulu, tiye kughukughalei amlhuno fuchighikeu sayeqhae. Pano panoqo susholu eno tucho hejuluve tiye pa likhi pa susholu akeshie.

ZAKINIU 8:2

Wovekeu mpe hi lhobidi kutolo AMPEU nongu Lhou no nongu sasu asayeqha vechewo ado kushuwa itsuchekeu kumsululo, tishi chekelo nongu pejunike shiluksa puwu cheke tishianguno nonguno kiu shiniye kumsupu ani keno pano ithinike eno nonguye pano ahza tsukeu papelu nani kemo keno ithiniyeke.

XAKUTHAMI 6:13

Gideon no pa vilo pi, “Ipelono inijukulupu shi aghiaye, akijeu, AMPEU no ni sasu aniaye kushiye thime hipaqo kumtsu nilau hitoi sholu anipe kya? AMPEU no kishi akumzapu Ijip lono nipuasu sa ipeghi lu keno tipau ghili panonguno ningu vilo lhepiye chekeu ghili ye kishi khave kya? AMPEU ye ningu phevae eno ningu ye Midiyami kikimiye qholo xu acheuvae.”