JEREMIYA 2:34 - BAIBEL (BSI)

³⁴ Nongu phiminiye kumlhomi eno kiumu pimipuamokemiqo jino dapusu ani, eno xulepuwukemiqo ji kumoke. “Ikemu hipau shivekethiu ghi,

Sumi Naga CL (Re-edited) Bible (BSI)

³⁴ Pimimo kemi kumlhomi no hepho ilo pükamo keghi nongu phiküzü lo pano küxü ji ithulue. Hikithipu shinamu

JEREMIYA 2:34 ပူးပေါင်းရင်းမြစ်များ

KUKAMI AKINIU 21:16

Manasse no amikuchomi kutomo ghiqhi pithivetsu keu jihno Jerusalem laghiqo ahjino nhakha qowu; paye Juda lo kuamiqo sasu asu-atu mllauve pekeu lono AMPEU mlo shikighideve tsu eno axine shikeu likhi kumono hitoi kutomo kuxu puwovetsuke.

KUKAMI AKINIU 24:4

tiye pano amikuchomiqo heqhi pithivetsu keu lonoke. AMPEU ye tipau ghenguno Manasse xine qhivetsu mlave.

IPEKULU 22:1

“Timi lakhino amshi momu bheri lakhi puka luni eno tipau heqhive momu jeve aye paye amshi lakhi thelilo amshi pungu eno bheri lakhi thelilo bheri bidi pesu lochile masa.

IPEKULU 22:2

Pano kiu pukalu keno tipau lochile masa. Pano kiumu kuha aye pukaluve keu lochileni ke ghenguno pa likhi pa kugha pesu aqemi lakhi shinikeu lo jeveni. Tsala pukalukeu lhoxu amshi, gadaha momu bheri huye akuxu shi ghi pano pighi aghiaye paye lhoxu lakhi thelilo kini pesu lochileni. “Kupkami lakhino putholo aki hexu ilo cheghi kelono pa heqhive namu tipauye kuquve amoe. Ikemu puchouno tishi aghi aye paye kuquvae.

ISAIAH 57:5

Nonguno nongu chine suboqo qholono ashi aji kutuqhakeu lono apiti kighishe lhouqo mlla cheni. Nonguno aghokitiqa phivilo atuki akeulo nongu tianuli pesu aghakishi heqhipe mlla chenike.

ISAIAH 59:3

Nonguye akimki, muqhumuza eno heqhi buqhi keu lono kuqu chenike.

ISAIAH 59:7

Nonguye pulhapuju kiuala alhoksa pughuqhi acheni, eno nonguye tipau shiniaye khekulhoshi acheni. Nonguye pimimo kemi heqhi buqhinike khilemu sukichile kuhae. Nonguno khile khile wuni keno hexapinikeu eno kutsapinikeu qhivetsu cheni,

JEREMIYA 19:4

Niye hipau shini putsake kughengu timiqono iqhive eno a-a hipau lono kutau lhouqo lau lhoxu heqhipe mlla puzu hipau-a kitiqeveke; alhou tipaqoye panoqo ghi momu pano puasuqo ghi momu Juda lo kukamiqo ghi kitilamu mthano achekeqoke. Timiqono pimimokemi ji pelevetsu keu pesu a-a hipau chhitoiveke,

JEREMIYA 2:33

Nonguye alojipumi papesu kishi haunikeno mutsuqheyino ithi ani. Totimi alhoksau kutolono nongu launo shikalu nanike.

JEREMIYA 6:15

Panonguno aphi kumqhupu hikithipu shikeu ghenguno panonguye kujo cheni kesha? Moe, panonguye kiumu kujo chemoe panonguye kujoke yeh ghi mthake. Ikehu kutamino ikiqiveke toi panongu ghi ikiqive nani. Ino panongu ghimeqhi aye tino panoqo shekha shive nani. Ni, AMPEU no piveake.”

JEREMIYA 7:31

Hinom khilalo panonguno akipti-a lakhi Tofet ipi keu shipe qhi, tishianguno panonguno pano nu ngo angaqo amilo heqhi mllaniyeke. Niye panoqo vilo hipau shilo pi ahza tsumoe, tiye ikukumsu loghi kuhake.

JEREMIYA 7:6

Tusumi ngo mighimgha eno chimemiqo shou akumou shikevilo. Ayeghi hipaulo kiumu shipuamokemi ghiqhi kevilo. Kutau lhouqo mllakevilo kughengu tipauno nongu kutsave nanike.

JEREMIYA 8:12

Iwu timiqo, nonguno aphikumqhupu hikithipu shikeu ghenguno nonguye kujoju akema? Moe, nonguye khilemu kujo chemoke: nonguye kujoke yeh ghi mthake! Tighenguno kutami veqhiveke toi nongu ghi veqhive nani; kughono ino nongu ghimeqhi nikeno tipauno nongu puhave nani. Ni, AMPEU no piqhiveake.”

AKUMLO 1:9

Li kimthekumoye li phiminilono ithuluve ani, ikemu liye ahasapu sholuniye akeu kumsujumoe. Lino vekiqhi akumsapuke, khunomu li lokughuno tsumlae. Aghumino toluvae eno liye AMPEU vilo kimiyetsu penike ighamukuke.

AKUMLO 4:14

Panonguye anhethi kighichemi toi alaghi lalo itsuche eno timi jino kitiqeve kehu khunomu panoqo phi bu msave.

EZEKEL 20:31

Ishi tsala kutolo nonguye puzuu akumllagho atho pesu mlla cheni eno amilo nongu tianuli heqhipe puzuu tho asu-atu julho mllakeu lono nongu kitiqeve anike. Tishive keghi nongu Israilmiye ipulouye kiu keno inijuniye ighi cheni kesha! Kuchouno, ni Akughushu MPEU ye xuakeu Lhou ke, niye nongu pelo ivilo kiumu khu pemo nanike.

EZEKEL 22:25

Tipaulo sakiphemiye abongushuno lhoxu heqhipe ngo puzu igha akeu toi ke. Panonguno timiqo heqhi, panonguno pisa kumtsu suwuve eno tinhemgha luvetsu cheni eno panonguno ghiqhikeu lono topuchimemi kutomo auvae.

EZEKEL 23:45

Amikuchomiye asalha shupu ngo ghikiqhi pesu timi tipaqo shou nguku puzu peive nani kughengu panonguno shupu salha acheni eno panoqo uye ajino hedapu anike.”

EZEKEL 24:7

Aphughilo ghiqhi heqhikeu anike ikemu tipaqo jiye ayeghi shou iji ikumoe, tiye ayeghi mukhulo daluveno ithumlaveni cheke; tiye atuqu thoqhaleikeu shou lepukuke.

EZEKEL 9:9

Alhou no ishi khochile, “Israil ngo Juda lo akemiqoye axine kuthoshi kuquvae. Panonguno aghakhu kumtsulo timi ghiqhi puakhani eno ghiqhi heqhi keuno Jerusalem chhitoivae. Panonguno pikeuno ni, AMPEU no pano ghakhu qhive eno niye panoqo jumovae pike.