JEREMIYA 2:3 - BAIBEL (BSI)

³ Israil, noye iwu likhike; noye ilulo xathi amsuuke. Ino oshipusakemi kumtsu shou aghime eno kutsakungo keu ino puwuke. Ni, AMPEU no piveake.”

Sumi Naga CL (Re-edited) Bible (BSI)

³ Israel ye Ampeu lau akimthe shiche, Paw ghilelo xathi amsüu. Ti chukemi kümtsü küqüve; pano shou ahaküsapu ikughive, ipi Ampeu no sheshu.”

JEREMIYA 2:3 ပူးပေါင်းရင်းမြစ်များ

IPEKULU 22:29

“Nongu thi, nongu tsayi-ji eno nongu wu oliv teli itsukepu do tove keulo nonguye pesu imllalo. “Nowu anu anoghiuno itsulo.

IPEKULU 23:16

“Nonguno ghile huthukeu ghulokilo Ghile Tiqhetini ikhilulo.”

ISAIAH 41:11

“Khunoqono oshou amlo ide anikeno tipaqoye tomovekeu kukujo ithi nanike. Khunono osasu aghushiani keno thi nani

ISAIAH 47:6

Niye iwu timiqo shou imlo ideke; panoqoye iwu kumo toi ino peitha veke; Ino panoqo pesu okukalo suve tsuke, eno noye panoqo kimiyeqhiyi keu piyemoke; kitemi ghi nono mughachhoi peithake.

JEREMIYA 12:14

AMPEU no pi, “Niye Israil cheaxumi khunoqono ino iwu timi Israilmi tsukeu yeghi shipusave keno tipaqo shou kiuala pikepu ani. Timi lhoksa kughami hupaqoye ino pano ghakhu lono ikhisawuve nani asubo akuhu lono nhuve keshi nani, panoqo launo ino Juda hakholuve nani.

JEREMIYA 2:4

Nongu Jakob laghaqo, AMPEU tsape inilo, nongu Israil shiayehqo,

JEREMIYA 30:16

Ikemu itehiye, nongu tsukuchumi kumtsu tsuchukhave nani, eno noghumi kumtsu akughumi shi sawuve nani. Nongu qoda chekemi kumtsu qoda qhive nani, nongu xulepu wuve kemiqo kumtsu xulepu wuve nani.

JEREMIYA 50:7

Panoqo ju ithulu kemi kumtsuno panongu haleqhike. Panoqo ghumino pi, ‘Panonguno AMPEU shou axine shike ike ninguno panoqo shou kiu shikeno tiye achipikumo keu kumoe. Pano puasuqoye AMPEU pukhupe xucheke eno panongu ghi pa lau amikucho shi ache kepushi ake!’

JOYIL 1:3

Notianuli vilo hipau pilo, panoqo pelo pano tianuli vilo pipelo, apasushi tiqheli lakhiu vilo piwonanike.

AMUS 6:1

Khunoqono Zion lo akuchhoma shi xuakhani eno Samaria tokujolo ililayi akhani keno tipaqo ghenguno ahasapuke, nongu, Israil shiayeh kije hipaulo kijemiqo; timiqono nongu kukuphu phuighi chekemiqo!

HABAKUK 1:11

Tipathiu panonguno amlhu toi jolesu cheve cheni, timi hipaqo lhouye pano kuka kumtoke.”

ZEKHARIA 1:15

niye ashiayeh khipaqono iquneyi eno alokughuno shiani keno tipaqo shou iloghu kighide ani; kughengu iwu timiqo shou iloghu be akelauye ashiayeh kutamino iwu timiqo shishe ghime auvae.

ZEKHARIA 2:8

Khukhumu nongu hekeuye ino kiukela akughupushi achekeu he anike.” Tighenguno Aqokitikhi MPEU no ashiayeh khipaqono pawu timiqo xulepuwuvekeno tipaqo lau asutsa hipau pewu penike ipuwuke:

AKIKIHI 18:12

“Ampe ampe lo Israilmino tuxatini ipeghikeu akiviu pesu itsukeu kumtsu pesu ino nongu tsu ani, tiye oliv teli, atsaiji eno athi.

Rommi 11:16

Asho sukupho atughiu pesu Alhou lau shikimthe keushiaye, ti ashopa akuchopu pa wu ake. Asubo lakhi kuhu pesu Alhou vehupulo peithape nikeu shiveaye alokaqo ghi pawu ake.

Rommi 16:5

Pama kilo akukuho shichekemi ghi petha tsu ani. Ino kimiyechekeu Epaneita, Asia yeghi kokutha bocholo Khristo pululukemi atughiuke pa ghi petha tsu ani.

Ephesiami 1:4

Tiye ayeghiqha lhomphi lono Alhou no ninguye pawu shipenike Khristo gholono ningu kishephevae, tishianguno ninguno pa zulo akimthe shichepe eno pimi pemoniyeke.

ZAKINIU 14:2

Nonguye AMPEU nongu Lhou wu timiqoke; ayeghilo timi xuakemi gholono pawu timi shipenike pano nongu kisheluke.

ZAKINIU 26:19

Pano ashiayeh lhoqhi puakeqo kumtsu nguno nongu pesu akijeu shitsu nani eno nonguno akishe ngo agigihu pa jelo sughi nani. Pano tushoqhive ketoi nonguye pawu timiqo shi nanike.”

ZAKINIU 7:6

Nonguye AMPEU Alhou timiqoke ghenguno hipau shilo. Ayeghilo timi kumtsu akeqo gholono Pano nongu pelo pawu pakutakemi shipenike kisheluke.

James 1:18

Pa likhi pa puloushi kuchou tsa pesu ningu pelo aghilupeke, tishianguno pano lhokeqo gholo amusuu xathi shilupeke.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

Piyeküsü 14:4

Timi hipaqoye totimi pelo pano kuxu shipusapemoe, kughengu panonguye akimthe shi acheke. Panongu ye Bheritino khilau wuni keno tipau papeche; xachile luve kemi timi hipaqo gholono amsumi shighi Alhou lau eno Bheriti lau pesu tsuvekemiqoke.