JEREMIYA 2:20 - BAIBEL (BSI)

²⁰ Akughushu AMPEU no pi, “Israil, puzuu nomu noye ikuka gha hebideke; Nono imlla nikeu eno igholu nikeu lo mopike. Naghuto qhemghai keu kumtsu eno asu minipho qholo nono lhoipeghi penikeu lhouqo mllake.

Sumi Naga CL (Re-edited) Bible (BSI)

²⁰ “Khaghi no I no ow kuokhasü hephove tsü eno o kütsüghaqo süthave tsü kemu nono pike, ‘Ni ye O qemoe.’ Iyei, atoghi kümtsü lo eno asübo kümtsü qholo nono kütüqhalimi toi ihozü ke.

JEREMIYA 2:20 ပူးပေါင်းရင်းမြစ်များ

KUKAMI ATUGHIU 12:32

Jeroboam no aqhi akutacheu lo atsala chighi pungulo pinyi kepu tsala kughuphetsu, tiye Juda yeghilo apinye hutoi. Bethel lo akumlla kipti alo khile pano amshitsu julho shisukeno akumllagho pesu tipau tsupe nikeu shi, pano shikeu chinekiqolo achinemi pelo Bethel lo ngope.

KUKAMI ATUGHIU 14:23

Panonguno kichileu lhou ghenguno akumlla-a shisuno tile atu tsukucho shosuno Ashera julho shipukuno atoghi eno asukicheqho kumtsulo mllapeni keu shie.

LESHELE 107:14

Panoqono akuzulo akeu lono pano saipeghi eno ayikichheyi hu mukhumuno shi kubovetsu.

LESHELE 2:3

Panonguno ishi pi, “Ningu tsughape puakeu lono vetha ipeveni eno panongu kichhekighi puthaipeveni nolo.”

LESHELE 78:58

Panonguno Alhou mthakeu kumlla ghola lono pa xukighide tsu, eno panonguno ajulho shisukeu huno pa loghu kighidevetsu.

IPEKULU 19:8

Tileno timi kumtsu no kumtsa puzu ishi khochile, “AMPEU no pikeu thwokha kumtsu ninguno shinie,” ike Muse no hipau pesu AMPEU lau pithilu.

IPEKULU 24:3

Muse no timiqo lau ighi puzu AMPEU no ahza tsukeu eno shilo pikeu tsa kumtsu pesu pike ike timi kumtsuno ishi khochile, “AMPEU no pikeu kumtsu ninguno shinike.”

IPEKULU 3:8

eno niye Ijipmi launo panoqo xaphelunike iqighivae eno panoqo sasu Ijip lono aghakhu aqha kivilo saipeghini cheni, tiye kinikulu eno aghuma kua yeghike, Kananmi, Hatimi, Amarimi, Perizimi, Havimi eno Jebusimi no kughuna achenike.

ISAIAH 1:21

Aphughi amikucho shi achekeu huye kutuqhalimi ilhouvae! Ghuthu lakhiye tipaulo timi akumzumino chhitoi acheke ikemu itehiye ghikiqhimi likhi acheuvae.

ISAIAH 10:27

Tipa ghuloki ighikelo, ino Asiriyami kuka launo nongu khaqhi pheve nani eno panoqo khoye nongu bighi qaqhikithemove nani.”

ISAIAH 14:25

Ino Israil yeghi lono Asiriyami kutsave nani eno iwu naghuto lono panoqo qodaneda nani. Ino iwu timiqo Asiriyami makho pu chekeu lono eno ape puchekeu lono khaqhipheve nani.

ISAIAH 9:4

Kughengu panoqo qaqhichekeu makho nono kubolevetsuke eno pano bighi ghaqhichekeu kussu hechhevetsuke. Nono kha-aghi Midiami toluveke toi owu timi qodaqhi chekemi shiayeh toluveke.

JEREMIYA 13:27

Nonguye pano jumithiche keu thime shi aghikeu pano ithuluvae. Nonguno timi lakhino pa kusami nipu juminekeu momu khurshitsuno aqu pape keshi naghutoqolo inapughami lhouqo lau wukeu eno aluzalo wukeu pano nongu ithuluvae. Jerusalem lo akemiqo, nongu hakusapu shivae! Nonguye kughono muqhamiqhiyi nani kya?

JEREMIYA 17:2

Nowu timiqoye asubo phivilo ngo atoghi kutsuqalo eno aluzalo naghuto kutsuqalo Ashera lholiu ghenguno akumlla kiptia ngo jumichi shipuakeulo mlla cheni. Nonguno noyeghiqhalo axine shivekeqo kumtsu ghenguno ino noghumi pelo nowu kinikulu ngo pekutsukishe puakeu jeli ikhi suwuve pe nani.

JEREMIYA 2:31

Israil lo akemiqo, ino kiu piani keno inijulo. Nongu lau niye asayeqha lakhi toive, momu zumoi akumsapu yeghi lakhi toive kesha? Tishiaye nonguye kushiye nongu pulou shinikeu pi kya? Nonguye khilemu ilau ideighimopi pikya?

JEREMIYA 3:13

Okuyiqu likhi ithichilelulo eno noye AMPEU oLhou shou hebideve kepi ithilulo. Asu minipho kumtsu qholono nono inagha lhouqo lau owu kikimiye tsuve eno noye ino ahza tsukeu papelumove kepi piphevelo. Ni, AMPEU no piqhi ani.

JEREMIYA 30:8

Aqokitikhi MPEU no piani: “Kughono tipa tsala ighini keno panoqo kuolo kuokhasu veho puakeu ino kuboleve tsu nani eno panoqo yikichhe ikhivetsu nani, eno panonguye khilemu inaghami quaxemi shimo nani.

JEREMIYA 5:5

Ino kijemiqo lau wuni eno panoqo putsani; mutsuqheyino panonguye Alhou no panoqo launo kiu khu ani keno ithi aghi nani, AMPEU no panoqo pelo shipeni shikeu ithi aghi nanike.” Ikemu panoqo kumtsuno AMPEU kuka peveke eno pa gholuni keu mopike.

EZEKEL 16:28

“Noye kutami sasu salha aghaqimo ke ghenguno Asiriyami papesu poche nike. Noye panoqo sasu ghi salhakicheu ke ikemu panoqo sasu ghi oghaqimoveke.

EZEKEL 16:31

Alaghila kumtsulo nono asu-atu julho kumla-a shipe qhicheni eno salha acheni. Ikemu noye kusalhami kutami toi pisa ghenguno salhake kumoe,

EZEKEL 16:41

Panonguno okiqo pitileve nani eno totimi muqo pelo oghimeqhive keu jupe nani. Nono salha shupu chekeu ino lakhave tsu nani eno nono olojipumi lau agho tsuchekeu lakhave nani.

EZEKEL 20:28

Ino panoqo tsuniye tushoqhive keu yeghilo ino panoqo saghike. Ikelaye, kughou panonguno atoghi qhemghai keu eno asu minipho ithulu keno panonguno tipaqo kumtsu-alo heqhipe mllaukhave. Panonguno lhoxu heqhipe pitikeu eno akumllagho atsayiji peighikeu huno ipelo aloghu idevepeke.

EZEKEL 23:5

Ohola ye iwu shianamu, liye kusalhami shi acheuve eno Asiriya lo li lojipumi ju ighe keuno chhitoi ache.

HOSIYA 1:2

Atughushi AMPEU no Hosiya vechewo Israilmi vilo ishi pike, “Wuno anipu lakhi lulo; onipuye amikucho kumomi lakhi shi nani eno otianuli ghi li paphi shi nanike. Tipa tho lono iwu timiqoye iqhiveake eno amikucho kumomi shiwuveake.”

HOSIYA 2:5

kughengu panoqo pazano salhashupuke eno kujomza kepu ghushoghili shike. Lino ishi pike, “Niye ilojipumi khunoqono chuqu kusho itsu cheni, akuluphi, phepheyikeu phi itsu cheni eno oliv teli ngo atsayiji itsu cheni keno tipaqo lau wunie.”

HOSIYA 3:3

Ino li vilo pikeuno liye kutuqhalimi momu salhamo puzu ado kushuwa ikhe kepu shi nani kepi li vilo pi; eno tipa ghulokilo ino li khenikeu pike.

HOSIYA 4:13

Naghuto kutsuqalo achine-alo panonguno lhoxu heqhipe mlla cheni eno atoghilo chuqumughai eno sukhosuzai keu suboqo qholo panonguno tsungquikeu ta pitikumna cheni kughengu asubo kicheqholo aloponyi kehuke! “Tishikeu lono nonga noqoye kutuqhalimi shi peithauve eno nomukishiu noqono salhake.

HOSIYA 9:1

Israil lo akemiqo, ashiayeh kutamiqo toi ahukulushi tiqhetini shi akevilo. Nonguye nongu Lhou launo tsughusu wuvae eno pa lau amikucho kumo shiauvae. Kusalhami toi aghakhuqha kumtsulo nonguye Baal lhou lau nolikhi no-jesuvae eno pano athi pesu ame shi-ghi nongu tsukepi nonguno kumsuchekeu alokutu acheni!

ACHINE 26:13

Ni, nongu Lhou AMPEU no Ijip lono nongu saipeghike tishianguno nonguye aquaxemi shikithe pemoniyeke. Nongu sunheqhipe akeu kuka ino kubolevetsuke eno nongu pelo akutsu peqhe pesu chewulu peke.”

NAHUM 1:13

Itehiye Asiriya kuka nongu shou akeu kishekhave tsu nani eno nongu tsugha puakeu ayikighi suthavetsu nani.”

ZAKINIU 12:2

Nonguno ngoluve niye akeu yeghilo, timiqono khilehino panoqo lhou mlla acheni keno, naghuto kutsuqalo, atoghilo eno asuminipho qholo a-a aghikeu kumtsu kutsalevelo.

ZAKINIU 15:15

Nonguye Ijip lo aqemi shi ache kelono AMPEU no nongu khaqhiphe kepi kumsululo tighenguno ino itehino ahza hipau nongu tsu anike.

ZAKINIU 26:17

Ishi tsalalo nonguno AMPEU noLhou kepi ithithai shiluvae; nonguye pa gholuni ke, pa yezah kumtsu peluni keu eno pano ahza tsukeu kumtsu shini keu nonguno tushoqhivae.

ZAKINIU 4:20

Ikemu nonguye pano Ijipmi miphoki lono ishi tsalalo nonguno pawu shi aketoi nonguye pawu timiqo shipenike pano saipeghike.

ZAKINIU 4:34

Nongu Lhou AMPEU no Ijip lo nongu lau shike toi alhou khualano msamo puzu ashiayeh lakhi launo timi aqo lakhi salu no pawu timiqo shilu pekeu anima? Nongu nhekithe lono pano pa kuka akumto peithake; pano pusa ngo aghukishi saghike, akichiqhi akumzapu kumla shike eno akumsa akuighupu shipeke.

ZAKINIU 5:27

Muse, nono idewolo eno AMPEU niLhou no pikeu kumtsu inilo. Tithiuno ideghi puzu pano ovilo pikeu nivilo pilo. Ningu no initsunike eno pape nike.’

JOSHUA 1:16

Panonguno Joshua khochile, “Nono nivilo pikeqo kuchopu nino shinie eno nivilo khile wulepi keno wunie.

JOSHUA 24:24

Timiqono tithiuno Joshua vilo pi, “Ninguno ningu MPEU Alhou qenie, ninguno pa zah kutsuqo gholunie.”

JOSHUA 24:26

Joshua no Alhou yezah kakulo hipaqo yesu. Tithiu pano atuqu kije lakhi ikhilu eno AMPEU wu akimthe alo aphisubo qholo shosuve.

Piyeküsü 17:1

Tileno kungumi tsuni abohu tsuni peakeqo gholo lakhino ilau ighino ishipi, “Ighilo, azu kutomo shou iqa akeu ngosukumlau ashupuu shou kughatha keu ino opiyeni chenike.

XAKUTHAMI 10:6

Itaghi Israilmi ye Baal ngo Astarot likhi kumono Siriya, Sidon, Muab, Amun eno Filistiya lhouqo mllau khaveno AMPEU zulo axine shikhave. Panonguno AMPEU pheveno pa mllamove.

XAKUTHAMI 2:11

Tipathiu Israilmiye AMPEU zulo axine shiuveno Baal mllau khave.

XAKUTHAMI 2:13

Panongu ye AMPEU mllamove eno Baal ngo Ashtar lhouqo mllau khave.

SAMUEL ATUGHIU 12:10

Tishikeu lono panonguno AMPEU lau igha kuphu tsulepi khu eno pi,’Ninguye axine shive kughengu ninguno olauno tsughu susu poveke, AMPEU! ipuzu Baal ngo Astar lhou mllauve. Ni ghumi ulono ni xaphelu tsulo, tishiaye nino omllanie!’