JEREMIYA 19:4 - BAIBEL (BSI)

⁴ Niye hipau shini putsake kughengu timiqono iqhive eno a-a hipau lono kutau lhouqo lau lhoxu heqhipe mlla puzu hipau-a kitiqeveke; alhou tipaqoye panoqo ghi momu pano puasuqo ghi momu Juda lo kukamiqo ghi kitilamu mthano achekeqoke. Timiqono pimimokemi ji pelevetsu keu pesu a-a hipau chhitoiveke,

Sumi Naga CL (Re-edited) Bible (BSI)

⁴ Kughengu timiqo no I pheve no panongu eno pano puasüqo momu Judah kükami nomu mtha keu kütami lhou lau akümllagho tsüwuve keu lono a-a hipau shipixivae; eno pimihami ji pele keu pesü a-a hipau chhitoivae,

JEREMIYA 19:4 ပူးပေါင်းရင်းမြစ်များ

KUKAMI AKINIU 21:16

Manasse no amikuchomi kutomo ghiqhi pithivetsu keu jihno Jerusalem laghiqo ahjino nhakha qowu; paye Juda lo kuamiqo sasu asu-atu mllauve pekeu lono AMPEU mlo shikighideve tsu eno axine shikeu likhi kumono hitoi kutomo kuxu puwovetsuke.

KUKAMI AKINIU 23:10

Akukau Josia no Hinnom qalo Tofet mllache keu-a ghi hexavetsu, tishino khuu pelomu anu momu anga pesu ighino Molek lhou lau akiptia kumllagho tsupe nikeu shimove.

KUKAMI AKINIU 24:4

tiye pano amikuchomiqo heqhi pithivetsu keu lonoke. AMPEU ye tipau ghenguno Manasse xine qhivetsu mlave.

LESHELE 106:38

Panonguno pimimo mithe kemi anuliqo pithive keu ghenguno ayeghiye ghikiqhimino shipixi veke.

ISAIAH 59:7

Nonguye pulhapuju kiuala alhoksa pughuqhi acheni, eno nonguye tipau shiniaye khekulhoshi acheni. Nonguye pimimo kemi heqhi buqhinike khilemu sukichile kuhae. Nonguno khile khile wuni keno hexapinikeu eno kutsapinikeu qhivetsu cheni,

ISAIAH 65:11

“Ikemu nongu iqhiveno Zion ikimthe toqhi gihumoveno anguksa lhou Gad ngo Meni mlla chekemiqoye pakutakeu anani.

JEREMIYA 1:16

Ino iwu timiqo ghimeqhi nani kughengu panonguno axine shike; panonguno ipheveno kutau lhouqo lau akumllagho heqhi tsuke eno ajulho shisuno tipaqo mllake.

JEREMIYA 11:13

Juda lo akemiqoye pano phughi khije akeno tijejehi alhou kutomo ache eno Jerusalem lo akemi ghi pano phughilo alaghila khije akeno tijejehi aphikumqhupu Baal lhou lau heqhi mllakepu akipti-a kutomo ake.

JEREMIYA 15:6

Nowu timiqono ipeive nonguno ilau nongu zupo kughopuwo tsuke. Ike ino i-u chhopuwo nongu munuqhike kughengu niye iloghu ghasukeu lono ingaveke.

JEREMIYA 16:11

Tileno panoqo vilo AMPEU no ishi pike pilo, nongu puasuqono ilauno tsughusu wuve eno kutau lhouqo qe eno mllauveke. Panonguno iqhive eno ino kutsupiyekeqo hebideveke.

JEREMIYA 17:13

AMPEU, noye Israil wu lajupuke; Oqhivekemi kumtsu kujo mzavepe nani. Ayeghi mukhulo aje yepuku puakeu toi panonguye hauve nani, kughengu panonguno no, AMPEU, akuxu zupuki qhiveke.”

JEREMIYA 17:20

Juda lo kukami ngo Jerusalem lo kughuna akemi eno akikha hipaqolo ilokemiqo vilo ino kiu pini keno inilo pilo.

JEREMIYA 18:15

Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,

JEREMIYA 2:13

kughengu iwu timiqono axine kini shivae: panonguye ni azu kuxu zupuki launo tsughusu chevae, eno panonguno atu tughuko chhu ani, ipovekeu tughuko loye azu mighepe puamla nanike.”

JEREMIYA 2:17

Israil, olikhi nono oshou hipau sughike! Ni nongu Lhou AMPEU hu, ala kupujulo ino nongu sachekeghi nonguno ipheveke.

JEREMIYA 2:19

Nolikhi nolhoksano nongu ghimeqhi nani, eno nonguno ilauno tsughusu wuvekeuno nokideqhive nanike. Ni nongu Lhou AMPEU phevekeu eno ikidiu amikucho shi xuche- move aye kiutoi kukhu kimji eno alomo kepu keno nonguno ithilu nani. Ni Aqokitikhi MPEU Akughushuuno piveake.”

JEREMIYA 2:30

Ino nongu ghimeqhiju kemu kiumu akivipu shimlake; nonguye ipelo nongu achipiulo shikithetsu pemoke. Abongushu loghu toi, nonguno nowu tungkupumi ghiqhiveke.

JEREMIYA 2:34

Nongu phiminiye kumlhomi eno kiumu pimipuamokemiqo jino dapusu ani, eno xulepuwukemiqo ji kumoke. “Ikemu hipau shivekethiu ghi,

JEREMIYA 22:17

Ikemu noye olikhi osala phukeu lo likhi amlo tsuke; kiumu pimimokemi nono pithive cheni eno owu timiqo heqhi buqhi qoda cheni. AMPEU no piveake.

JEREMIYA 22:3

“Ni, AMPEU no nongu vilo kiuno achipiu eno amikucho keno tipau shilopi ahza tsuke. Pukaluvekeu launo pukaluvetsu keu timi hu susholu lo. Inaghami, mighimghaqo momu chimemiqo peithapusa momu qodaqhi kevilo; eno akimthe-a hipaulo pimipuamo kemi heqhi pithi kevilo.

JEREMIYA 26:15

Ikemu hipau mutsuqhei shilulo: Nonguno iheqhi pithive aye, nongu ghi eno aphughi hipaulo timiqo ghi pimi puamokemi heqhi pithivekeu kuyiqu shive nani, kughengu hipatsa pesu nongu kutughu peniye ipuwukeu huye AMPEU noke.”

JEREMIYA 26:23

Panonguno akukau Jehoiakim lau pa sasu ideighikelo paye heqhi pithivepe eno pa phimpiye mishi kumo kuqhoalo vesuveke)

JEREMIYA 44:3

Kughengu tipaqolo achekemino alhoksa shiveke eno ipelo amlo idevepeke. Panonguno kutau lhouqo lau lhoxu heqhipe mllake eno panongu ghi nongu ghi momu nongu puasuqono khilemu mllachemo keu lhouqo qeu khaveke.

JEREMIYA 5:6

Tighenguno aghasa lono abongushu qono panoqo tsuve nani. Asayeqhalo tungtughano panoqo sutha piniyive nani, eno angushuno pano phughilo miqe auve nani. Timi hupaqono khalau ipeghiaye panonguye kishitha pinyive nani, kughengu panoqo xineye kumzapuke eno panonguno tamono Alhou launo tsughu chilewuveke.

JEREMIYA 7:6

Tusumi ngo mighimgha eno chimemiqo shou akumou shikevilo. Ayeghi hipaulo kiumu shipuamokemi ghiqhi kevilo. Kutau lhouqo mllakevilo kughengu tipauno nongu kutsave nanike.

JEREMIYA 7:9

Nonguno puka, ghiqhi, salhashupu, tushoqhi kelo akimki tsa pi, Baal lau lhoxu heqhipe mllake eno nonguno puzuu mthakeu lhouqo mllake.

AKUMLO 4:13

Ikemu liwu tungkupmino axine shive eno achinemino kuqukeu ghenguno pimimokemi pithive kepu shiveke.

EZEKEL 20:26

Ino panoqo pelo pano kumllagho pesu panoqo kitiqevepe eno ino panoqo pelo anu anoghiuqo heqhi mllapeke. Hiye panoqo ghimeqhiniye ke eno niye AMPEU kepi panongu piyeniyeke.

EZEKEL 7:22

Kughou ichineki amekusho jeli achekeu shipixi akelo niye panoqo launo igi kungusu wuve nani; kupkamino hepho ilo puzu tipau shipixi nani.

EZEKEL 8:11

Israilmi sakiphemi lhotsuni tile ae, tipa gholo Safan nu Jazaniya ghi ake. Panongu milakhi khino tsungquita kiptibo lakhikhi peae eno tungquita lono amchhi phoikughi ake.

DANIEL 11:31

Pawu ghushimiqo dolo khamino achineki lono shipixi keu kumla shi nani. Tsala kipetsu ghiqhino mllachekeu lakhave tsu nani eno tilehi Jukikichipu qhitsu nani.

Luke 11:50

Tishikehu tungkupmi jih khije ayeghi lhoke lono pelepe puani keno,

ZAKINIU 13:13

noshiayehlo ame kuhamithe kemi khamino taun lo akemi musu sasu nonguno khilemu mlla chemokeu kutau lhou mllanike sawuve keu nonguno chiluvike.

ZAKINIU 13:6

“Othikuzuu, onu, onga momu nono kimiye chekeu nipu momu oshou kuchou namu tuqhouno ovilo kutau lhou mllanike ohakite aghiluvike, nongu eno nopuasuqono khilemu mlla chemo keu lhou mlla peniye shi aghiluvike.

ZAKINIU 28:20

“Nonguno alhoksa mla eno AMPEU milive aye pano kutsakungo keu, kubangu keu eno akupuna nonguno mla itha keu kumtsulo sughi tsu nani, tiye papashi eno qhoi nongu kutsale khavemoke kutolo tishi nani.

ZAKINIU 28:36

“AMPEU no nongu eno nokukau sasu inaghami yeghilo, khile nongu na nopuasuqo pinamu xuju mphi keu-a-lo sawuve nani; tilau nonguye asuatuno shikeu lhouqo qeuve nani.

ZAKINIU 28:64

“AMPEU no ashiayeh kumtsu gholo nongu kuthole puwuve nani, ayeghi aku lakhi lono lakhi kutolo puwuve nani, tilau nonguye asu atuno shikeu lhou qeuve nani, nongu na nopuasu namu khilemu puzuuye mlla mphi keu lhouqo mllauve nani.

Piyeküsü 16:6

Panonguno Alhou wu timiqo ji eno tungkupmi ji pelecheke, ikehu nono panoqo pelo ahji yepeniye tsu anike. Panonguno ithulu kuzupu shiakeu panonguno ithulu anie!”

XAKUTHAMI 5:8

Israilmino kutau lhou kithe kisheluve ikehu aghakhu lo aghukishi ipeghive. Israil lo timi 40,000 wuke dolo khuwano azuto momu angupa pewu keshea?