JEREMIYA 19:13 - BAIBEL (BSI)

¹³ Jerusalem lo aki akeqo, Juda lo kukamiqo ki eno aki khijehi kutsuqalo tsungquikeu ta pesu ayepuqo lau pitikumna cheni eno khilehino kutau lhouqo mllakeu shi aji peleqhi cheni keno tipaqo kumtsu Tofet toi mithekumo shive nani.”

Sumi Naga CL (Re-edited) Bible (BSI)

¹³ Jerusalem ngo Judah kükami kiboqo eno aki khijeno akütsüqa lono akümllagho pe aqhi ayepu mllauve, eno atsaiji kümllagho pesü kütau lhouqo lau lephetsü keno, kümtsü Topheth toi kitiqevae.’”

JEREMIYA 19:13 ပူးပေါင်းရင်းမြစ်များ

KUKAMI AKINIU 17:16

Panonguno AMPEU panongu Lhou yehza kumtsu hephoveno ayino amshitsu julho ghi shisupe qhi, ayepuqo mlla eno Baal lhou mllaukhave.

KUKAMI AKINIU 23:10

Akukau Josia no Hinnom qalo Tofet mllache keu-a ghi hexavetsu, tishino khuu pelomu anu momu anga pesu ighino Molek lhou lau akiptia kumllagho tsupe nikeu shimove.

KUKAMI AKINIU 23:12

Juda lo kukamino akukau Ahaz no achekeu ki tsuqalo akumlla kiptia shikeu ghi akukau Josia no xalevetsu eno tipau gholo akukau Manasse no shipuku keu kumlla kiptia eno ti Achinekilo kughaki kini kuma ghi mukhumuno shi kubo piniyive tsuno Kidron Khila lo pelevetsu.

KUKAMI AKINIU 23:14

Akukau Josia no atu tsukuchoqolo Ashera julho shisu puakeu eno khilehi timi saghino nhano qhopepuakeno tipau shou atu tsukucho susu puakeu kumtsu tulapiniyive eno kubo piniyivetsu.

LESHELE 74:7

Panonguno ochineki shipusa puzu ami suvetsu; khipa-alo omlla cheni keno shikuchhubeve tsuke.

LESHELE 79:1

O Alhou, ophimokemino oyeghi leighivae, Panonguno okimthe chineki shipixivetsu eno Jerusalem ye hepho pinyivetsuae.

ISAIAH 22:1

Hiye Kungunhetsu Khila ghenguno atsape lakhike. Kiu shivepi ani kya? Kushiye aphughilo timiqoye kumtsuno aki kutsuqa lono ahukulu shi alovi akhani kya?

JEREMIYA 19:12

Ino tushoqhi ani hipau phughi ngo hile kughuna akemiqo pesu Tofet toi shivetsu nani.

JEREMIYA 32:29

eno ami pesu pitile nani. Panonguno tipau gholono aki kutau ghi pitile kuqha nani, timiqono aki kutsuqo lono Baal lau tsungquikeu ta pitikumna eno kutau lhouqo lau aji kumllagho leqhi tsukeu ghenguno imlo shikighideke.

JEREMIYA 44:18

Ikemu Atsutsu Kukaliu lau lhoxu heqhi mllamove kelauye eno aji pesu akumllagho shi li lau leqhitsumove kelauye ninguye kiumu kuhaveke eno niwu timiqoye aghukishi ngo akhuava lono thiveke.”

JEREMIYA 52:13

Jerusalem lo pano Achineki ngo Akukau kighiki eno timi akhotomiqo ki kumtsu pitilevetsu;

JEREMIYA 7:18

Itimino sukughupu su pesu ighi, timi qono ami shipe qhi eno totimiqono asho kununo panonguno kungugha kukaliu ipichekeu lhouliu ghenguno asho shiniyeke. Ighuzaniye panonguno kutau lhouqo ghenguno mllakeu tsayiji ghi leqhitsuke.

JEREMIYA 8:2

Tipaqo hekutsu pesu qhovenike zuqhulo panoqo saghiye aghuma toi ayeghi shou dapesu anani. Tipaqoye tsukinhe ngo, aqhi eno ayepu zulo kuthole pesu qhinani, timi hipaqono thime hipaqo kimiye eno qe achenike eno panonguno hipaqo putsawu eno mlla achenike.

EZEKEL 20:28

Ino panoqo tsuniye tushoqhive keu yeghilo ino panoqo saghike. Ikelaye, kughou panonguno atoghi qhemghai keu eno asu minipho ithulu keno panonguno tipaqo kumtsu-alo heqhipe mllaukhave. Panonguno lhoxu heqhipe pitikeu eno akumllagho atsayiji peighikeu huno ipelo aloghu idevepeke.

ZEFANIA 1:5

Khuno aki kutsuqalo ikupuzu aqhi, tsukinhe eno ayepu mlla nikeno ino kutsaleve nani. Khunoqono imlla cheni eno igholu akeu shoqhi shicheni ikemu tishi puzu Milkom lhou jelono ashoqhi shicheni keno ino tipaqo kutsaleve nani.

Apostolmi 10:9

Thoghiu, timi tipaqono chesuwo Jopa toni chekelo, Pitor ye akighini shinike puchou aki kutsuqalo iku.

Apostolmi 7:42

Ikemu Alhou no panoqo launo ighosu wuve eno panoqo pelo atsutsulo ayepu yesu akeqo mlla penikeu shivepe, ti tungkupmi kakulo ishi yepe puakeu hutoi, ‘O Israilmiqo, ampe lhobidi dolo asayeqhalo, Nonguye Lhoxu heqhi eno akumllagho pesu ilau ighi kesha?

ZAKINIU 4:19

Atsutsu lo kiu ithulu ani keno tsukinhe aqhi momu ayepuqo mlla eno qenikeulo msuluve pekevilo. AMPEU nongu Lhou no timi kutami pelo tipaqo mlla penike tsuve ake.