JEREMIYA 18:8 - BAIBEL (BSI)

⁸ ashiayeh tipauno alhoksa kudauno tsughusu wuve aye ino kiu shini pipuakeno niye shimove nani.

Sumi Naga CL (Re-edited) Bible (BSI)

⁸ I no ghutuve keu shiye no alhoksa kümla lono xaideve aye, I no amhekiqi kümla shini pi kughuve keu lono I kükümsü kilive nani.

JEREMIYA 18:8 ပူးပေါင်းရင်းမြစ်များ

YEKIKITHI AKINIU 12:6

Akukau ngo sakiphemino panonguno axine shivea kepi ikhiluno panonguno pi, “AMPEU no shi akeuye achipi ke.”

LESHELE 106:45

Panoqo ghenguno pawu puloshoqhi kumsuchilelu, eno pawu kikimiye kije akeu lono pa mlo ighiveche.

LESHELE 135:14

Kughengu AMPEU no pawu timiqo saphu nani, eno paqemi shou kimiyeqhiyikeu anani.

LESHELE 90:13

Ologhu kighide khitotohi acheuve nani kya? O AMPEU, oqemiqo lau kupukeu alo!

IPEKULU 32:12

Kushiye Ijipmi pelo nono owu timiqo Ijip lono saipe puzu naghuto lono panoqo qhoi kutsa venike akupughu shike ipi piapeni kya? Ologhu idetsu kevilo; okukumsu kilive tsulo eno owu timiqo shou kutsa kungo keu puwutsu kevilo.

IPEKULU 32:14

Ike AMPEU no pa kukumsu kilive eno pawu timiqo shou kutsa kungo nikeu shi shikichi akeu sughimove.

JEREMIYA 12:16

Tipathiu panonguno amlo kuchopu pesu iwu timiqo chineyeh ikhilu eno panoqono, ‘AMPEU no xuanike’ ipi tushoqhi aye, puzuu panonguno Baal jeku ghi tushoqhi keu iwu timi shika che kemu tithiuno panongu ghi iwu timi muqo shilu anguno kinikulu shi nanike.

JEREMIYA 15:6

Nowu timiqono ipeive nonguno ilau nongu zupo kughopuwo tsuke. Ike ino i-u chhopuwo nongu munuqhike kughengu niye iloghu ghasukeu lono ingaveke.

JEREMIYA 26:13

Nonguye nonguno xu chekeu laghi eno mla itha chekeqo kililuve masake eno AMPEU nongu Lhou ghokulu shimasake. Nonguno tishi aye pano nongu shou kutsale nikeu pipuakeu pa kukumsu kilive nani.

JEREMIYA 26:19

Akukau Hezekiya ngo Juda lo akemiqoye Mika pithiveke kumoe. Tishinike zuqhulo, Hezekiya no AMPEU sumsave eno pa pulou shilu nike pukaputsake. AMPEU no panoqo shou kutsakungo keu sughi nikeu shi pipuakeu lono pa kukumsu kilive. Itehi ghi ninguno ni likhi nishou akumsapu kutsakungo keu sughiniye anie.

JEREMIYA 26:3

Ishiake timiqoye initsu luvike eno pano laghi lhoksa pheve luvike. Tishiaye ino panoqo shou pano kumla lhoksa ghenguno kutsalekeu sughiniye kughuchhope ino kumsu pu akeu kilive luvike.”

JEREMIYA 36:3

Ishiake, kughono Juda lo akemiqono ino panoqo shou kutsalekeu kumtsu sughiniye kutope akeu chilunikeno panonguye panoqo laghi lhoksa qhiveno ideighive luvike. Tileno ino panoqo lhoksakugha eno panoqo xine pevetsu nanike.”

JEREMIYA 42:10

‘Nonguno aghakhu hipaulo xu achenishi aye ino nongu xaqhepuku nani eno nongu tuleqhivemo nani; ino nongu shosu nani eno nongu nhuvemoke. Ino nongu shou kutsakungo keu sughikeuno imlo ghime kije shivetsuake.

EZEKEL 18:21

“Alhoksami lakhino axine shimove puzu iyezahqo peluaye, kiuno achipiu eno akivi keno tipau pano shiaye paye thimo nani mutsuqheino paye xulu nani.

EZEKEL 33:11

Panoqo vilo pilo ike kuchouno niye xuakeu Lhou ke ghenguno niye axinemi lakhi thikeulo aghaqi chemoe. Niye pa pelo axine lono tave penishike eno xuluve penishike. Israil, nonguno alhoksa shiakeu tavelo. Nonguye kushiye thiani kya?

EZEKEL 33:12

“Thinikuau timio, itehiye Israilmi vilo pilo, ike kughou alokemi lakhi axine shi aye pano akivi shipuakeu huno pa xaluni chemoe. Tsala alhoksami lakhino alhoksa shimove aye pa ghimeqhi move nanike eno kivimi lakhino axine shithuve aye pa kuxu puxutsumo nanike.

EZEKEL 33:13

Ino timi kivimi lau akuxupu tsu nani kepi piqhi puaghiluvi ikemu pano wovekeu ghulokilo akivi shipuakeu lumkha kepi kumsu thuve puzu axine shithuve aye pano akivi mula puakeu lakhimu niye kumsulu tsumo nani. Paye pa xine ghenguno thi nani.

EZEKEL 33:14

Timi lhoksami vilo paye thi nani kepi ino kutughu aghiluvi ikemu tsala pano axine shimove puzu achipiu eno akivi shicheuve aye,

HOSIYA 11:8

“Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

AMUS 5:15

Alhoksaye kiu keno tipau jumithilo eno achipiu kimiyelo eno kughakutha-alo achipiu xakutha achepelo. Ishiake, AMPEU no hipau shiayehlo timi puxupe puaghikemi shou kupu kimiye luvi ke.

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

ZAKINIU 32:36

AMPEU no pawu timiqo xaphelu nani tiye pano kuka kuhave keu pano ithulu kethiuno. Paqe chekemi shou pano amlo ighiqhiyi keu anani; tiye panoqoye akukuphu kuhakeu pano ithulu kethiuno.

XAKUTHAMI 2:18

Kughokughomu AMPEU no xakuthau lakhi tsu aye, AMPEU no pa kuphuno aghumi ulono timiqo xaphe luno pa kuxu tivilo aloinolu chepeke. Ghichhe ghimeno qhasupe akeu lono igha khuke ghenguno AMPEU no panongu kimiyeve cheke.