JEREMIYA 18:11 - BAIBEL (BSI)

¹¹ Tishiaye, itehiye Juda lo ngo Jerusalem lo akemiqo vilo niye panoqo shou akumou shinikeu pughupe ani eno panoqo ghimeqhi nikeu kutope anike pilo. Panoqo vilo axine shikeu kuxu qhivelo pilo eno panongu laghi kililuve eno panoqono shichekeu kililuvelo pilo.

Sumi Naga CL (Re-edited) Bible (BSI)

¹¹ Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

JEREMIYA 18:11 ပူးပေါင်းရင်းမြစ်များ

BOTHUBO 11:7

Ighilo, ningu aqhou iqino panongu tsa kubangu vetsuni nolo, tishianguno panongu lakhino lakhi tsapi ithi pemonie.”

KUKAMI ATUGHIU 22:23

Mikaiya no kishekha ghi pi: “Hi shipe puani. AMPEU no owu tungkupumi pelono opishiqhive anipeke. Ikemu pano pi akeuye noye avekusa sholuni cheni pi anie!”

KUKAMI AKINIU 17:13

AMPEU no pa ghinimiqo eno tungkupumiqo hapuwuno Israil eno Juda ghutu tsu: “Nongu laghi lhoksaqo phevelo eno izahkutsu khikhi Ayehza kakulo anikeno, khipau ino nongu puasuqo eno iqemi tungkupumi vechewono tsukeno tipaqo yehza ghokulu shilo.”

KUKAMI AKINIU 22:13

“Wuno AMPEU launo ighenguno eno Juda lo timi kumtsu ghenguno kaku hipaulo kukutsu ghili iniju sughilo. AMPEU ye ningu lau aloghu ide ani kughengu ningu puasu kaku hipau lono shilo pikeu mlamove.”

KUKAMI AKINIU 5:5

Akukauno pi, “Israil kukau lau wulo eno yesu hipau pa tsulo.” Tighenguno Naaman no tsandiyi, shuna muqo 30,000 eno aphimini kuzuqhu kuzuli shikulupu chighi ishi pesu chewu.

ISAIAH 5:5

“Niye itsayilu pesu hiu shiniake; niye tipau veho putumuxa puakeu ikhiveni, tipau susholupe nike aliwo shikeu tuxapinyiveni eno tughashi pelo tipau mzachuve peni eno qodanedave peni.

ISAIAH 57:1

Amikuchomi thive cheni eno khunomu tipau amlolo kumsupu move cheni. Ikemu kughou panono thini keno shiluksa kitikhi kiunomu pano ghuzamlake.

JEREMIYA 11:11

Tighenguno itehiye, ni AMPEU no panoqo kutughu ani niye panoqo shou kutsakungo keu sughini cheni eno panonguye povemla nanike. Kughou panonguno kuphupe nike ilau ighamukuni keno niye panoqo ghugha initsumo nani.

JEREMIYA 11:19

Niye bheriti lakhi ghiqhiveniye akeu mtha puzu pulube akeu toike, panonguye ishou alhoksa jeli kughupe akeu niye muthano ake. Panonguye ishi piacheke, “Asubo akivishi aphi lono ninguno yeqhiveni nolo; ningu pa ghiqhiveni nolo tishianguno khunomu pa kumsuchile mlave penike.”

JEREMIYA 18:18

Tileno timiqono pi, “Jeremiya shou kiuala shiveni nolo! Achinemino pulhapuju ayezah nikutsu nani, alokutsumino kumsukulu nitsu nani eno tungkupmino Alhou tsape pesu asheshu nanike. Ningu pa ghekucho keu tsa pi pukuni nolo eno pano kiu pinikeno lakhimu initsumoni nolo.”

JEREMIYA 19:15

Aqokitikhi MPEU, Israil Lhou no pilo pikeu pesu ishi pi, “Ino aphughi hipau shou eno taun akupunulo akeqo shou aghimepu shinikeu shi pipuakeu kumtsu sughiniye ani, kughengu nonguye kuthoviloke eno ino kiu piniye anikeno nonguye initsumo nanike.”

JEREMIYA 19:3

AMPEU no ivilo ishi pilo pike, “Juda lo kukamiqo eno Jerusalem lo akemiqo, ni, Aqokitikhi MPEU, Israil Lhou no kiu piani keno inilo. Ino a-a hipau shou kutsakungo keu lakhi sughini cheni eno tipau shikeu chilukemi kumtsu mamaive nani.

JEREMIYA 25:2

Ino Juda ngo Jerusalem lo akemi vilo pike,

JEREMIYA 25:5

Panonguno nongu vilo kixikila kuxu laghi lono eno alhoksa kumla shiakeu lono tsughu ighive penike nongu vilo picheke tishianguno alhokupuju mheghipu shi AMPEU no nongu eno nopuasu tsukeu yeghilo xualu kepu shilupeniyeke.

JEREMIYA 26:13

Nonguye nonguno xu chekeu laghi eno mla itha chekeqo kililuve masake eno AMPEU nongu Lhou ghokulu shimasake. Nonguno tishi aye pano nongu shou kutsale nikeu pipuakeu pa kukumsu kilive nani.

JEREMIYA 26:3

Ishiake timiqoye initsu luvike eno pano laghi lhoksa pheve luvike. Tishiaye ino panoqo shou pano kumla lhoksa ghenguno kutsalekeu sughiniye kughuchhope ino kumsu pu akeu kilive luvike.”

JEREMIYA 3:1

AMPEU no pi, “Timi lakhino pa nipu sasu ixave aye eno lino pa launo wuve puzu kutami nipu shive aye paye li sachilelu kithe mlake. Tishiaye, tipa yeghi qhoi shipixive niake. Ikemu Israil, nonguye alojipumi kutomo auve puzu itehiye ilau ideighi nishi ani kesha?

JEREMIYA 3:22

Xaideghilo, AMPEU launo wuvekemi nongu kumtsu ighilo; pano nongu shipivi nani eno nongu pesu amikucho shitsu nani. Nonguno ishi pilo, “Iye, ninguye AMPEU lau cheni kughengu paye ni Lhou ke.

JEREMIYA 35:15

Ino tamono nongu lau iqemi tungkupmi kumtsu puwu acheni eno panonguno nongu vilo nongu laghi lhoksa pheveno kiuno achipi keno tipau shilopi cheni. Panonguno nonguye kutau lhouqo mllapemo eno qepemo nike kutughu acheni, tishianguno ino nongu eno nopuasuqo tsukeu yeghilo xuache peniyeke. Ikemu nonguno ino pikeu initsumoe momu ilau amlo tsukeu kuhae.

JEREMIYA 36:3

Ishiake, kughono Juda lo akemiqono ino panoqo shou kutsalekeu kumtsu sughiniye kutope akeu chilunikeno panonguye panoqo laghi lhoksa qhiveno ideighive luvike. Tileno ino panoqo lhoksakugha eno panoqo xine pevetsu nanike.”

JEREMIYA 36:7

Ishiake panonguno AMPEU lau inikhu puzu panoqo laghi lhoksa lono ideighi luvike, kughengu AMPEU no pa loghu kighide eno pa xukighide pesu timi hipaqo shikichiveake.”

JEREMIYA 4:1

AMPEU no pi, “Israil lo akemiqo, nonguno ideighini aye ilau xaideghilo. Nonguno ino jumithichekeu julho ikhipeve aye eno ilau amikucho shi aye

JEREMIYA 4:14

Jerusalem, oxaluvepe kepushi amlo lono axine qhuvelo. Nonguye khitotohi kutolo axine shikeu kukumsu kumsu anani kya?

JEREMIYA 4:23

Ino ayeghi jukelo tiye ayeghi kithi pesu shipuhakhave, atsutsu jukelo tiye akuvu kuha.

JEREMIYA 4:6

Zion kudau ala kichepiyelo! xulu kepushi polo! munu kevilo! AMPEU no ahuu kudauno alhoksapu eno kutsakungo keu kije lakhi sughi ani.

JEREMIYA 51:11

AMPEU no Babilon kutsanike kumsupu pesu anike ghenguno pano Media lo kukamiqo xukuthovetsuke. Titoi shikeu lono pa chineki kutsalevekeu mukhu pano lu nani. Leighi akemi kijemiqono ishi ahza tsuke, “Nongu piji xukumtsuvelo! Nongu zuto kutope peluvelo!

JEREMIYA 7:3

“Nonguno xuchekeu laghi eno mlaithache keu laghi kilivelo eno ino nongu pelo hilehi xu acheuve penike.

EZEKEL 13:22

“Nonguno nongu kimki pesu kivimi khunoqo ino ghuza nishimono achekeqo mlo shikumkave tsuchenike. Nonguno alhoksami pelo pano lhoksa pheve penikeu lakha cheni eno pano kuxu xaluve nikeu lakha cheni.

EZEKEL 18:23

Alhoksami lakhi thivekeulo niye amlo kiqi shicheni kughashi kesha?” “ Moe, Niye pano xakide ighilu puzu xuluve penikeuno imlo kiqike ipi Akughushu MPEU no pike.

JONAH 3:8

Timi ngo pichepighi kumtsu yeqhiye phi umasake. Timi kumtsuno Alhou vilo amlo tsuqhiyi inikhu masa eno pawu ghushoghili lhoksa eno akumla lhoksa phevemasa.

MICAH 2:3

Ikehu AMPEU no piani, “Niye nongu shou kutsakungo keu sughini aye kughu pesu anike eno nonguye tipau lono pokawulumo nani. Nonguye akupunalo aghivekeu nonguno ithi nani eno tileno nonguye tsutsungoju alachemove nani, kughengu tiye alhoksa ghuloki shi nanike.

ZEKHARIA 1:3

ikemu itehiye ino nongu vilo piani, Ilau ideighivelo nighi nongu lau ide ighinike.

Apostolmi 26:20

Ikemu atughushi Damaska, Jerusalem, Judia ghakhu kumtsulo eno Judakumomi gholo ino asheshue. Panongu xine qhiveno Alhou lau xaideghi luve keu kumla mlape piyelo pi ino asheshue.

James 4:13

Nongu khunoqono, “Ishi momu thoghiu ninguye aphughi hipau- hupaulo izuwuni eno ampe lakhi tilau ngoni cheni eno lhidi kumla shipuzu alla kighisheluni,” ipi chenikeno, itehi hi inilo.

James 5:1

Itehiye nongu kinimiqono inilo! Nongu shou amlo kighishipu wochekeu ghenguno nonguye igha-muku qalo!