JEREMIYA 17:26 - BAIBEL (BSI)

²⁶ Juda lo taun akeqo lono eno Jerusalem sukumxalo akemi timiqono ighi nani; Benjamin lughi bocho kudauno, naghuto sumxape akeu kudauno, naghuto qo kudauno eno Juda apeu kudauno timiqono ighi nani. Panonguno iAchine kilo akuchopu pitimllakeu kumllaghoqo pesu ighi nani.

Sumi Naga CL (Re-edited) Bible (BSI)

²⁶ Judah phughi lono eno Jerusalem hokümxa lo aphuqo lono timi ighi nani, Benjamin eno kulolau ato ghakhu lono ighi nani, Negeb lono akipti kümllagho ngo aghakishi ngo athi kümllagho eno müsüghüta Ampeu kilo süghi nani.

JEREMIYA 17:26 ပူးပေါင်းရင်းမြစ်များ

EZRA 3:11

Panonguno hipau lephe pesu AMPEU akishe tsu hitoi pheide ae: “AMPEU ye aloe, pa kikimiye eno pa kukupu Israilmi lau lhokta kuto acheni.” Timi kumtsuno akiqheu lono igha AMPEU she, kughengu achineki boqha kumla shiluveke hu.

LESHELE 107:22

Panonguye agha shipe pa shikimthi mlla kepu eno alokivi le phe pesu pano mlatsu keu kumtsu lhekepu.

LESHELE 116:17

Niye shikimthikeu kumllagho lakhi pesu otsuni eno ikighini pesu otsuni.

LESHELE 66:13

Ino lhoxu pitino mllakepu gho pesu okilo sughini; ino kiu shiniepi piqhive akeno tipau omllani.

ISAIAH 58:13

AMPEU no pi, “Nonguno Sabat akimtheshi peitha puzu tipa tsalalo nonguno pulokeu papewumo aye; nonguno ikimthe tsla ame kuapushi eno tipau tsala ikhilu izuwumo, mlamo momu adou tsa kughamo aye

JEREMIYA 30:19

Timi khunoqono tilehi xuacheni keno shekiqhe lephe nani; Panonguno alokivi launo igha asheshu nani. Ikukumgha vechewo panonguye timi lhoxu ikowoluve nani; ikukumghano agigihupu panoqo lau sughitsu nani.

JEREMIYA 32:44

Timiqono tipaqo qhu nani eno kughakutha kaku yemichi shi, mekhave eno thopi shikeu shinani. Hiye Benjamin lughi bocho lono shini cheni, Jerusalem sukumxalo aphu akeqolo, Juda lo taun akeqolo eno atokujolo taun akeqolo, naghuto pukhu kuxalo eno Juda apeu kudaulo shini cheni. Ino timiqo pano yeghilo sachilesawo sunani. Ni, AMPEU no piqhiveake.”

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

JEREMIYA 33:13

Naghutolo taun akeqolo, naghuto kuxalo, Juda apeu kudaulo Benjamin lughi bocholo, Jerusalem kumxalo aphulo eno Juda lo taun akeqolo bherikhemino itaghi pano bheri kihikithe nani. Ni, AMPEU no piveake.”

ZEKHARIA 7:7

Kughou Jerusalem ye kinikulushi eno timi kumzapushi akelono eno tipau sukumxa taun lo likhi kumo puzu apeu qhalo eno kulolau naghuto kumxalo ghi timi kumzapu ake ghuloki lono AMPEU no azuumi tungkupmi vechewo hipau pikeuke.

IBRIMI 13:15

Tishiaye, Jisu vechewo ninguno pulhapuju sheqhekeu pesu Alhou lau akumllagho shighi mllani nolo; ike tiye, ningu kichi lono pulhapuju pa je shikimthi ani nolo.

1 Peter 2:5

Akuxupu tuqu shi-ghi pa lau ighilo eno aghungulo ki shikeulo nongu peithapelo. Tilehi nonguye akimthe chinemiqo shighi Jisu Khristo vechewo aghungu lono aghashikeu Alhou lau ikhikulupushi mllalo.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,