JEREMIYA 17:22 - BAIBEL (BSI)

²² momu Sabat pinyeniye panoqo kilono kiumu xapusu ipe kepu kumoe. Ino panoqo puasu vilo ahza tsukeu toi panonguye Sabat loye mla kepu kumoe; tipa tsala akimthe shi ikhilu masake.

Sumi Naga CL (Re-edited) Bible (BSI)

²² Sabbath tsalani no ki lono akho xapu ipe kevi momu akümla shi kevilo, ikemu I no o puasüqo lau azah tsüke toi Sabbath tsala akimthe shi qhilo.

JEREMIYA 17:22 ပူးပေါင်းရင်းမြစ်များ

NEHEMIA 13:15

Tipa ghulokilo Juda lo timiqono Sabat pinye tsalalo atsaithi lono atsaizu qophe aghikeu ino ithulu. Kutami khamino athi, aji, atsaithi, khughuthi eno kutau thimeqo pano wu gadaha shou pipeno Jerusalem alou pewu cheghi; panongu ye Sabat tsalaloye kiumu jemla kepi ino panoqo lakhave.

IPEKULU 23:12

“Apinye dolo atsala tsugho mlalo ikemu akutsuniu tsalaloye mulakevilo, tishianguno noqemi ngo inaghami noghengu mla akemiqo eno nowu atsu-aqu pelo ghi akulho qhilupenike.

ISAIAH 58:13

AMPEU no pi, “Nonguno Sabat akimtheshi peitha puzu tipa tsalalo nonguno pulokeu papewumo aye; nonguno ikimthe tsla ame kuapushi eno tipau tsala ikhilu izuwumo, mlamo momu adou tsa kughamo aye

JEREMIYA 17:24

“Timi hipaqo vilo pilo, panonguye izah kutsu kumtsu papelu masake. Panonguye Sabat lo aphughi hipau kikhaqo vechesu kiu khomu xapu ilo kepu kumoke. Sabat ye akimthe tsala lakhi shi ikhilu masa eno akumla kiumu shikepu kumoe.

EZEKEL 20:12

Ningu dolo xatha lukeu michi Sabat pinye ikhilu penikeu shi ino shitsuke, tiye ni AMPEU no panoqo pesu akimthe shikeu panoqo pelo kumsu chilelu apeniyeke.

EZEKEL 22:8

Nonguye akimthe-alo ighukeu kuhae eno nonguye Sabat pinye pelu chemoke.

ACHINE 19:3

Nonguye ino ahza tsuvekeu toi pututa puaza sumsa masake eno Sabat pine pelumasake. Niye nongu Lhou AMPEU ke.

ACHINE 23:3

Nolikhi no kumla shikepushi nonguye atsala tsugho ani, ikemu atsala akutsuniu kumsululo, Sabat pine tiye akulho qhikeu tsalake. Tipau tsala loye mla kevilo ikemu akumlla hoho ghenguno kumqolo. Nonguno khile khile xu aghi namu Sabat pineye AMPEU wuke.

ZEKHARIA 1:4

Nongu puasuqo toi shikevilo. Khaghilo tungkupumino panoqo vilo hinguno hilauye alhoksa kuxu eno axine shikeu kuxu xukevilo pi itsape pesu panoqo tsuke ikemu panonguno itsa inimoe eno igholumoke.

Luke 23:56

Panonguye asukumo ghenguno axokutsungu eno nupeqhikepu kutonike akilo wove. Tupulani loye Ayezah lono Sabat pinilo pipuakeu toi panonguye akulhoqhie.

Luke 6:5

Pano panongu vilo highi pi, “Timi Nuye Apinyeni shou Ampeu.”

Piyeküsü 1:10

Ampeu Tsalani Aghungu no ipeitha ake, eno izupouno afuko ghugha toikeu kije lakhino ishi pikeu ino chilu,