JEREMIYA 17:2 - BAIBEL (BSI)

^2-3 Nowu timiqoye asubo phivilo ngo atoghi kutsuqalo eno aluzalo naghuto kutsuqalo Ashera lholiu ghenguno akumlla kiptia ngo jumichi shipuakeulo mlla cheni. Nonguno noyeghiqhalo axine shivekeqo kumtsu ghenguno ino noghumi pelo nowu kinikulu ngo pekutsukishe puakeu jeli ikhi suwuve pe nani.

Sumi Naga CL (Re-edited) Bible (BSI)

² pano tianuliqo no asübo eno qhemghai keu toghi lo pano kiptia eno Asherim akeqo kümsülu nani.

JEREMIYA 17:2 ပူးပေါင်းရင်းမြစ်များ

YEKIKITHI AKINIU 24:18

Tighenguno timiqoye panoqo puasu Lhou, AMPEU Achine kilo mllaumove eno Ashera lhouliu julho kimihiqo mllathuve. Panongu xine hipaqo ghenguno Juda ngo Jerusalem shou AMPEU loghu sughive.

YEKIKITHI AKINIU 33:19

Akukau no inikhu keu eno Alhou no tipau khochile keu eno pano xaideighi mphi lo axineqo shipe puakeu, tiye pano alhoksa kumla shikeu, asu-atu kumlla-a eno Ashera julho pano shikeu eno ajulho pano mlla chekeu kumtsu Tungkupmi Xughili lo yekike puani.

YEKIKITHI AKINIU 33:3

Papu Hezekiya no asu-atu chine kumlla-a kutsaleve keqo pano shikitheve tsu. Pano Baal mlla kepushi akiptiaqo mlatsu, Ashera lhou liu julho shipe qhi eno ayepuqo mllake.

LESHELE 78:58

Panonguno Alhou mthakeu kumlla ghola lono pa xukighide tsu, eno panonguno ajulho shisukeu huno pa loghu kighidevetsu.

IPEKULU 34:13

Tishinike zuqhulo panoqo wu akiptia tuleqhive tsulo, panoqo wu chini chekeu tsukucho tulave tsulo eno panoqo lhouliu Ashera michipuqo heqhive tsulo.

ISAIAH 1:29

Nonguye kushiye asubo mllache eno akimthe ghutu pighiche kelapi amlokusashi kujomuzave nani.

ISAIAH 17:8

Panonguno tinguno tilauye pano uno akipiti khache mlapuakeu pukhumo nani momu panoqo u-kumla, ti Ashera lhouliuki kimihi ngo axokutsungu kipti khacheqo shou pulubemo nani.

JEREMIYA 2:20

Akughushu AMPEU no pi, “Israil, puzuu nomu noye ikuka gha hebideke; Nono imlla nikeu eno igholu nikeu lo mopike. Naghuto qhemghai keu kumtsu eno asu minipho qholo nono lhoipeghi penikeu lhouqo mllake.

JEREMIYA 3:23

Nino naghuto toghilo asu atu mllakeuno kiumu nikuphuluni chemoe. Israil kukuphuye niLhou AMPEU lau likhino ighi cheni.

JEREMIYA 3:6

Kughou Josiya no akukau shi akeno AMPEU no ivilo pike, “Noye Israil amikucho kumou totimi huno kiu shikeno noye ithulu akema? Liye ilauno wuve puzu atoghi kuchuqu kumtsulo eno asu minipho jeli qholono kusalhami toi mlaitha achenike.

JEREMIYA 7:18

Itimino sukughupu su pesu ighi, timi qono ami shipe qhi eno totimiqono asho kununo panonguno kungugha kukaliu ipichekeu lhouliu ghenguno asho shiniyeke. Ighuzaniye panonguno kutau lhouqo ghenguno mllakeu tsayiji ghi leqhitsuke.

EZEKEL 20:28

Ino panoqo tsuniye tushoqhive keu yeghilo ino panoqo saghike. Ikelaye, kughou panonguno atoghi qhemghai keu eno asu minipho ithulu keno panonguno tipaqo kumtsu-alo heqhipe mllaukhave. Panonguno lhoxu heqhipe pitikeu eno akumllagho atsayiji peighikeu huno ipelo aloghu idevepeke.

ZAKINIU 12:2

Nonguno ngoluve niye akeu yeghilo, timiqono khilehino panoqo lhou mlla acheni keno, naghuto kutsuqalo, atoghilo eno asuminipho qholo a-a aghikeu kumtsu kutsalevelo.

XAKUTHAMI 3:7

Israilmiye AMPEU panongu Lhou kumsumaveno pa lau axine shive puzu Baal eno Ashera lhou mllauve.