JEREMIYA 17:16 - BAIBEL (BSI)

¹⁶ Ikemu AMPEU, niye khilemu ovilo panoqo shou kutsakungokeu puku tsulepi tsuyikhomo pimoke; niye panoqo shou shiluksa tsala ighipenishi puamoe. AMPEU, nono hipau ithi anike; imutsu lono pikeuye kiu keno nono ithi anike.

Sumi Naga CL (Re-edited) Bible (BSI)

¹⁶ Ni ye O mbekheu shimono pove mphi, momu ni ye aküsü tsala mine amoe. I mütsü lono kiu ipeghi ani keno Nono ithi ani ti ye O zülo ani.

JEREMIYA 17:16 ပူးပေါင်းရင်းမြစ်များ

JEREMIYA 12:3

Ikemu AMPEU, nono ni ithi ani; ino kiu shikeno nono ithulu acheni, eno niye kishi okimiye cheni keno nono ithi ani. Bheri ghiqhiveniye akeshi timi lhoksami hipaqo sunhekiti sawu- velo panoqo ghiqhive kepu ghuloki tomoke kutolo panoqo ghukhe shialo.

JEREMIYA 13:17

Ikemu nonguno initsumo aye, Nongu qhekuza ghenguno ino kusuuno qa nani; Ino kukhu kimjishi qa nani eno inhezuno qoipeghi nani kughengu Alhou wu timiqoye akughumi shi sawuveni ake.

JEREMIYA 15:15

Tileno ino ishi pi, “O AMPEU, nono ithi khavae. Ikumsululo eno kuphulo. Ipelo ishikighimeqhi chekemiqo shou amukhu lupelo. Panoqo lau shishe kutu-u auve puzu panongu pelo ipithive kulupu shipe kevilo. Kumsulutsulo, oje ghenguno iphimokeu shichenike.

JEREMIYA 18:20

Akivi ghenguno alhoksa lochileni kesha? Ikeghi panonguye ipelo veqhi ilo penike aqoh lakhi chhupuanike. Ino panoqo ghengu kishi olau ighino ovilo pikeno kumsululo, tishianguno opelo aloghu kighide shi panoqo peitha pemoniyeke.

JEREMIYA 20:7

AMPEU, nono ipishiqhike, eno ipishiqhi putsake. Noye inguno akuka kumtouke, eno nono itheqhivae. Kumtsuno ithaigha ani, atsala kupujulo niye panoqo zukutunupubo shiauvae.

JEREMIYA 20:9

Ikemu kughono ino, “Niye AMPEU kumsumaveni eno paje lono khilemu pimoake,” ipini keno, otsa huno ami toi ilolo pitiqhi auve cheni. Ino pukaputsa otsa tipau tsuqupe auveniye shicheni, ikemu tipau suchilepe auvemlake.

JEREMIYA 9:1

Ikutsuye azukikhe lo akeu zu shi aghi keaye, eno inhethiye anhezu puki keaye, putho pucho iwu timi ghiqhivekeqo ghenguno igha qa ani cheke.

AMUS 5:10

No-timiqono amikucho xakutha shimokeu eno kughakutha alo kuchou tsa pimoke ghenguno timi khuuno nongu sakiyini keno tipau jumithi cheni.

Apostolmi 20:20

Mishi gholomu luthu kilomu nongu kivipu kutsu piye kelo niye kiumu suchilevemoe.

Apostolmi 20:27

Kughengu Alhou kupughu kumtsu pesu nongu vilo pikulha nikeu lono suchilepe puamoe.

2 Kor. 1:12

Ningu kijivilo chekeuye hike; nilolo kivikusa lokumsuno ashepe nitsu akeuno ayeghi hipaulo nikuxuye Alhou launo ighikeu kimthe eno musumulai xuchekeu ayeghilo suqekighithi lono kumoe ikemu Alhou wu kupukini pesu xucheke, eno tiye akhotono nongu lau tishi kutshupe xucheke.

2 Kor. 2:17

Ninguye kutami kutomono ame mulaleyikeu lhidi nhemgha peitha ake toi Alhou tsa peithakemiqo kumoe; ikemu Alhou no ningu puwukeu ghenguno, ninguye kuchou picheni, Alhou zulo Khristo qemi kehu ninguno picheni.

James 1:19

Ino kimiyechekemi athikuzumiqo, hipau ithilo! Kumtsuno pai chilu nikeu shimasae, ikemu akipi loye asheshilo eno asheshino amlo idekemi shilo.

James 3:1

Ithikuzumiqo, nongu kutomono akukutsumi shikepu kumoe, kughengu nonguno ithi anike ningu khunoqono kutsu cheni keno kutami nguno alau chixechileyi keu pesu ningu shou kughathabe nani.