JEREMIYA 17:13 - BAIBEL (BSI)

¹³ AMPEU, noye Israil wu lajupuke; Oqhivekemi kumtsu kujo mzavepe nani. Ayeghi mukhulo aje yepuku puakeu toi panonguye hauve nani, kughengu panonguno no, AMPEU, akuxu zupuki qhiveke.”

Sumi Naga CL (Re-edited) Bible (BSI)

¹³ O Ampeu, Israel lajupu, O pheve kemi kümtsü akukujopu shinani; khunono O launo pove keno ayeghi lo aje yepüani, kughengu pano ye aküxüpu züpuki Ampeu pheveke.

JEREMIYA 17:13 ပူးပေါင်းရင်းမြစ်များ

LESHELE 22:4

Nipuasuno oshou pukhu che, panonguno opukhubeke eno nono panoqo xaphelue.

LESHELE 69:29

Ikemu niye shishe supuzu amlo kusa shiani; ikhapeqhelulo, O Alhou, eno ixalulo.

LESHELE 71:5

AMPEU, niye iwu lajupu oshou bepe ani; ilhothe lono itehi kutolo opukhu acheni.

LESHELE 73:27

Khunono opheveni keno kuchouno puhaveniake; khunoqono olau akimki shini keno noye tipaqo kutsapinyive nani.

LESHELE 97:7

Ajulho shisuno mlachekemi kumtsu shikukujove; alhouqo kumtsuno AMPEU zulo itsaiqi.

AHOLE 10:7

Timi kivimi ghili kumsukuluye kumghakeu lakhi ke, ikemu kixikilamiye itheno kumsumave cheni.

AHOLE 14:14

Alhoksamiye panono ithulu kuzupu qhemi ithulu nani. Akivimiye pano kumla saxu tsu nani.

ISAIAH 1:28

Ikemu khunono axine shini eno pa shou hebide nikeno tipaqo kumtsu pano chunidaqhive nani; khunono pa qhiveni keno pano tipaqo pithive nani.

ISAIAH 66:5

AMPEU no kiu piani keno tipau inilo, nongu pa sumsa eno pa gholu chekemiqo: “Nonguno ilau amikucho shi xuachenike ghenguno nowu timi khamiye nongu mithi cheni eno pano gholo nongu sasumove cheni. Panonguno nongu thaighaghi pi, ‘AMPEU no pa jekipi piyepelo eno oxaluju pelo tishianguno nonguno alokivishi aghikeu nino junike!’ Ikemu panoqouno kujomzave nanike!

JEREMIYA 14:8

Israilw lajupuye olikhiake; kutsakungokeu lono nixalukeuye nonoke. Noye kushiye nighakhulo inami toi ani, kicheghuzumi lakhino kijili lakhi ngokeu toi shi ani kya?

JEREMIYA 17:17

Ilau akuighupu shikevilo; kughou akupuna ighini keno nono ixakulupu-a ke.

JEREMIYA 17:18

Ishikighime chekemiqo shou kujomzave kepu pukutsulo, ikemu ipelo kujomzavepe kevilo, AMPEU. Panoqoye akuighupuno chhivepelo ikemu ishikumsa kevilo. Panoqo shou kutsakungokeu sughilo eno panoqo kutsa piniyivetsulo.

JEREMIYA 17:5

AMPEU no piani, “Khuuno ilauno tsughusu wuveni keno ino tipau kileve nani. khuuno timi shou pukhuveni, thiveni kuau timi kumto pukhuni keno ino tipau kileve nani.

JEREMIYA 19:4

Niye hipau shini putsake kughengu timiqono iqhive eno a-a hipau lono kutau lhouqo lau lhoxu heqhipe mlla puzu hipau-a kitiqeveke; alhou tipaqoye panoqo ghi momu pano puasuqo ghi momu Juda lo kukamiqo ghi kitilamu mthano achekeqoke. Timiqono pimimokemi ji pelevetsu keu pesu a-a hipau chhitoiveke,

JEREMIYA 2:13

kughengu iwu timiqono axine kini shivae: panonguye ni azu kuxu zupuki launo tsughusu chevae, eno panonguno atu tughuko chhu ani, ipovekeu tughuko loye azu mighepe puamla nanike.”

JEREMIYA 2:17

Israil, olikhi nono oshou hipau sughike! Ni nongu Lhou AMPEU hu, ala kupujulo ino nongu sachekeghi nonguno ipheveke.

JEREMIYA 50:7

Panoqo ju ithulu kemi kumtsuno panongu haleqhike. Panoqo ghumino pi, ‘Panonguno AMPEU shou axine shike ike ninguno panoqo shou kiu shikeno tiye achipikumo keu kumoe. Pano puasuqoye AMPEU pukhupe xucheke eno panongu ghi pa lau amikucho shi ache kepushi ake!’

EZEKEL 13:9

Nongu tungkupmi khunoqono kichileu kungunhetsu ithulu cheni eno sabidekeu ashe-azu tsa picheni keno niye nongu ghimeqhi nikeu shianike. Kughou iwu timiqono xakutha shini keno nonguye tile ngomo nani; nongu jeye Israilmi kikihi yekutsukeulo sumo nani; nonguye khilemu noghakhulo idewomo nani. Tithiuno niye Akughushu MPEU kepi nonguno ithi nani.

EZEKEL 16:63

Nono pimikeu jeli kumtsu ino peivetsu nani, ike noye tipaqo kumsu chilelu nani eno shishe kujo kelauno okichi ghi xukhomo nanike.” Akughushu MPEU no pivae.

EZEKEL 36:32

Israilmi nongu pelo hi ithipe nishi anike niye nongu je ghenguno hipaqo shitsuni chenike kumoe. Nonguno kiu shiani keno tipaulo niye nongu pelo akukujo kumza keu ithilu penishi. Ni, Akughushu MPEU no pivae.”

DANIEL 12:2

Azuuno thivekeqo ghi xu ithughive nani: khami lhokta kuxu ithuluno alovini eno khamino lhokta ghime ithuluno imeve nani.

JOYIL 3:16

Zion Toghi lono AMPEU no igha; Jerusalem lono pa sutsa tsutsukusu toi pike; ayeghi ngo atsutsuno khokhoshike. Ikemu pano pawu timiqo susholu nani.

ZEKHARIA 13:1

“Tipa tsalalo David polo kughukomi ngo Jerusalem lo kughuna akemi axine ngo ajulho mllakeu qhukimtheve tsunike ghenguno azupuki lakhi khaqhitsu nani,” ipi Aqokitikhi MPEU no pike.

ZEKHARIA 9:12

Ideghilo, nongu akughumi itehiye lajupu auvekemiqo; nongu sushokulu-alo ideghilo. Itehiye ino nongu vilo pini, nonguno aghime shivekeu ghenguno kukumgha pesu ino ghuthu kini nongu lochileni.

Luke 10:20

Tishinamu hipaqo ghahwuno nongu qhoqhulu pekeulo alokivi shikevilo; ikemu nongu je kunguu yehpuakeulo alokivi shilo.”

John 4:10

Jisu no khochile, “Alhou no agho tsukeu nono ithi aghike aye eno ovilo azu piyelopi khuakeu ithiaghike aye, noye pa vilo akuxupu zu khunicheke eno pano tipau otsunicheke.”

John 4:14

ikemu khunono ino tsukeu zu shoni keno paye khilemu tughuthi kithemo nani. Ino azu pa tsukeu huno pa lolo lhokta kuxu zupuki lakhi shi qoipeghi ache nani.”

Apostolmi 28:20

Hipau vehu ghenguno nongu sasu kusho eno nongu putsanike ino iniju, kughengu ayikichhe hipauno itshupe akeu huye, Israilmino khuu laju akeno tipau pa ghenguno niye ishi anike.”

1 Tim. 1:1

Ni Xakuluu Alhou wu ahza eno Khristo Jisu lajupu lono Khristo Jisu wu apostol Paul no,

Piyeküsü 20:15

Kuxumi kakulo khunoqo je yepuku puaghimo keno tipaqoye amiyizulo vesuve.

Piyeküsü 21:6

Pano pi, “Hiye tavae! Niye Alfa eno Omega ke, abothu eno kishekhakeuke. Khunono tughuthi anikeno akuxupu zupuki lono azu sholu kepushi ino kumsano tsu nani.

Piyeküsü 22:1

Kungumi huno akuxupuzu akeu ghoki ghi ipiye, tiye mlapuyi mulla- ide ae, eno Alhou ngo Bheriti kuka lakhu lono qoipeghi puzu

Piyeküsü 22:17

Aghungu eno kulaliuno piani, “Ighilo!” Khunono “Ighilo” ipikeu sutsa chilu keno tipaqo pelo ighi pelo. Khunono tughuthi anikeno ighilo, khunono lunishi ani keno akuxupuzu kumsagho shighi ikhilulo.

Piyeküsü 7:17

Kughengu akuka lakhu mutalo akeu Bheritino panongu kheu shive nani, pano panoqo sasu akuxupu zupukilo sawu nani; eno Alhou no panongu nhezu isuvetsu nani.”