JEREMIYA 16:6 - BAIBEL (BSI)

⁶ Hipau yeghilo kinimi ghi kumlhomi ghi thive nani, ikemu milakhinomu panoqo kumo shiqho momu panoqo ghenguno qani mlomo nani. Timi khuumu amlo kusa shi akeushi ashi aji ghalekeu momu akutsusa miyevemo nani.

Sumi Naga CL (Re-edited) Bible (BSI)

⁶ Kijemi ngo kitilami ghi ayeghi hipau lono thinani. Panongu ye shiqhomo nani, khunomu pano ghenguno mloqamo nani, momu asa miyemo nani.

JEREMIYA 16:6 ပူးပေါင်းရင်းမြစ်များ

YEKIKITHI AKINIU 36:17

Tighenguno AMPEU no Babilon kukau saghi puzu panoqo levepe. Akukauno Juda lo lhothemi kiptimiqo Achineki lo aghinamu heqhi pithive tsu. Paye lhothemi, kitemi, kiptimi, totimi, kusukinimi momu viakemi milakhi shou pimu kimiyeqhiyi keu shimoke. Alhou no panoqo kumtsu pa ulo suvetsu.

ISAIAH 22:12

Tishiaye AMPEU Aqokitikhi Lhou ye nongu pelo qamlo eno anhezu piji penike eno nongu kutsusa miyeveno yeqhiyephi upenike nongu kuanike.

ISAIAH 24:2

Achinemiqo, aquaxemi ngo ampemi, akuqhumi ngo jechekemi, punakemi ngo nalukemi, kinimi ngo kumlhomi kumtsuno shipeniye kuto puakeu aphiphishi sasu kushoni cheni.

JEREMIYA 13:13

Tileno noye panoqo vilo ishi pilo, ‘AMPEU no ishi pike, julo, ino ayeghi hipaulo kughunakuami kumtsu kukami David laghami, achinemi, tungkupmi eno Jerusalem lo kuami kumtsu atsayiji shokumzuno chhitoitsu nani.

JEREMIYA 16:4

Panonguye kusukini akumsapu lono thinanike eno khunomu panoqo ghenguno mloqamo nani momu panoqo kumo shiqhoni kemi kuha nani. Panoqo kithi kumoye tubatuzu toi ayeghilo hekutsu kumqope qhi nani. Panonguye aghukishi momu puqumiyekeu lono pithive nani eno panoqo kithi kumoye aghauqo ngo tughashi chuqupu shive nani.”

JEREMIYA 41:5

Shekhem ngo Shilo eno Samaria kudauno timi lhotache ighive. Panonguye panoqo kichi mhi miyeve, panoqo phimini suxuleve eno pano likhi panoqo phi au kiheleve. Panonguye Achinekilo akumllagho tsunike athi ngo tsungquikeu ta pesu cheke.

JEREMIYA 47:5

Gaza lo akemiqo shou amlo kusapu kije ighivae, eno Ashkelon lo akemiqoye inaqhoivae. Filistiya halau akeqoye khitotohi muloqa anani kya?

JEREMIYA 48:37

Panoqo kumtsu panoqo kutsusa miyevae eno panoqo kichimhi tsalevae. Panongu kumtsu panoqo ulo kihethale pesu ani eno kumtsu ghano yeqhiye phi uani.

JEREMIYA 7:29

“Mlo qahlo, Jerusalem lo akemi; nongu kutsusa ghope pevelo. Naghuto kutsuqalo akithilo le lakhi phelo, kughengu ni, AMPEU ye aloghu ide ani, eno iwu timiqo peveake.”

JEREMIYA 8:2

Tipaqo hekutsu pesu qhovenike zuqhulo panoqo saghiye aghuma toi ayeghi shou dapesu anani. Tipaqoye tsukinhe ngo, aqhi eno ayepu zulo kuthole pesu qhinani, timi hipaqono thime hipaqo kimiye eno qe achenike eno panonguno hipaqo putsawu eno mlla achenike.

ACHINE 19:27

Nongu kutsusa hothapu kevi momu nongu kichimhi tsave kevilo,

ACHINE 19:28

Momu kithimi ghengu amloksa shinike nongu philo tsubui ghipu kevi momu aphimpi kiheletha kevilo. Niye AMPEU ke.

AMUS 6:11

Kughou AMPEU no ahza tsuni keno aki kije kitila pinamu hepho pinyive nani.

MATTHEW 9:23

Jisu no akijeu kilo ighikelo, timi thivekelo fulili ighakemi tile aghi eno timiqono mubumghuyi aghike ithulu.

ZAKINIU 14:1

“Nonguye AMPEU Alhou wu timiqoke. Tighenguno thivekemi ghenguno nonguno mloqa kevilo, kutamino shicheke toi noshi ghale momu nokutsulo asa agizuu akeu miyele kevilo.

Piyeküsü 20:12

Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.

Piyeküsü 6:15

Tileno ayeghilo kukami, kijemi, ghushimi atomi kinimi, akuka kuami, eno timi kumtsu, aqemi na ampimi namu atukilo eno naghuto tukiqo qholo itshu wukhave.