JEREMIYA 16:19 - BAIBEL (BSI)

¹⁹ AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

Sumi Naga CL (Re-edited) Bible (BSI)

¹⁹ O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 16:19 ပူးပေါင်းရင်းမြစ်များ

KUKAMI ATUGHIU 20:23

Akukau Benhadad qholo kijemino pa vilo ishipi, “Israilmi lhou ye naghutoqo lhouqoe, tishikeu lono Israilmiye ningu shou toluveke. Ikemu ninguno panongu sasu aqa lono kichighi aye mutsuqhei ninguno panongu theqhiluve nani.

LESHELE 18:3

Ino ighamuku AMPEU vilo pikelo pano ighumi kumtsu launo ixalu, AMPEU sheqhe kuzupuke.

LESHELE 19:14

ikichilo piqhikeu eno imlolo kumsu keu ozulo ikhikulupu shipelo, O AMPEU, ituqu eno ixachilekuluu.

LESHELE 27:5

Shiluksa tsalalo pano isushope kusuluve nani; Pa chineki qholo pano ipesu kusuluve nani; eno atuqu qhemghai keu shou pano ipe qhive nani.

LESHELE 46:1

Alhou ye nino ijehlu chekeu eno nikumto, shiluksa do kumtsulo kuphu tsunike kutope ani.

LESHELE 46:11

AMPEU Akughushuuye ningu sasu ani; Jakob Lhou ye nino ijehlu chenike.

LESHELE 46:7

AMPEU Akughushu ye nisasu ani; Jakob Lhou ye nino ijehluchenike.

LESHELE 62:2

Pa likhino isushokulu tuqu eno ixakuluu; paye ighenguno mujo chiletsu chekeuke, niye khilemu iqevemo nani.

LESHELE 62:7

Ixaphekulupu eno igigihupuye Alhou shou bepe ani; Alhou ye ino ijehchekeu akiqheu tuqu lakhi ke.

LESHELE 65:3

Ni xineno nilakhaluve kelo nono tipaqo pevetsuke.

LESHELE 68:31

Ijip kudauno lashikami ighi nani; Sudanmino au peqhepesu Alhou vilo khuini nani.

LESHELE 86:9

Ashiayeh nono lhopuakeqo kumtsuno ozulo ighipuzu itsaiqi omlla nani; panonguno noye kije kepi sheqhe nani.

AHOLE 18:10

AMPEU ye aliwo kumto lakhi toike amikuchomino tipaulo wuluno xulu nani.

ISAIAH 25:4

Kumlhomi ngo kuhakemino olau powuke eno shiluksa ghulokilo nono panoqo puxupe qhike. Nono pasapagha launo panoqo kusuqholuve eno pitipuzakeu kushu lono panoqo susholuve. Ayikusamino susutsalalo pasapagha toi leighike, qhaike yeghilo tsughumoveke tsala toike.

ISAIAH 32:2

Panoqo lakhikhino amlhu launo susholukeu toi nani eno pasapaghalo itshuluke-a toi nani. Panonguye asayeqhalo aghokiti qowu ake toi nani, asutsuni kuhake-alo atuqu kuloghi yekukhu toi nani.

ISAIAH 44:10

Alhou lakhi kepi mllaniaye ayi pesu ajulho shikeuye aloke kumoe!

ISAIAH 44:20

Ayevu chuakeu kumlho shivae. Pa ghuzunikha kukumsu no pa sapimi kehu paye xaphemla kepu shivae. Ajulho shisukeu pa ulo tsuqupe akeuye khilemu alhou kumo kepi kitilamu pa lolo kumsulukeu kuhake.

ISAIAH 45:14

AMPEU no Israil vilo pi, “Ijip ngo Sudan lo kinikulu akeuye owu shi nani, eno Seba lo timi kushuwaqoye oqemi shi nani; Panonguye ayi kichheno tshupesu opape nani. Panonguno ozulo itsaiqi puzu ishi piphetsu nani, ‘Alhou ye ogholo ani, pa likhino Alhou ke.

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

ISAIAH 62:2

Jerusalem, nono toluakeu ashiayeh qono ithulu nani! Pano kukamino ojukuvu ithulu nani. Noye ajekithe pesu oku nani, Aje tiye AMPEU ampino tsukeu.

JEREMIYA 10:3

Timi hipaqo chineyehye amekuha ke. Aghasalo asubo lakhi yeqhi asukumlamino ananu pesu tipau chhithake,

JEREMIYA 10:5

Asu atu julho tipaqoye akukalilo aluthu toike tipaqoye atsa pichemoe; tipaqoye ala chemlake ghenguno xapu nani. Tipaqo jumsa kevilo: tipaqoye kiumu nongu shipsa mlae, tipaqoye kiumu nongu kivipu shimlake.”

JEREMIYA 12:16

Tipathiu panonguno amlo kuchopu pesu iwu timiqo chineyeh ikhilu eno panoqono, ‘AMPEU no xuanike’ ipi tushoqhi aye, puzuu panonguno Baal jeku ghi tushoqhi keu iwu timi shika che kemu tithiuno panongu ghi iwu timi muqo shilu anguno kinikulu shi nanike.

JEREMIYA 14:8

Israilw lajupuye olikhiake; kutsakungokeu lono nixalukeuye nonoke. Noye kushiye nighakhulo inami toi ani, kicheghuzumi lakhino kijili lakhi ngokeu toi shi ani kya?

JEREMIYA 17:17

Ilau akuighupu shikevilo; kughou akupuna ighini keno nono ixakulupu-a ke.

JEREMIYA 2:11

Khuno shiayeh mu pano lhouqo kusukidi puamoe, alhou hipaqoye kuchou kumo ke. Ikemu iwu timiqoye ipesu kusukidivae, panoqo lau agigihu sughikeu Lhou pesu panoqo ghenguno kiumu shimlakeu lhouqo kilivae.

JEREMIYA 2:8

‘AMPEU ye khile ani kya?’ ipi achinemino inijumoe, iwu achinemino imthaveke. Ayehkipemino ihebide ipeghive; tungkupumino Baal jelono pi cheuve eno avehupu kuhakeu julho mllauveke.”

JEREMIYA 3:23

Nino naghuto toghilo asu atu mllakeuno kiumu nikuphuluni chemoe. Israil kukuphuye niLhou AMPEU lau likhino ighi cheni.

JEREMIYA 33:9

Jerusalem ye ilau alokivi, agigihupu eno akijivilo kepu puki shive nani; eno ino Jerusalem lo akemi qo lau akivipu jeliqo shikeu ngo aphughilo ino kinikulu shilupekeu ayeghiqhalo ashiayeh kumtsuno chilu puzu panonguye musa ighuve nani.”

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

EZEKEL 11:16

Ike itehino nokusami halepupove kemiqo vilo ino kiu piani keno pesu pilo. Panoqo pelo ashiayeh putou akemiqo gholo xupenike puwuvekeu hiye inoke, ino aghakhu kutauqolo panoqo kuthole puwuveke. Tishimu, itehi doloye panonguno khuno yeghilo wuvea keno tilau ino panoqo gholo ananike.

JOYIL 3:16

Zion Toghi lono AMPEU no igha; Jerusalem lono pa sutsa tsutsukusu toi pike; ayeghi ngo atsutsuno khokhoshike. Ikemu pano pawu timiqo susholu nani.

AMUS 2:4

AMPEU no pi, “Juda lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ino kutsupiyekeu jukunathake eno ino ahza tsukeu pechemoke. Panoqo puasuno qechekeu kichile lhouqo huno tipatho shi panoqo sabideveke.

NAHUM 1:7

AMPEU ye aloke; shiluksa ghulokilo pano pawu timiqo susholu cheni; khunono pa lau ideighi nikeno pano tuchomujo cheni.

HABAKUK 3:19

AMPEU no akumto itsu cheni. Pano ipelo achui pukhu toi akivishi nepukulupe, eno ipelo naghuto shou chewulupeke.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

MALAKI 1:11

Ayeghi cheku lakhi lono lakhiu kutolo timiqono igihu cheni. Aqha kumtsulo panonguno tsungquikeu ta pitipe itsu cheni eno ino ikhikulupu lhoxu heqhipe mlla cheni. Panongu kumtsuno igihu cheni!

Rommi 1:25

Panonguno Alhou ghili kuchou pesu akimiki kililuve. Panonguno Alhou zuqhulo pano kiu lhoqhi puanikeno tipaqo mlla huthue. Pulhapuju Alhou sheqhe akepuke, Amen!

1 Peter 1:18

Kughengu nonguye apuasuqo launo adou laghi pepimhe susu cheghikeu lono amekusho kiu tsu puzu nongu xaphelu keno nonguno ithi ani. Tiye hauvekepu thime shunayi momu tsandiyino kumoe,

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”