JEREMIYA 16:17 - BAIBEL (BSI)

¹⁷ Panonguno shikeu kumtsu ino ithulu ani, ilauno kiumu kusuvemla; panoqo xineye igizu lono povemlake.

Sumi Naga CL (Re-edited) Bible (BSI)

¹⁷ Kughengu I nhethi no pano laghi kümtsü shou ani. Panongu ye I launo itshüve mlae, momu pano xine ye I launo küsüve mlae.

JEREMIYA 16:17 ပူးပေါင်းရင်းမြစ်များ

YEKIKITHI AKINIU 16:9

AMPEU ye khunoqono pa lau amlolo aghokulu shi acheni keno tipaqo shikumtoni ke paye ayeghiqha kumtsu thebei jukuto acheni ke. Noye aghuzu nikha shivae eno tighenguno itehi nguno hilauye noye pulhapuju lo aghu shi ananike.”

JOB 10:14

Ike, ino axine shinimalaye imiqe achekena, tishianguno ikipimi pevetsumo niyeke.

JOB 31:4

Alhou ampino ila kumtsu ithulu ani, eno ipukhune sukiqhe kumtsu hesa anike kumo kesha?

LESHELE 109:15

AMPEU no panoqo xine pulhapuju kumsululo ikemu panoqoye qhoi kumsumave pelo!

LESHELE 139:3

Ino mla akeu momu ihozu akeu nono ni ithulu ani, ilaghi kumtsu nono ithipe ani.

LESHELE 33:15

Panoqo kukumsu shitsukeuye pake, panonguno shikeu kumtsu pano ithi ani.

LESHELE 51:9

Ixine launo onhethi miyiluvelo eno ilhoksa kumtsu isuvetsulo.

LESHELE 90:8

Nono ni xine pesu ozulo qhipua cheni, niwu tuqho tughou xine hu nono ithukulupualo qhicheni.

AHOLE 15:3

Khile khileno kiukiu shiaghi namu AMPEU no ithulu ani; akivi mula ani keo alhoksa mula anikela paye ningu jukuto ani.

AHOLE 5:21

AMPEU no thwokha kumtsu ithulu ani, nono khilekhile wunamu pano ojukuto ani.

ISAIAH 29:15

Khunoqono panono kughupe puakeu AMPEU launo kusu veni keno tipanoye ahaksapuke! Panonguno kusuuno panono kumqu puakeu shi acheni, eno khunomu panongu ithuluni chemo momu khunomu panonguno shiakeu ithini chemo kepi kumsu acheni.

ISAIAH 66:18

Ino panoqo kukumsu eno panoqo kumla ithi ani. Ashiayeh kumtsu gholo timiqo hekutsunike niye cheae! Kughono panongu kumqoluveni keno, ikukaye kiu shilu nani keno panonguno ithulu nani,

JEREMIYA 2:22

Nono sapun akumghau pesu qhua namu niye okipimi oxine ithuluni aphike.

JEREMIYA 23:24

Timi lakhimu ino pa ithumlape nike itshukulupu shimlake. Niye kungugha ngo ayeghi shou aqha kumtsulo ani kepi nonguye mtha kesha?

JEREMIYA 29:23

Panongu kuxuye tishive nanike kughengu panonguye axine lhoksa shivekeu lono kuquvae, panonguno salhashupuke eno AMPEU jelono akimki tsa pike. Hiye AMPEU pulou kumoke; panonguno kiu shive keno pano ithi ani eno pano panoqo shou thopiu ke. AMPEU no piqhive ake.”

JEREMIYA 32:19

Nono alokutsushi kughu cheni eno akumzapu kumla shi cheni; timino shikeu jeli thwokha nono ithuluke eno panongu kumla kiqi lono nono asaxu tsu cheni.

JEREMIYA 7:11

Ichinekiye heqhi suxakulumi kughutshua kepi nonguye kumsu ani kesha? Nonguno kiu shiani keno ino ithulu khavae.

EZEKEL 8:12

Alhou no ivilo ishi iniju, “Thinikuau timio, Israilmi sakiphemino kusuuno kiu shiani keno noye ithulu anima? Panongu kumtsu achebo lakhilo ajulho chhitoi akeulo mlla anike. Panoqono jekukivi shiakeuye: ‘AMPEU ye ningu ithulu amoe! Paye aghakhu qhive ake.’ ”

EZEKEL 9:9

Alhou no ishi khochile, “Israil ngo Juda lo akemiqoye axine kuthoshi kuquvae. Panonguno aghakhu kumtsulo timi ghiqhi puakhani eno ghiqhi heqhi keuno Jerusalem chhitoivae. Panonguno pikeuno ni, AMPEU no pano ghakhu qhive eno niye panoqo jumovae pike.

ZEFANIA 1:12

“Tipa ghulokilo ino akuluqhe lakhi pepuzu Jerusalem lheju nani. Khunoqono pano likhi pano ghapiqi eno pano pukhupe acheni, khunoqono pano likhi pano vilo, ‘AMPEU ye akivimu alhoksa mu shimo nanike’ ipi picheni keno, ino timi tipaqo ghimeqhi nani.

ZEKHARIA 4:10

Kungumi huno ivilo pi, “Akulubo tsuni huye AMPEU nhethi tsuni ayeghiqha kumtsu shou jupuku achekeuke.” Panonguye aghuthi suveke kughengu aki kishi kumla kititi likhi shiluke. Ikemu Zerubabel no ngovemo puzu Achineki shi akeu panonguno ithulu nani eno panonguye alovive nani.”

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

IBRIMI 4:13

Alhou zuloye lhophepua keu kiumu kusuvemlae, ikemu thwokha pa zuloye nhamono thebei ithulu ani; eno pa lau ningu kumtsu kihikulayi pesu tsu nani.